ନୂଆଦିଲ୍ଲୀ ୦୪।୦୨ ; ୩୫ ଟି ହାଇଡ୍ରୋଜେନ୍ ଟ୍ରେନ୍ ଚଲାଇବ ଭାରତୀୟ ରେଳବାଇ । ଏନେଇ ରାଜ୍ୟସଭାରେ ସୂଚନା ଦେଇଛନ୍ତି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । ରେଳମନ୍ତ୍ରୀ କହିଛନ୍ତି ଯେ ଇନ୍ଧନ ଭାବରେ ହାଇଡ୍ରୋଜେନର ବ୍ୟବହାର ସବୁଜ ଅଭିବୃଦ୍ଧି ଦିଗରେ ଏକ ପ୍ରମୁଖ ପଦକ୍ଷେପ ।

ଭାରତୀୟ ରେଳବାଇ ହେରିଟେଜ୍ ପାଇଁ ହାଇଡ୍ରୋଜେନ୍ ଅଧୀନରେ ୩୫ଟି ହାଇଡ୍ରୋଜେନ୍ ଟ୍ରେନ୍ ଚଳାଇବ । ପ୍ରତି ଟ୍ରେନ୍ ପିଛା ୮୦ କୋଟି ଟଙ୍କା ଏବଂ ଭୂତଳ ଭିତ୍ତିଭୂମିରେ ୭୦କୋଟି ଟଙ୍କା ଖର୍ଚ୍ଚ କରିବାକୁ ଯୋଜନା କରିଛି ରେଳବାଇ । ରେଳମନ୍ତ୍ରୀ ଆହୁରି ମଧ୍ୟ କହିଛନ୍ତି ଭାରତୀୟ ରେଳ ୨୦୩୦ ପୂର୍ବରୁ ଶୂନ କାର୍ବନ ନିର୍ଗମନ ଦିଗରେ ବଢିବାରେ ଲାଗିଛି ।  

ଏହାବ୍ୟତୀତ ଭାରତୀୟ ରେଳବାଇ ୧୧୧.୮୩ କୋଟି ଟଙ୍କା ବ୍ୟୟରେ DMU ରେକ୍ ଉପରେ ହାଇଡ୍ରୋଜେନ ଫୁଏଲ୍ ସେଲର ରେଟ୍ରୋ ଫିଟମେଣ୍ଟ ପାଇଁ ଏକ ପାଇଲଟ୍ ପ୍ରୋଜେକ୍ଟ ପ୍ରସ୍ତୁତ କରାଯାଇଛି  । ଯାହା ଉତ୍ତର ରେଳବାଇର ଜିନ୍ଦ-ସୋନିପାଟ ବିଭାଗରେ ଚାଲିବାକୁ ହୋଇଛି ଯୋଜନା  । ଯାହା ୨୦୨୩-୨୪ ଆର୍ଥିକ ବର୍ଷରେ ଆରମ୍ଭ ହେବ ବୋଲି ଆଶା କରାଯାଉଛି ।

ଏହା  ପ୍ରଥମେ କାଲ୍କା-ଶିମଲା ପରି ହେରିଟେଜ୍ ସର୍କିଟରେ ଚାଲିବ । ଏହା ପରେ, ଏହା ଅନ୍ୟ ରୁଟରେ ଚାଲିବ  । ଆକଳନ କରାଯାଇଛି ଯେ ହାଇଡ୍ରୋଜେନ୍ ଇନ୍ଧନ ପ୍ରାପ୍ତ ଟ୍ରେନ୍ ପ୍ରାରମ୍ଭିକ ସିଟ୍ ମୂଲ୍ୟ ଅଧିକ ହେବ, ଯାହା ଟ୍ରେନ୍ ସଂଖ୍ୟା ବୃଦ୍ଧି ସହିତ ପରେ ହ୍ରାସ ପାଇବ ।