ନୂଆଦିଲ୍ଲୀ: ମାଟି ତଳୁ ବଞ୍ଚିଲା ଜୀବନ । ୪ ଦିନର ସଂଘର୍ଷ ପରେ ସୁରକ୍ଷିତ ଉଦ୍ଧାର । ୮ବର୍ଷ ବୟସ୍କ ଏକ ଶିଶୁର ଜୀବନ ବଞ୍ଚାଇ ଦେଇଛନ୍ତି ଭାରତୀୟ ଉଦ୍ଧାରକାରୀ ଦଳ । ଏନଡିଆର୍‌ଫ ଟିମ୍ ତୁର୍କୀ ଭୂମିକମ୍ପରେ ମାଟି ତଳେ ଫଶି ରହିଥିବା ଏକ ଛୋଟ ପିଲାକୁ ୪ଦିନ ପରେ ଉଦ୍ଧାର କରିଛି । ଶିଶୁ ଏବେ ସୁରକ୍ଷିତ ଥିବା ସୂଚନା ମିଳିଛି ।

ପିଟିଆଇ ରିପୋର୍ଟ ଅନୁଯାୟୀ, ଭାରତୀୟ ସେନା ଓ ଏନଡିଆର୍‌ଏଫ ଟିମ୍ ତୁର୍କୀରେ ଅପରେସନ ଦୋସ୍ତି ଆରମ୍ଭ କରିଛି । ଭୂମିକମ୍ପ ପୀଡ଼ିତଙ୍କୁ ଉଦ୍ଧାର କରି ସୁରକ୍ଷିତ ସ୍ଥାନକୁ ସ୍ଥାନାନ୍ତର କରୁଛନ୍ତି । ଏନଡିଆରଏଫ ପକ୍ଷରୁ ଗାଜିୟାଣ୍ଟେପ ପ୍ରାନ୍ତରେ ଏକ ୩୦ ଟିକିଆ ବେଡ୍ ବିଶିଷ୍ଟ ହସ୍ପିଟାଲ ପ୍ରସ୍ତୁତ କରି ଆହତଙ୍କୁ ଚିକିତ୍ସା ଯୋଗାଇ ଦେଉଛନ୍ତି । ଏନଡିଆରଏଫ ଟିମ୍ ଗୁରୁବାର ଏକ ୮ବର୍ଷର ଶିଶୁକୁ ମାଟି ତଳୁ ସୁରକ୍ଷିତ ଭାବେ ଉଦ୍ଧାର କରିଛି ଟିମ୍ । ଭୂମିକମ୍ପର ୪ଦିନ ପରେ ଜୀବନ ବଞ୍ଚିଯାଇଛି । ଶିଶୁକୁ ରେସକ୍ୟୁ କରି ହସ୍ପିଟାଲରେ ଚିକିତ୍ସା କରାଯାଉଛି । ଏନେଇ ଭରତୀୟ ଗୃହ ମନ୍ତ୍ରଣାଳୟ ସୂଚନା ଦେଇଛି । ଏହା ପୂର୍ବରୁ ଏନଡିଆରଏଫ ଟିମ୍ ଏକ ୬ ବର୍ଷର ଶିଶୁକୁ ଧ୍ବଂସାବଶେଷ ତଳୁ ଉଦ୍ଧାର କରିଥିଲା ।  

#WATCH | India's NDRF & Turkish Army rescue an 8-year-old girl who was stuck alive under rubble of a building flattened by the massive earthquake in Nurdagi, Gaziantep in Turkey.

So far 24,000 people are dead in Turkey & Syria earthquakes that led to devastation.

(Source: NDRF) pic.twitter.com/6NNAAAzKml

— ANI (@ANI) February 11, 2023

ତୁର୍କୀ ଓ ସିରିଆରେ ହୋଇଥିବା ଭୟଙ୍କର ଭୂମିକମ୍ପରେ ପ୍ରାୟ ୨୩ ହଜାର ୩୧ଜଣଙ୍କ ମୃତ୍ୟୁ ହୋଇଥିବା ବେଳେ ପ୍ରାୟ ୮୩ ହଜାର ୮ଜଣ ଆହତ ହୋଇଛନ୍ତି । କେବଳ ତୁର୍କୀରେ ୧୯ ହଜାର ୮୩୩ଜଣ ପ୍ରାଣ ହରାଇଛନ୍ତି । ସେହିପରି ୭୭ ହଜାର ୭୧୧ ଜଣ ଆହତ ହୋଇଛନ୍ତି । ସିରିଆରେ ୪ ହଜାର ୪୩ଜଣଙ୍କ ମୃତ୍ୟୁ ହୋଇଥିବା ବେଳେ ୫ହଜାର ୨୯୭ଜଣ ଆହତ ହୋଇଛନ୍ତି ।