Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ଅରୁଣାଚଳ ପ୍ରଦେଶ : ଆସାମ ରାଇଫଲ୍ସ ଟିମ୍ ଉପରେ ଆତଙ୍କବାଦୀ ଆକ୍ରମଣ, ଜଣେ ଯବାନ ଆହତ

9/08/2022 at 10:46 AM

ନୂଆଦିଲ୍ଲୀ ୦୯/୦୮: ଅରୁଣାଚଳ ପ୍ରଦେଶର ଭାରତ-ମିଆଁମାର ସୀମାରେ ଆତଙ୍କବାଦୀଙ୍କ ଆକ୍ରମଣ । ସୀମାରେ ଆସାମ ରାଇଫଲ୍ସର ଟିମରେ ଉପରେ ଉଗ୍ରବାଦୀମାନେ ଗୁଳିମାଡ କରିଛନ୍ତି । ଏହାର ପାଲଟା ଜବାବ ମଧ୍ୟ ଯବାନମାନେ ଦେଇଛନ୍ତି ।

ସୂଚନାନୁସାରେ, ମଙ୍ଗଳବାର ସକାଳେ ତୀରପ ଚାଙ୍ଗଲାଙ୍କ୍ ଜିଲ୍ଲାରେ ଉଗ୍ରବାଦୀମାନେ ଯବାନଙ୍କ ଉପରେ ଆକ୍ରମଣ କରିଥିଲେ । ଏଥିରେ ଜଣେ ଯବାନ ଆହତ ହୋଇଛନ୍ତି । ତାଙ୍କ ହାତରେ ଗଭୀର ଆଘାତ ଲାଗିଛି ।

ଭାରତ ସହ ସଂଲଗ୍ନ ମିଆଁମାର ସୀମା ଶାନ୍ତ ଦେଖାଯାଉଥିଲେ ବି ପ୍ରକୃତରେ ଏହା ଏପରି ନୁହେଁ । ଏଠାରେ ପାକିସ୍ତାନ ସୀମା ଭଳି ସ୍ଥିତି ନାହିଁ । କିନ୍ତୁ ଉତ୍ତର ପୂର୍ବର ବିଦ୍ରୋହୀ ସଙ୍ଗଠନ ଏଠାରେ ସକ୍ରିୟ ଅଛନ୍ତି । ଆସାମ ରାଇଫଲ୍ସର ମହାନିର୍ଦ୍ଦେଶକ ଲେଫ୍ଟନାଣ୍ଟ ଜେନେରାଲ ପିସି ନାୟର ନିକଟରେ କହିଥିଲେ ଯେ, ଆଞ୍ଚଳିକବାଦକୁ ଭିତ୍ତି କରି ଅସ୍ତ୍ର ଉଠାଇବା ସଦସ୍ୟ ଉତ୍ତରପୂର୍ବ ସୀମାରେ ସକ୍ରିୟ ଅଛନ୍ତି । ଉଲଫା, କେଏଲଓ ଓ ମଣିପୁରର ବିଦ୍ରେୀହୀ ସଙ୍ଗଠନ ସହିତ ଆଉ କିଛି ସଙ୍ଗଠନ ଏଠାରେ ନିଜର ନେଟଓ୍ୱର୍କ ସ୍ଥାପନ କରିଛନ୍ତି ।

ସୂଚନାଯୋଗ୍ୟ, ପୂର୍ବରୁ ମଧ୍ୟ ଏଠାରେ ଅନେକ ସମୟରେ ହିଂସାକାଣ୍ଡ ଘଟିଛି । କିଛି ମାସ ତଳେ ଉତ୍ତରପୂର୍ବରେ ବିଦ୍ରୋହୀ ସଙ୍ଗଠନର ଆକ୍ରମଣରେ ଜଣେ ବରିଷ୍ଠ ସୈନ୍ୟ ଅଧିକାରୀ ଓ ତାଙ୍କ ପରିବାର ସଦସ୍ୟଙ୍କ ମୃତ୍ୟୁ ହୋଇଥିଲା ।

   Related Posts