ନୂଆଦିଲ୍ଲୀ: ବଜରଙ୍ଗବାଲୀଙ୍କୁ ନୋଟିସ୍ । ଘଟଣା ଆଶ୍ଚର୍ଯ୍ୟ ଲାଗୁଥିଲା, ହେଲେ  ସତ । ହନୁମାନଙ୍କ ବିରୋଧରେ ନୋଟିସ୍ ଜାରି ହୋଇଛି। ଏହା ସହିତ ୭ ଦିନର ଚେତାବନୀ ମଧ୍ୟ ଦିଆଯାଇଛି । ତେବେ କିଏ ଓ କାହିଁକି ଏଭଳି ନୋଟିସ୍ ଜାରି କରିଛି । ପ୍ରଭୁ ହନୁମାନଙ୍କ ସହିତ କ’ଣ ତାଙ୍କର ଶତ୍ରୁତା ରହିଛି, ଆସନ୍ତୁ ଜାଣିବା ।

ଘଟଣା କିଛି ଏହିଭଳି, ବଜରଙ୍ଗବାଲିଙ୍କ ମନ୍ଦିର ରେଲଓ୍ବର ବ୍ରଡଗେଜ୍ ଲାଇନରେ ଆସୁଥିବାରୁ ଭାରତୀୟ ରେଳ ବିଭାଗ ଏହି ନୋଟିସ୍ ଜାରି କରିଛି । ମଧ୍ୟପ୍ରଦେଶର ମୁରୈନାରେ ପ୍ରଭୁ ହନୁମାନ, ରେଳ ବିଭାଗର ଜମି କବଜା କରିଥିବା ନୋଟିସରେ କୁହାଯାଇଛି । ଏହା ସହିତ ମନ୍ଦିର ନିର୍ମାଣ ଓ ମୂର୍ତ୍ତି ହଟାଇବାକୁ ୭ଦିନର ଅଲଟିମେଟମ୍ ଦିଆଯାଇଛି । ଏକ ସପ୍ତାହ ଭିତରେ ଜମି ନଛାଡିଲେ ବଳପୂର୍ବକ ଉଚ୍ଛେଦ କରାଯିବ ବୋଲି ଚିଠିରେ କୁହାଯାଇଛି ।

ସୂଚନା ଅନୁଯାୟୀ, ବର୍ତ୍ତମାନ ଗୋଆଲିୟର-ଶ୍ୟାଲିୟର ବ୍ରଡଗେଜ୍ କାମ ଜାରି ରହିଛି । ମୁରୈନା ଜିଲ୍ଲାର ସବଲଗଡ଼ ତହସିଲରେ ପ୍ରଭୁ ହମୁମାନଙ୍କ ମନ୍ଦିର ବ୍ରଡଗେଜ୍ ଲାଇନ ମଧ୍ୟରେ ରହିଛି । ଯାହା ଫଳରେ ଅନେକ ସମସ୍ୟା ସୃଷ୍ଟି ହେଉଛି । ତେଣୁ ଜମି ଛାଡ଼ିବାକୁ ରେଳ ବିଭାଗ ବଜରଙ୍ଗବାଲିଙ୍କ ନାଁରେ ନୋଟିସ୍ ଜାରି କରିଛି । ଚିଠି ମଧ୍ୟ ମନ୍ଦିରରେ ପହଞ୍ଚିଛି । ଏଥିରେ ଲେଖାଯାଇଛି, ଆପଣ ଭାରତୀୟ ରେଲଓ୍ବେ ଜମିକୁ କବଜା କରି ନିର୍ମାଣ କରିଛନ୍ତି, ଏହା ଦ୍ବାରା ରେଳ ବିଭାଗ କାର୍ଯ୍ୟରେ ସମସ୍ୟା ସୃଷ୍ଟି ହେଉଛି । ତେଣୁ ୭ଦିନ ମଧ୍ୟ ମନ୍ଦିରକୁ ଅନ୍ୟସ୍ଥାନକୁ ହଟାଇ ନିଅ, ନହେଲେ ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ନୋଟିସରେ କୁହାଯାଇଛି ।