scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅଷ୍ଟ୍ରେଲିଆଠୁ ହାରିଲା ମହିଳା କ୍ରିକେଟ୍ ଟିମ୍ : ରାଜ୍ୟଗୋଷ୍ଠୀ କ୍ରୀଡାରେ ହାତଛଡା ହେଲା ସ୍ୱର୍ଣ୍ଣ, ରୁପାରେ ସନ୍ତୁଷ୍ଟ ଭାରତ

8/08/2022 at 8:13 AM

ବର୍ମିଂହାମ, ୦୮/୦୮: ମହିଳା ଟି-ଟ୍ୱେଣ୍ଟି କ୍ରିକେଟର ଫାଇନାଲ୍‌ ତଥା ସ୍ୱର୍ଣ୍ଣ ପଦକ ମୁକାବିଲାରେ ଭାରତକୁ ପରାଜୟର ସାମ୍ନା କରିବାକୁ ପଡ଼ିଛି । ଅଧିନାୟିକା ହର୍ମନପ୍ରୀତ କୌର ଅର୍ଦ୍ଧଶତକୀୟ ଇନିଂସ୍‌ ଖେଳି ବିଜୟ ଆଶା ଉଜ୍ଜ୍ୱଳ କରିଥିଲେ ହେଁ ନିମ୍ନକ୍ରମ ବ୍ୟାଟିଂ ବିଫଳତା ଦଳ ପରାଜୟର ମୁଖ୍ୟ କାରଣ ସାଜିଥିଲା । ଅଷ୍ଟ୍ରେଲିଆ ୯ ରନ୍‌ରେ ବିଜୟୀ ହୋଇ ସ୍ୱର୍ଣ୍ଣ ପଦକ ହାସଲ କରିଥିଲା । ଏହି ମ୍ୟାଚ୍‌ରେ ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ୮/୧୬୧ ରନ୍‌ କରିଥିଲା । ଜବାବରେ ଭାରତ ୧୯.୩ ଓଭରରେ ୧୫୨ରନ୍‌ କରି ଅଲଆଉଟ୍‌ ହୋଇଯାଇଥିଲା ।

ଟସ୍‌ ଜିତି ଅଷ୍ଟ୍ରେଲିଆ ବ୍ୟାଟିଂ ନିଷ୍ପତ୍ତି ନେଇଥିଲା । ଅଲିସା ହିଲି ଓ ମୁନି ପାଳି ଆରମ୍ଭ କରିଥିଲେ । ପେସ୍‌ ବୋଲର ରେଣୁକା ସିଂହ ତୃତୀୟ ଓଭରର ଦ୍ୱିତୀୟ ବଲ୍‌ରେ ହିଲି (୭)ଙ୍କୁ ପାଭିଲିୟନ ପଠାଇ ଦଳକୁ ପ୍ରଥମ ସଫଳତା ଦେଇଥିଲେ । ୩ନଂ ସ୍ଥାନରେ ଆସିଥିବା ଲାନିଙ୍ଗ୍‌ ଅପରାଜିତ ମୁନିଙ୍କ ସହ ମିଶି ସ୍କୋରକୁ ଆଗେଇ ନେଇଥିଲେ । ଦ୍ୱିତୀୟ ୱିକେଟ୍‌ରେ ୭୪ରନ୍‌ ଭାଗିଦାରୀ ଗଠନ ପରେ ଲାନିଙ୍ଗ୍‌ ଆଉଟ୍‌ ହୋଇଥିଲେ । ସେ ୨୬ ବଲ୍‌ରୁ ୩୬ (୫ଚୌକା, ୧ଛକା) ରନ୍‌ କରିଥିଲେ । ଏହାପରେ ବ୍ୟାଟିଂ ବିପର୍ଯ୍ୟୟ ଆରମ୍ଭ ହୋଇଯାଇଥିଲା । ତେବେ ମୁନି ୬୧ (୮ଚୌକା), ଆସଲି ଗାର୍ଡନର ୨୫ ଓ ରାଚେଲ ହାୟନିସ୍‌ ଅପରାଜିତ ୧୮ରନ୍‌ ଯୋଗ କରିବା ଫଳରେ ଦଳୀୟ ସ୍କୋର ୮/୧୬୧ରେ ପହଞ୍ଚିଥିଲା । ଭାରତ ପକ୍ଷରୁ ରେଣୁକା ଓ ସ୍ନେହ ରାଣା ୨ଟି ଲେଖାଏଁ ୱିକେଟ୍‌ ଅକ୍ତିଆର କରିଥିଲେ ।

୧୬୧ରନ୍‌ ବିଜୟ ଲକ୍ଷ୍ୟର ପିଛା କରି ଭାରତ ୨୨ରନ୍‌ ମଧ୍ୟରେ ଉଭୟ ଓପନରଙ୍କୁ ହରାଇଥିଲା । ସ୍ମୃତି ମନ୍ଧନା ୬ ଓ ସେଫାଳି ବର୍ମା ୧୧ ରନ୍‌ କରିଥିଲେ । ଏହାପରେ ଜେମିମା ରୋଡ୍ରିଗ୍ସ ଓ ହର୍ମନପ୍ରୀତ ଦୃଢ଼ ବ୍ୟାଟିଂ କରି ସ୍କୋରକୁ ଦ୍ରୁତ ବେଗରେ ଆଗେଇ ନେଇଥିଲେ । ହର୍ମନପ୍ରୀତ ୩୪ ବଲ୍‌ରୁ ଅର୍ଦ୍ଧଶତକ ପୂରଣ କରିଥିଲେ । ୧୪ ଓଭର ଶେଷ ସୁଦ୍ଧା ଦଳୀୟ ସ୍କୋର ୨/୧୧୨ରେ ପହଞ୍ଚି ଯାଇଥିଲା । ଶେଷ ୬ ଓଭରରୁ ବିଜୟ ପାଇଁ ଭାରତକୁ ଆଉ ୫୦ରନ୍‌ ଆବଶ୍ୟକ ହେଉଥିଲା । ଦଳ ସହଜରେ ବିଜୟ ହାସଲ କରିବା ଆଶା କରାଯାଇଥିଲା । କିନ୍ତୁ ୧୫ତମ ଓଭରରେ ଜେମିମାଙ୍କ ୱିକେଟ୍‌ ପତନ ପରେ ଦଳ ବିପର୍ଯ୍ୟୟର ସମ୍ମୁଖୀନ ହୋଇଥିଲା ।

ସେ ୩୩ (୩ଚୌକା) ରନ୍‌ କରିଥିଲେ । ପରବର୍ତ୍ତୀ ଓଭରରେ ଆସଲି ଗାର୍ଡନର ଆଉ ୨ଟି ୱିକେଟ୍‌ ନେବା ଫଳରେ ଅଷ୍ଟ୍ରେଲିଆ ମ୍ୟାଚ୍‌କୁ ଫେରିଥିଲା । ପୂଜା ବସ୍ତ୍ରାକାର ୧ ଏବଂ ହର୍ମନପ୍ରୀତ ୪୩ବଲ୍‌ରୁ ୬୫ (୭ଚୌକା, ୨ଛକା) ରନ୍‌ କରି ପାଭିଲିୟନ ଫେରିଥିଲେ । ବିପଦ ଘନେଇ ଥିଲା । ନିମ୍ନକ୍ରମ ବ୍ୟାଟରମାନେ ଅଷ୍ଟ୍ରେଲିଆ ବୋଲରଙ୍କୁ ସମ୍ମୁଖୀନ ହୋଇପାରିନଥିଲେ । ଫଳରେ ଦଳ ୧୫୨ରନ୍‌ରେ ଅଟକି ଯାଇଥିଲା । ଦୀପ୍ତି ଶର୍ମା ୧୩ ଓ ସ୍ନେହ ରାଣା ୮ରନ୍‌ କରିଥିଲେ । ଅଷ୍ଟ୍ରେଲିଆ ପକ୍ଷରୁ ଗାର୍ଡନର ୩ଟି ଓ ମେଗାନ ସ୍କୁତ ୨ଟି ୱିକେଟ୍‌ ନେଇଥିଲେ ।

   Related Posts