previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୫୨ କୋଭିଡ୍ ପଜିଟିଭ୍
  • ||
  • ଦେଶରେ ଉପରତଳ ସଂକ୍ରମଣ : ୨୪ ଘଣ୍ଟାରେ ବାହାରିଲେ ୧୬୧୬୭ କରୋନା ପଜିଟିଭ୍
  • ||
  • ବିହାରରେ ବିଜେପିଠୁ ଅଲଗା ହେବ ଜେଡିୟୁ ! ଗୋଟିଏ-ଦୁଇ ଦିନରେ ହୋଇପାରେ ଘୋଷଣା
  • ||
  • ଝାରସୁଗୁଡା ଉପକାରାଗାରରେ ଅଘଟଣ, ଗଳାକାଟି କଏଦୀଙ୍କ ଆତ୍ମହତ୍ୟା ଉଦ୍ୟମ
  • ||
  • ଜଙ୍ଗଲର ରାଜାକୁ ପାଳିବା ପାଇଁ ଟଙ୍କା ନାହିଁ : ଚିଡିଆଖାନାର ସିଂହକୁ ବିକ୍ରି କରିଦେବ ପାକିସ୍ତାନ
  • ||

ଶୀନା ବୋରା ମର୍ଡର କେସ: ଛଅ ବର୍ଷ ପରେ ଜେଲରୁ ମୁକୁଳିଲେ ଇନ୍ଦ୍ରାଣୀ ମୁଖାର୍ଜୀ

20/05/2022 at 6:24 PM

ନୂଆଦିଲ୍ଲୀ: ଦୀର୍ଘ ଛଅ ବର୍ଷ ପରେ ଶେଷରେ ଜେଲରୁ ମୁକୁଳିଲେ ନିଜ ଝିଅ ଶୀନା ବୋରାର ହତ୍ୟା ଅଭିଯୁକ୍ତ ଇନ୍ଦ୍ରାଣୀ ମୁଖାର୍ଜୀ। ବୁଧବାର ସୁପ୍ରିମକୋର୍ଟରୁ ଜାମିନ ପାଇବା ପରେ ଶୁକ୍ରବାର ଭାୟଖଲା ଜେଲରୁ ସେ ବାହାରିଛନ୍ତି। ୨ ଲକ୍ଷ ଟଙ୍କାର ବ୍ୟକ୍ତିଗତ ମୁଚଲିକାରେ ଇନ୍ଦ୍ରାଣୀଙ୍କୁ ଜାମିନ ମିଳିଛି। ତେବେ ତାଙ୍କୁ ଦୁଇ ସପ୍ତାହ ଭିତରେ ଏହି ଅର୍ଥ ଜମା କରିବାକୁ ପଡିବ।

୬ ବର୍ଷ ଜେଲ୍ ସଜା କାଟିବା ଏବଂ ଜାମିନ ମିଳିବା ଉପରେ ଇନ୍ଦ୍ରାଣୀ ମୁଖାର୍ଜୀ କହିଛନ୍ତି, ସେ ଜେଲ୍‌ରୁ ବାହାରି ବହୁତ ଖୁସି। ଇନ୍ଦ୍ରାଣୀ ମୁଖାର୍ଜୀ ନିଜର ପୂର୍ବ ବିବାହରୁ ଜନ୍ମିତ ଝିଅ ଶୀନା ବୋରାଙ୍କ ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ। ଶୀନା ବୋରାଙ୍କୁ ୨୦୧୨ରେ କଥିତ ଅପହରଣ କରାଯାଇ ହତ୍ୟା କରାଯାଇଥିଲା। ମୃତଦେହ ମୁମ୍ବାଇର ବାହ୍ୟ ଅଞ୍ଚଳରେ ଏକ ଗାତରୁ ମିଳିଥିଲା।

ଇନ୍ଦ୍ରାଣୀ ମୁଖାର୍ଜୀ ଏବଂ ନିଜର ପୂର୍ବତନ ପତି ତଥା ମିଡିଆ ବ୍ୟବସାୟୀ ପିଟର ମୁଖାର୍ଜୀଙ୍କ ସହ ଅନ୍ୟ ଦୁଇ ଜଣ ମାମଲାର ଅଭିଯୁକ୍ତ ଥିଲେ। ପିଟର ମୁଖାର୍ଜୀ  ମଧ୍ୟ ଏହି ମାମଲାରେ ଜେଲରେ ସଜା କାଟି ସାରିଛନ୍ତି। ପ୍ରତିଭାଶାଳୀ ଦମ୍ପତ୍ତିଙ୍କ ନାମରେ ପ୍ରସିଦ୍ଧ ଇନ୍ଦ୍ରାଣୀ ଏବଂ ପିଟରଙ୍କ ଯୋଡି ୨୦୦୭ରେ ଆଇଏନଏକ୍ସ ନେଟଓ୍ଵର୍କ ସ୍ଥାପନ କରିଥିଲେ।

ହେଲେ ଦୁଇ ବର୍ଷ ପରେ ଅନିୟମିତତା ଅଭିଯୋଗ ପରେ ଏହାକୁ ବିକ୍ରି କରି ଦେଇଥିଲେ। ତେବେ ପ୍ରବର୍ତ୍ତନ ନିର୍ଦ୍ଦେଶାଳୟ ଅଭିଯୋଗ କରିଥିଲେ ଯେ, ୨୦୦୮ରେ କାର୍ତ୍ତି ଚିଦାମ୍ବରମ ଆଇଏନଏକ୍ସ ଉଦ୍ୟୋଗରେ କୋଟି କୋଟି ଟଙ୍କାର ବିଦେଶ ନିବେଶ ପାଇଁ ମଞ୍ଜୁରୀ ଦେବାର କାମ କରିଥିଲେ। ଏଥିପାଇଁ ତାଙ୍କୁ ଲାଞ୍ଚ ମଧ୍ୟ ମିଳିଥିଲା। ମାମଲାର ଏବେ ମଧ୍ୟ ତଦନ୍ତ ଜାରି ରହିଛି।

   Related Posts