scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଇଣ୍ଡୋନେସିଆ ବିମାନ ଦୁର୍ଘଟଣାର ମିଳିପାରୁନି ପ୍ରକୃତ ତଥ୍ୟ , ଇଣ୍ଡୋନେସିଆର ନାସନାଲ୍ କମିଶନ୍ ଫର୍ ଟ୍ରାନ୍ସପୋର୍ଟେସନ୍ ସେଫ୍ଟି ବିଭାଗ ଦୁର୍ଘଟଣାର ତଦନ୍ତ କରିବ

29/10/2018 at 9:41 PM

ଇଣ୍ଡୋନେସିଆ ;୨୯/୧୦-ଇଣ୍ଡୋନେସିଆ ର ବିମାନ ଦୁର୍ଘଟଣାଗ୍ରସ୍ତ । ଜାଭା ସମୁଦ୍ରରେ ବୁଡ଼ିଗଲା ଲାଇନ୍ ଏୟାରର ବୋଇଂ  ୭୩୭ ମ୍ୟାକ୍ସ-୮  ।  ଆଉ ୮ କ୍ରୁ ମେମ୍ବର ଏବଂ ୧୮୧ ଯାତ୍ରୀଙ୍କ ବାବଦରେ ଏଯାଏଁ ଖୋଜ୍ ଖବର ମିଳିନି । ସେମାନଙ୍କର ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ରାଜଧାନୀ ଜାକର୍ତ୍ତାରୁ ଉଡ଼ାଣ କରିବାର ୧୩ ମିନିଟ୍ ପରେ ଭୋରୁ ଭୋରୁ ଘଟିଛି ଏମିତି ଦୁର୍ଘଟଣା  ।  ଜାଭା ସମୁଦ୍ରରେ ଦୁର୍ଘଟଣାଗ୍ରସ୍ତ ହେଲା ଇଣ୍ଡୋନେସିଆର ଯାତ୍ରୀବାହୀ ବିମାନ ।  ବିମାନରେ ୮ ଜଣ କ୍ରୁ ମେମ୍ବର ଏବଂ ୧୮୧ ଜଣ ଯାତ୍ରୀ ଥିଲେ । ଯାତ୍ରୀମାନଙ୍କ ମଧ୍ୟରେ ୩ ଜଣ ଶିଶୁ ଥିଲେ  । ୧୨ ଘଣ୍ଟାରୁ ଅଧିକ ସମୟ ହେବ ସେମାନଙ୍କର କିଛି ପତ୍ତା ମିଳୁ ନଥିବା ବେଳେ ସେମାନଙ୍କର ମୃତ୍ୟୁ ହୋଇଥିବା ଆଶଙ୍କା କରାଯାଉଛି  । ସକାଳ ୬ଟା ୨୦ ମିନିଟରେ ରାଜଧାନୀ ଜାକର୍ତ୍ତାରୁ ଉଡ଼ାଣ ଆରମ୍ଭ କଲା ଲାୟନ୍ ଏୟାରର ବୋଇଂ ୭୩୭ମ୍ୟାକ୍ସ-୮  ।  ପଙ୍ଗକଲ୍ ପିନାଙ୍ଗ୍ ଅଭିମୁଖେ ଏହା ଉଡ଼ାଣ କରିଥିଲା ।  କିନ୍ତୁ ସମୁଦ୍ର ଉପରକୁ ଯିବାର କେଇ ମିନିଟ୍ ଯାଇନି ପାଇଲଟ୍ ଫେରିବାକୁ ଚାହିଁଥିଲେ । ଏୟାର୍ ଟ୍ରାଫିକ୍ କଂଟ୍ରୋଲ୍ ସହ ଯୋଗାଯୋଗ କରୁ କରୁ ତାଙ୍କୁ ଅନୁମତି ମିଳିଲା ।  କିନ୍ତୁ ସଙ୍ଗେ ସଙ୍ଗେ ଯୋଗାଯୋଗ ବିଚ୍ଛିନ୍ନ ହୋଇଗଲା ।  ଜାଭା ସମୁଦ୍ର ଉପକୂଳରୁ ବିମାନର କିଛି ସିଟ୍ କଭର୍ ଏବଂ ଯାତ୍ରୀଙ୍କର ମୋବାଇଲ୍ ଫୋନ୍ କଭର୍ ମିଳିଛି ।  ତେଣୁ ବିମାନଟି ଏହିଠାରେ ବୁଡ଼ି ଯାଇଥିବା ଆଶଙ୍କା କରାଯାଉଛି ।ବିମାନର ପାଇଲଟ୍ ଥିଲେ ଦିଲ୍ଲୀ ମୟୂର ବିହାରର ୩୧ ବର୍ଷୀୟ ଭବ୍ୟେ ସୁନେଜା ।  ୨୦୧୧ରେ ଇଣ୍ଡୋନେସିଆର ଲାୟନ୍ ଏୟାର୍-ରେ ସେ ଯୋଗ ଦେଇଥିଲେ । ସୁନେଜାଙ୍କର ୬ ହଜାର ଘଣ୍ଟାର ଫ୍ଲାଇଟ୍ ଅଭିଜ୍ଞତା ଥିବା ବେଳେ ତାଙ୍କ ସହ ଥିବା କୋ-ପାଇଲଟ୍ ହର୍ବିନୋଙ୍କର ମଧ୍ୟ ୫ ହଜା ଘଣ୍ଟାର ଏକ୍ସପେରିଏନ୍ସ ଥିଲା । ପୁଣି ବିମାନଟି ମଧ୍ୟ ନୂଆ ଥିଲା । ସମୁଦ୍ର ପତନ ଠାରୁ ୧୧୧୩ ମିଟର ଉଚ୍ଚରେ ଥିବା ବେଳେ ଏୟାର୍ ଟ୍ରାଫିକ୍ କଂଟ୍ରୋଲ୍ ସହ ବିମାନର ଯୋଗାଯୋଗ ବିଚ୍ଛିନ୍ନ ହୋଇଗଲା । ଉଡ଼ାଣର କିଛି ସମୟ ପରେ ବିମାନରେ କି ତ୍ରୁଟି ଦେଖାଦେଲା, ତାହା ଏଯାଏଁ ସ୍ପଷ୍ଟ ହୋଇପାରିନି । ତଥାପି ଏୟାର୍ ଟ୍ରାଫିକ୍ ରାଡାର୍ ଏବଂ ବିମାନର ପତ୍ତା ମିଳିବା ପରେ କକପିଟ୍ ଭଏସ୍ ରେକର୍ଡରରୁ ତଥ୍ୟ ସଂଗ୍ରହ କରାଯିବ  ।  ଇଣ୍ଡୋନେସିଆର ନାସନାଲ୍ କମିଶନ୍ ଫର୍ ଟ୍ରାନ୍ସପୋର୍ଟେସନ୍ ସେଫ୍ଟି ବିଭାଗ, ବୋଇଂ ଦୁର୍ଘଟଣାର ତଦନ୍ତ କରିବ  ।  ୨୦୧୪ ଇଣ୍ଡୋନେସିଆରେ ଏହା ବଡ଼ ବିମାନ ଦୁର୍ଘଟଣା । ୨୦୧୪ ଡିସେମ୍ବରରେ ସମୁଦ୍ରରେ ଏୟାର୍ ଏସିଆର ଏବ ବୋଇଂ ବିମାନ ବୁଡ଼ି ଯାଉଥିଲା ।  ଯେଉଁଥିରେ କ୍ରୁ ମେମ୍ବରଙ୍କୁ ମିଶାଇ ୧୬୨ ଜଣ ନେଇଥିଲେ ସଲୀଲ ସମାଧି

   Related Posts