ଲସ୍ ଆଞ୍ଜେଲ୍ସ: ଭାରତୀୟ ସିନେମା ଓ ସଂଗୀତରେ ବିଦେଶରେ ପ୍ରଭାବ ବଢ଼ିବାରେ ଲାଗିଛି। ଭାରତୀୟ ସିନେମା ଓ ଗୀତ ବିଦେଶ ସମ୍ମାନୀୟ ପୁରସ୍କାର ଜିତୁଛି। ନିକଟରେ RRRର ନାଟୁ ନାଟୁ ଗୀତ ଆମେରିକାରେ ଗୋଲ୍‌ଡେନ୍ ଗ୍ଲୋବ ଆୱାର୍ଡ ଜିତିଥିଲା। ଏବେ ଏକ ଭାରତୀୟ ଆଲବମ ଗୀତ ଆମେରିକାର ଗ୍ରାମୀ ଆୱାର୍ଡ ଜିତିଛି।

ଭାରତୀୟ ସଂଗୀତ ନିର୍ଦ୍ଦେଶକ ରିକି କେଜ୍‌ଙ୍କର ଅଲବମ ‘ଡିଭାଇନ ଟାଇଡ୍‌’କୁ ଗ୍ରାମୀ ପୁରସ୍କାର ମିଳିଛି। ବେଷ୍ଟ ଇମର୍ସିଭ୍ ଅଡିଓ ଆଲବମ କ୍ୟାଟେଗୋରୀରେ ଏହି ଆଲବମ ଗ୍ରାମୀ ପୁରସ୍କାର ହାତେଇଛି। ରିକି କେଜ୍‌ ଏହି ପୁରସ୍କାରକୁ ବ୍ରିଟିସର ଡ୍ରମ ବାଦକ ଷ୍ଟେୱାର୍ଟ କପଲାଣ୍ଡଙ୍କ ସହ ଶେୟାର କରିଛନ୍ତି। ତେବେ ୩ଟି ଗ୍ରାମୀ ପୁରସ୍କାର ଜିତିଥିବା ରିକି କେଜ୍ ପ୍ରଥମ ଭାରତୀୟ ହୋଇଛନ୍ତି।

ରିକି ଏହି ପୁରସ୍କାର ଜିତିବା ପରେ ତାଙ୍କ ସହଯୋଗୀ ବ୍ରିଟିସର ରକ୍ ବ୍ୟାଣ୍ଡ ‘ଦି ପୁଲିସ’ର ଡ୍ରମ ବାଦକ ଷ୍ଟେୱାର୍ଟ କପଲାଣ୍ଡଙ୍କ ସହ ପୁରସ୍କାର ଧରି ଇନଷ୍ଟାଗ୍ରାମରେ ଫଟୋ ଶେୟାର କରିଛନ୍ତି। ମୋର ତୃତୀୟ ଗ୍ରାମୀ ପୁରସ୍କାର ପାଇଁ ମୁଁ ଆପଣମାନଙ୍କ ପାଖରେ ବହୁତ କୃତଜ୍ଞ।

View this post on Instagram

A post shared by Ricky Kej (@rickykej)

ପଢନ୍ତୁ- ୨୦୨୨ର ବିଶ୍ୱବ୍ୟାପୀ ସର୍ବାଧିକ ଆୟକାରୀ ଭାରତୀୟ ସିନେମା ଦୌଡ଼ରେ RRR; ଜାପାନରେ କରୁଛି କମାଲ

ତେବେ ସବୁଠାରୁ ବଡ଼ କଥା ହେଲା ଆମେରିକାରେ ଦିଆଯାଉଥିବା ଏଭଳି ସମ୍ମାନ ପାଇଁ ରିକି ଉକ୍ତ କାର୍ଯ୍ୟକ୍ରମକୁ ଭାରତୀୟ ପାରମ୍ପରିକ ପୋଷାକ ପିନ୍ଧି ଯାଇଥିଲେ। ସେଠାରେ ପୁରସ୍କାର ଗ୍ରହଣ କରିବା ପରେ ସହଯୋଗୀଙ୍କ ସହ ଫଟୋ ସୋସିଆଲ୍ ମିଡିଆରେ ଶେୟାର କରିଛନ୍ତି। ଏହା ପୂର୍ବରୁ ୨୦୨୨ରେ ରିକି କେଜ୍ ଏହି ଆଲ୍‌ବମ ପାଇଁ ଦ୍ୱିତୀୟ ଗ୍ରାମୀ ଆୱାର୍ଡ ଜିତିଥିଲେ। ସେହିପରି ୨୦୧୫ରେ ‘ୱିଣ୍ଡୋ ଅଫ୍ ସମସାରା’ ଆଲବମ ପାଇଁ ପ୍ରଥମ ଗ୍ରାମୀ ପୁରସ୍କାର ହାତେଇଥିଲେ ରିକି କେଜ୍ । ନିକଟରେ ନିଜର ଓଡ଼ିଶା ଯାତ୍ରା ସମୟରେ ନ୍ୟୁଜ ୭କୁ ସାକ୍ଷାତକାର ଦେଇ ପ୍ରଭୁ ଜଗନ୍ନାଥଙ୍କ ଉପରେ ଗୀତ କରିବା ନେଇ ଇଚ୍ଛା ରଖିଥିବା କହିଥିଲେ ରିକି କେଜ୍ । ଦେଖନ୍ତୁ…

ଆମେରିକାରେ ଦିଆଯାଉଥିବା ଗ୍ରାମୀ ଆୱାର୍ଡ ଏକ ମ୍ୟୁଜିକ ଆୱାର୍ଡ। ବିଭିନ୍ନ ବର୍ଗରେ ଭଲ ପ୍ରଦର୍ଶନ କରୁଥିବା ଗୀତଗୁଡିକୁ ଏହି ପୁରସ୍କାର ମିଳିଥାଏ। ଚଳିତ ବର୍ଷ ଫେବ୍ରୁଆରୀ ୬ ତାରିଖରେ ଆମେରିକାର ଲସ୍ ଆଞ୍ଜେଲେସ୍‌ରେ ଏହି ପୁରସ୍କାର ବିତରଣ କାର୍ଯ୍ୟକ୍ରମ ଆୟୋଜିତ ହୋଇଛି। ଏଥିରେ ରିକି ତୃତୀୟ ଥର ପାଇଁ ଗ୍ରାମୀ ପୁରସ୍କାର ଜିତିଛନ୍ତି। ୧୦୧୫ରେ ‘ୱିଣ୍ଡୋ ଅଫ୍ ସମସାରା’ ପାଇଁ କେଜ୍ ପ୍ରଥମ ଗ୍ରାମୀ ପୁରସ୍କାର ଜିତିଥିବା ବେଳେ ‘ଡିଭାଇନ ଟାଇଡ୍‌’ ଆଲବମ ପାଇଁ ଦୁଇଟି ପୁରସ୍କାର ଜିତିଛନ୍ତି।