scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପ୍ରଥମ ଥର ପାଇଁ ଏତେ ବିଳମ୍ୱ, ୨୦୨୪ ପରେ ହୋଇପାରେ ଜନଗଣନା !

10/01/2023 at 6:45 PM

ନୂଆଦିଲ୍ଲୀ: ଦେଶରେ ପ୍ରତି ୧୦ ବର୍ଷରେ ଥରେ ହେଇ ଆସୁଥିବା ଜନଗଣନାକୁ ପୁଣି ଥରେ ସ୍ଥଗିତ କରି ଦିଆଯାଇଛି । ୨୦୧୧ ମସିହା ପରେ ୨୦୨୧ରେ ଏହି ପ୍ରକ୍ରିୟା ହେବାର ଥିଲା, କିନ୍ତୁ କରୋନା ଯୋଗୁଁ ଏହାକୁ ସ୍ଥଗିତ କରି ଦିଆଗଲା । ପରେ ୨୦୨୨ ମସିହାରେ ଜନଗଣନା ହୋଇପାରେ ବୋଲି ଚର୍ଚ୍ଚା ହେଉଥିଲା । କିନ୍ତୁ ତାହା ହେଲା ନାହିଁ, ଏହାରି ଭିତରେ ଏବେ ସଂକେତ ମିଳୁଛି ଯେ ୨୦୨୪ ଲୋକସଭା ନିର୍ବାଚନ ପରେ ଏହି ପ୍ରକ୍ରିୟା ଆରମ୍ଭ ହୋଇପାରେ । କେନ୍ଦ୍ର ସରକାର ୨୦୧୯ରେ ଜନଗଣନା ପାଇଁ ୮,୭୫୪ କୋଟି ଟଙ୍କା ବଜେଟ୍ ଆବଣ୍ଟିତ କରିଥିଲେ । ଦୁଇଟି ପର୍ଯ୍ୟାୟରେ ଏହା ହୋଇଥାନ୍ତା, ପ୍ରଥମ ରାଉଣ୍ଡ ୨୦୨୦ ଏପ୍ରିଲରୁ ସେପ୍ଟେମ୍ୱର ଏବଂ ଦ୍ୱିତୀୟ ପର୍ଯ୍ୟାୟ ୨୦୨୧ରେ ଫେବ୍ରୁଆରୀରେ କରିବା ନେଇ ଯୋଜନା ଥିଲା । କିନ୍ତୁ କରୋନା ପାଇଁ ସବୁ ସ୍ଥଗିତ ରହିଗଲା ।

ଏବେ ସରକାରୀ ସୂତ୍ର ଅନୁସାରେ ଦେଶର ପ୍ରଥମ ଡିଜିଟାଲ ଜନଗଣନା ସାଧାରଣ ନିର୍ବାଚନ ପରେ ହେବ । ଭାରତରେ ବ୍ରିଟିଶକାଳରେ ୧୮୭୨ ମସିହାରେ ପ୍ରଥମ ଥର ଜନଗଣନା ହୋଇଥିଲା । ଏହାପରେ ୧୫୦ ବର୍ଷ ଯାଏଁ ନିୟମିତ ଭାରେ ପ୍ରତି ୧୦ ବର୍ଷରେ ଜନଗଣନା ହୋଇଥିଲା । ୧୯୪୧ରେ ଦ୍ୱିତୀୟ ବିଶ୍ୱ ଯୁଦ୍ଧ, ୧୯୬୧ରେ ଚୀନ ସହ ଯୁଦ୍ଧ ଏବଂ ୧୯୭୧ରେ ବାଂଲାଦେଶ ମୁକ୍ତି ସଂଗ୍ରାମ ସମୟରେ କିଛି ବାଧା ସୃଷ୍ଟି ହୋଇଥିଲା, କିନ୍ତୁ ଜନଗଣନା କେବେ ବନ୍ଦ ହୋଇ ନଥିଲା ।

ଜନଗଣନାରେ ଦେଶରେ ମୋଟ ଜନସଂଖ୍ୟାର ଗଣତି ହୋଇଥାଏ । ଏହାଛଡା ଶିକ୍ଷାର ସ୍ତର, ହାଉସିଂ, ଲୋକଙ୍କ ଆର୍ଥିକ ସ୍ଥିତି, ମୃତ୍ୟୁ ଏବଂ ଜନ୍ମ ହାର, ଭାଷା, ଧର୍ମ, ଦିବ୍ୟାଙ୍ଗ ଏବଂ ଅନ୍ୟ ସାମାଜିକ-ଆର୍ଥିକ ଦିଗ ଉପରେ ଡାଟା ପ୍ରସ୍ତୁତ କରାଯାଇଥାଏ । ଏହା ଦେଶର ସବୁଠୁ ବଡ଼ ଡାଟାବେସ ହୋଇଥାଏ । ତେବେ ସରକାର ଆସନ୍ତା ଗନଗଣନା ଡିଜିଟାଲରେ କରିବାକୁ ସରକାର ଯୋଜନା କରିଛନ୍ତି । ଏହାଦ୍ୱାରା ଡାଟା ମ୍ୟାନେଜ ସହଜ ହେବ ।

   Related Posts