ବେଙ୍ଗାଲୁରୁ: ଚନ୍ଦ୍ର କକ୍ଷପଥ ମୁହାଁ ଚନ୍ଦ୍ରଯାନ-୩ । ଶନିବାର ଚନ୍ଦ୍ରଯାନ-୩ ଚନ୍ଦ୍ରର କକ୍ଷରେ ପ୍ରବେଶ କରିବ । ଏନେଇ ଇସ୍ରୋ ପକ୍ଷରୁ ସୂଚନା ଦେଇଛନ୍ତି । ଅଗଷ୍ଟ ୨୩ରେ ଚନ୍ଦ୍ର ପୃଷ୍ଠରେ ଅବତରଣ କରିବ ଚନ୍ଦ୍ରଯାନ । ଅଗଷ୍ଟ ପହିଲାରେ ରାତି ୧୨ଟାରେ ଚନ୍ଦ୍ରଯାନ-୩କୁ ପୃଥିବୀ ଅର୍ବିଟ୍ ରୁ ଚନ୍ଦ୍ର ଆଡ଼କୁ ପଠାଇଥିଲେ ଇସ୍ରୋର ବୈଜ୍ଞାନିକ । ଏବେ ଚନ୍ଦ୍ର ଆଡ଼କୁ ଗତି କରୁଛି ଏହି ସ୍ପେସ୍ କ୍ରାଫ୍ଟ । ନିଜ ଗନ୍ତବ୍ୟ ପଥର ପ୍ରାୟ ୬୬ ପ୍ରତିଶତ ଅତିକ୍ରମ କରିସାରିଲାଣି ଚନ୍ଦ୍ରଯାନ । ଏଥିରେ ଲାଣ୍ଡର, ରୋଭର ଏବଂ ପ୍ରୋପଲ୍ସନ ମଡ୍ୟୁଲ ରହିଛି ।
wp:html/wp:htmlChandrayaan-3 Mission:
— ISRO (@isro) August 4, 2023
The spacecraft has covered about two-thirds of the distance to the moon.
Lunar Orbit Injection (LOI) set for Aug 5, 2023, around 19:00 Hrs. IST. pic.twitter.com/MhIOE65w3V
ଚନ୍ଦ୍ରଯାନର ଲାଣ୍ଡର ଏବଂ ରୋଭର ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବ ଏବଂ ୧୪ ଦିନ ପର୍ଯ୍ୟନ୍ତ ସେଠାରେ ପରୀକ୍ଷା ନିରୀକ୍ଷା କରିବ । ପ୍ରୋପଲ୍ସନ ମଡ୍ୟୁଲ ଚନ୍ଦ୍ର କକ୍ଷରେ ରହି ପୃଥିବୀରୁ ଆସୁଥିବା ରେଡିଏସନକୁ ଅଧ୍ୟୟନ କରିବ । ରୋଭରରେ ଥିବା ଏଲ୍ଆଇବିଏସ୍ ବା ଲେଜର ଇଣ୍ଡ୍ୟୁସଡ ବ୍ରେକଡାଉନ ସ୍ପେକ୍ଟ୍ରୋସ୍କୋପ ଚନ୍ଦ୍ରର ମାଟି ଓ ଚଟାଣର ସଂରଚନା ଉପରେ ଅଧ୍ୟୟନ କରିବ । ସେଥିରେ ଥିବା ଏପିଏକ୍ସଏସ୍ ବା ଆଲଫା ପାର୍ଟିକଲ ଏକ୍ସରେ ସ୍ପେକ୍ଟ୍ରୋମିଟର ଚନ୍ଦ୍ରରେ କେମିକାଲ ଓ ମିନେରାଲର ଅନୁସନ୍ଧାନ କରିବ । ସେହିଭଳି ଲ୍ୟାଣ୍ଡର ଚନ୍ଦ୍ରର ତାପମାତ୍ରା, ଭୂମିକମ୍ପ ଏବଂ ଚନ୍ଦ୍ରର ଉପର ଓ ଭିତର ଅଂଶ କିଭଳି ଗଠିତ ହୋଇଛି ତାର ଅଧ୍ୟୟନ କରିବ ।
wp:embed {"url":"https://www.prameyanews7.com/chandrayaan-3-leaves-earths-orbit-next-stop-moon/","type":"wp-embed","providerNameSlug":"prameya-news-7"}ଏହି ମିଶନ ଜରିଆରେ ଭାରତ ବିଶ୍ୱକୁ ଜଣାଇବାକୁ ଚାହୁଁଛି ତା ନିକଟରେ ଚନ୍ଦ୍ରର ଦକ୍ଷିଣ ମେରୁ ଅଞ୍ଚଳରେ ସଫ୍ଟ ଲ୍ୟାଣ୍ଡିଂ କରିବା ଏବଂ ରୋଭରକୁ ଚନ୍ଦ୍ରରେ ଗଡାଇବାର କ୍ଷମତା ରହିଛି । ଏହାଦ୍ୱାରା ଦୁନିଆର ଭାରତ ଉପରେ ବିଶ୍ୱାସ ବଢ଼ିବ ଯାହାଫଳରେ ବାଣିଜ୍ୟିକ କାରବାର ବୃଦ୍ଧି କରିବାରେ ସହାୟକ ହେବ ।