scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସିରପ ଔଷଧ ଯୋଗୁ ଇଣ୍ଡୋନେସିଆରେ ହାହାକାର, ପିଲାଙ୍କଠାରେ ଦେଖା ଦେଇଛି କିଡନୀ ସମସ୍ୟା, ୯୯ ଶିଶୁ ମୃତ

20/10/2022 at 6:42 PM

ଜାକାର୍ତ୍ତା ୨୦।୧୦: ଇଣ୍ଡୋନେସିଆରେ ସବୁ ପ୍ରକାରର ସିରପ ଓ ଲିକୁଇଡ ଔଷଧ ଉପରେ ସରକାର ନିଷିଦ୍ଧାଦେଶ ଜାରି କରିଛନ୍ତି। କିଛି ମାସ ହେଲା ସିରପ ଔଷଧ ଖାଇବା ଯୋଗୁ ପିଲାଙ୍କ ଠାରେ କିଡନୀ ସମସ୍ୟା ଉପୁଜୁଥିଲା। ଫଳରେ ୯୯ ଜଣ ଶିଶୁଙ୍କ ମୃତ୍ୟୁକୁ ନେଇ ସରକାର ଦେଶରେ ସବୁ ପ୍ରକାର ସିରପ ଓ ଲିକୁଇଡ ଔଷଧ ନିଷିଦ୍ଧ କରିଦେଇଛନ୍ତି। ଅଧିକାରୀକ ସୂତ୍ର ଅନୁସାରେ ପିଲାମାନେ ସିରପ ଔଷଧ ଖାଇବା ବେଳେ ସେମାନଙ୍କଠାରେ କିଡନୀ ସମସ୍ୟା ଦେଖା ଦେଇଥିଲା। ଫଳରେ ୯୯ ଜଣ ପିଲାଙ୍କ ମୃତ୍ୟୁ ହୋଇଛି।

ଦେଶରେ ସରକାର ସବୁ ପ୍ରକାର ତରଳ ଔଷଧ ନିଷିଦ୍ଧ କରିଛନ୍ତି। ଏହି ସୂଚନା ସ୍ୱାସ୍ଥ୍ୟମନ୍ତ୍ରାଳୟ ଦେଇଛନ୍ତି। ଗତ ଜାନୁୟାରୀ ମାସରୁ ସିରପ ଔଷଧ ଖାଉଥିବା ପିଲାଙ୍କ ସ୍ୱାସ୍ଥ୍ୟ ଖରାପ ହେଉଥିବାର ଦେଶରେ ଅଭିଯୋଗ ମିଳୁଥିଲା। ଜାନୁୟାରୀରୁ ଏ ପର୍ଯ୍ୟନ୍ତ ୯୯ ଜଣ ଶିଶୁଙ୍କ ମୃତ୍ୟୁ ପରେ ସରକାର କଡା ପଦକ୍ଷେପ ନେବାକୁ ବାଧ୍ୟ ହୋଇଛନ୍ତି। ବିଷାକ୍ତ ସିରପ ନେଇ ସ୍ୱାସ୍ଥ୍ୟ ମନ୍ତ୍ରାଳୟ ଆଦେଶ ଜାରି କରିଛନ୍ତି।

ଦେଶର କୌଣସି ହସ୍ପିଟାଲ ଅଥବା କ୍ଲିନିକରେ ଡାକ୍ତର ଲୋକଙ୍କୁ କୌଣସି ତରଳ ଔଷଧ ପ୍ରେସ୍କ୍ରିପସନ ନ କରିବାକୁ କୁହାଯାଇଛି। ସେହିପରି ଯେଉଁ ପର୍ଯ୍ୟନ୍ତ ସିରପ ଗୁଡିକର ଯାଞ୍ଚ ଶେଷ ନ ହୋଇଛି, ଦେଶରେ ସେ ପର୍ଯ୍ୟନ୍ତ ଏପରି ସିରପର ବିକ୍ରି ଓ ବ୍ୟବହାର ଉପରେ କଡାକଡି ନିଷେଧାଦେଶ ଜାରି ହୋଇଛି। ତେବେ କେଉଁ ସିରପ ଖାଇବା ଯୋଗୁ ଦେଶରେ ଏପରି ପରିସ୍ଥିତି ଉପୁଜିଛି ତାହା ସ୍ପଷ୍ଟ ରୂପେ କୁହାଯାଇନି। ତେବେ ସବୁ ତରଳ ଔଷଧର ବିକ୍ରି ଓ ଉପଯୋଗ ବନ୍ଦ କରିଦିଆଯାଇଛି।      

   Related Posts