ନୂଆଦିଲ୍ଲୀ: ଇଣ୍ଡିଗୋ ବିମାନ ପାଇଲଟଙ୍କ ଘୋଷଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ୟୁଜର୍ସ ମଧ୍ୟ ଏହି ଭିଡିଓକୁ ବେଶ ପସନ୍ଦ କ ରୁଛନ୍ତି । ଏହି ଭିଡିଓରେ ପାଇଲଟ୍ କାରଗିଲ ଯୁଦ୍ଧ ହିରୋଙ୍କୁ ସମ୍ମାନିତ କରୁଛନ୍ତି । ପରମ ବୀର ଚକ୍ରରେ ସମ୍ମାନିତ ସୁବେଦାର ମେଜର ସଞ୍ଜୟ କୁମାର ଏହି ବିମାନରେ ଯାତ୍ରା କରୁଥିଲେ । ପାଇଲଟ୍ ଜଣକ ଯେତେବେଳେ ସୁବେଦାର ମେଜରଙ୍କ ପରିଚୟ ଦେଇଥିଲେ ଏବଂ ତାଙ୍କ ସାହସୀକତା ବିଷୟରେ କହିଥିଲେ, ବିମାନରେ ଥିବା ଯାତ୍ରୀମାନେ ଜୋରଦାର ତାଳି ମାରିଥିଲେ । ଏହି ଭିଡିଓକୁ ଇଣ୍ଡିଗୋର ଅଫିସିଆଲ୍ ଟ୍ୱିଟର ଆକାଉଣ୍ଟରେ ସେୟାର କରାଯାଇଛି ।
ପଢନ୍ତୁ: ସମ୍ବଲପୁରୀ ବସ୍ତ୍ରକୁ ମିଳିବ ଜିଆଇ ଟ୍ୟାଗ, ଆଇଆଇଏମ୍ରେ କେନ୍ଦ୍ର ବୟନଶିଳ୍ପ କମିଶନରଙ୍କ ଘୋଷଣା
ଭିଡିଓରେ ଦେଖିବାକୁ ମିଳୁଛି ଯେ ଇଣ୍ଡିଗୋ ପାଇଲଟ ବିମାନ ଉଡାଣ ଭରିବା ପୂର୍ବରୁ ସୁବେଦାର ମେଜର ସଞ୍ଜୟ କୁମାରଙ୍କ ସମ୍ମାନରେ ଏକ ଘୋଷଣା କରିଥିଲେ । ପାଇଲଟ ଜଣକ କହୁଛନ୍ତି, 'ଆଜି ଆମ ସହ ଜଣେ ଖାସ୍ ଯାତ୍ରୀ ଅଛନ୍ତି । ସେ ହେଉଛନ୍ତି ପରମ ବୀର ଚକ୍ରରେ ସମ୍ମାନିତ ସୁବେଦାର ମେଜର ସଞ୍ଜୟ କୁମାର । ଉଲ୍ଲେଖଯୋଗ୍ୟ ଯେ ପରମ ବୀର ଚକ୍ର ଭାରତୀୟ ଇତିହାସରେ ମାତ୍ର ୨୧ ଜଣଙ୍କୁ ଦିଆଯାଇଛି । ଏହା ଯୁଦ୍ଧ ସମୟରେ ଦିଆଯାଉଥିବା ସର୍ବୋଚ୍ଚ ବୀରତା ପୁରସ୍କାର ଅଟେ । ଏହା ପରେ ପାଇଲଟ ଜଣକ ବିମାନର ଅନ୍ୟ ଯାତ୍ରୀଙ୍କୁ ତାଙ୍କ ବିରତ୍ୱର କାହାଣୀ ଶୁଣାଇଥିଲେ । ସେଠାରେ ତାଙ୍କ ସାମ୍ମାନ ମଧ୍ୟ କରାଗଲା ।
wp:html/wp:htmlFlying with a hero: Subedar Major Sanjay Kumar ji, a Living Param Veer Chakra awardee! #goIndiGo #IndiaByIndiGo pic.twitter.com/CZsqlHxRj6
— IndiGo (@IndiGo6E) July 23, 2023
ଭିଡିଓକୁ ଦେଖି ୟୁଜର୍ସମାନେ ମଧ୍ୟ ଉତ୍ସାହିତ ହୋଇ ରିଆକ୍ସନ ଦେଇଛନ୍ତି । ଜଣେ ୟୁଜର ଲେଖିଛନ୍ତି ସୁବେଦାର ମେଜର ସଞ୍ଜୟ କୁମାରଙ୍କ ସାହସୀକତାକୁ ଶତ-ଶତ ନମନ । ଆପଣମାନଙ୍କ ସାହସୀକତା ପାଇଁ ହିଁ ଆମେମାନେ ଏକ ସୁରକ୍ଷିତ ଜୀବନ ବଞ୍ଚୁଛୁ । ଭାରତୀୟ ସଶସ୍ତ୍ର ବଳ ଉପରେ ଆମେ ଗର୍ବିତ, ଜୟହିନ୍ଦ ।
Also Read: ସେନା ଯବାନଙ୍କ କୋର୍ଟ ମାର୍ଶଲ, ୧୦ ବର୍ଷ ଜେଲ୍ ଦଣ୍ତ; ପାକିସ୍ତାନ ଗୁପ୍ତଚରକୁ ଦେଉଥିଲେ ଗୁଇନ୍ଦା ସୂଚନା