ଅହମ୍ମଦବାଦ ଟେଷ୍ଟ : ବଦଳିବ ଟିମ୍ ଇଣ୍ଡିଆରେ ପ୍ଲେଇଙ୍ଗ ଇଲେଭେନ୍, ଫେରିବେ ଏହି ଦ୍ରୁତ ବୋଲର
8/03/2023 at 9:12 AM
ମୁମ୍ବାଇ ୦୮।୦୩ : ଗୁରୁବାର ଭାରତ-ଅଷ୍ଟ୍ରେଲିଆ ୪ର୍ଥ ଟେଷ୍ଟ ମ୍ୟାଚ୍ । ସିରିଜ୍ର ଶେଷ ମ୍ୟାଚ୍ରେ ଟିମ୍ ଇଣ୍ଡିଆର ପ୍ଲେଇଙ୍ଗ ଇଲେଭେନ୍ରେ ପରିବର୍ତ୍ତନ ହୋଇପାରେ । ୩ୟ ଟେଷ୍ଟରୁ ବାଦ୍ ପଡିଥିବା ମହମ୍ମଦ ସାମି ୪ର୍ଥ ମ୍ୟାଚ୍ରେ ଫେରିପାରନ୍ତି ।
ଇନ୍ଦୋରରେ ଖେଳାଯାଇଥିବା ୩ୟ ଟେଷ୍ଟ ମ୍ୟାଚ୍ରେ ମହମ୍ମଦ ସାମି ଟିମ୍ ଏକାଦଶରେ ସାମିଲ ନଥିଲେ । ଯଦି ମହମ୍ମଦ ସାମି ଦଳକୁ ଫେରିଛନ୍ତି । ତେବେ ମହମ୍ମଦ ସିରାଜଙ୍କୁ ବାହାରେ ବସିବାକୁ ପଡିପାରେ । ଗତ ଇନ୍ଦୋର ଟେଷ୍ଟ ଅଷ୍ଟ୍ରେଲିଆ କମ୍ବ୍ୟାକ୍ କରିଥିଲା । ମାତ୍ର ୩ ଦିନରେ ହିଁ ଭାରତକୁ ପରାସ୍ତ କରିଥିଲା । ଯାହାଫଳରେ ଭାରତ ବର୍ଡର-ଗାଭାସ୍କର ସିରିଜ୍ରେ ୨-୧ରେ ଆଗୁଆ ରହିଛି । ବିଶ୍ୱ ଟେଷ୍ଟ ଚମ୍ପିଆନ୍ସିପ୍ ଫାଇନାଲ ଟିକେଟ୍ ପାଇଁ ଭାରତକୁ ଏହି ମ୍ୟାଚ୍ ଜିତି ସିରିଜ୍କୁ ନିଜ ନାମରେ କରିବାର ଅଛି ।
ସେହିପରି ସାମିଙ୍କ ବ୍ୟତୀତ ଇଷାନ୍ କିଷାନ୍ଙ୍କୁ ମଧ୍ୟ ସୁଯୋଗ ମିଳିପାରେ । କିଷାନଙ୍କୁ ଭରତଙ୍କ ସ୍ଥାନରେ ଟିମ୍ରେ ସାମିଲ କରାଯାଇପାରେ । କେଏସ୍ ଭରତ ଓ୍ୱିକେଟ୍ କିପିଂ ଭଲ କରୁଥିଲେ ସୁଦ୍ଧା ଏବେ ଯାଏଁ ବ୍ୟାଟିଂରେ ସେତେଟା ଭଲ ପ୍ରଦର୍ଶନ କରିପାରିନାହାନ୍ତି । ଯାହାଫଳରେ ତାଙ୍କୁ ୪ର୍ଥ ଟେଷ୍ଟ ମ୍ୟାଚ୍ରୁ ବାଦ୍ ପଡିବାକୁ ପଡିପାରେ । ତେବେ ଦେଖାଯାଉ ଅହମ୍ମଦାବାଦ୍ ଟେଷ୍ଟରେ ପରିବର୍ତ୍ତନ ବିଜୟ ଦେବ ତ ।
ସାମ୍ଭାବ୍ୟ ଏକାଦଶ-
ଭାରତ- ରୋହିତ ଶର୍ମା, ଶୁଭମନ୍ ଗିଲ୍, ଚେତେଶ୍ୱର ପୂଜାରା, ବିରାଟ କୋହଲି, ରବିନ୍ଦ୍ର ଜାଡେଜା, ଶ୍ରୀକର ଭରତ, ରବିଚନ୍ଦ୍ରନ ଅଶ୍ୱିନୀ, ଅକ୍ଷର ପଟେଲ, ଉମେଶ ଯାଦବ, ମହମ୍ମଦ ସାମି, ମହମ୍ମଦ ସିରାଜ, ଇଷାନ କିଷାନ୍
