ୱାସିଂଟନ ୧୮/୬ : ଆମେରିକାରେ ପ୍ରବାସୀ ଭାରତୀୟଙ୍କ ସଂଖ୍ୟା ୨୦୧୦-୧୭ ମସିହା ଭିତରେ ୩୮ ପ୍ରତିଶତ ବୃଦ୍ଧି ପାଇଛି । ୨୦୧୦ ମସିହାରେ ଜନସଂଖ୍ୟା ୩୧ ଲକ୍ଷ ୮୩ ହଜାର ୬୩ ଥିଲା । ୨୦୧୭ରେ ଏହା ବୃଦ୍ଧି ପାଇ ୪୪ ଲକ୍ଷ ୨ହଜାର ୩୬୩ ହୋଇଛି । ସାଉଥ ଏସିଆନ ଆମେରିକାନ ଲିଡିଙ୍ଗ ଟୁଗେଦର ରିପୋର୍ଟ ଅନୁଯାୟୀ, ୬ ଲକ୍ଷ ୩୦ ହଜାର ପ୍ରବାସୀ ଭାରତୀୟ ଏଠାରେ ବେଆଇନ ଭାବେ ରହୁଛନ୍ତି । ଏମାନଙ୍କ ଭିସା ଅବଧି ଶେଷ ହୋଇସାରିଛି । ୨୦୧୦ ପରେ ଆମେରିକାରେ ବେଆଇନ ଭାବେ ରହୁଥିବା ପ୍ରବାସୀ ଭାରତୀୟଙ୍କ ସଂଖ୍ୟା ୭୮ ପ୍ରତିଶତ ବୃଦ୍ଧି ପାଇଛି । ଦକ୍ଷିଣ ଏସିଆ ଦେଶଗୁଡିକରେ ପାଖାପାଖି ୫୦ ଲକ୍ଷ ଲୋକ ଆଇନଗତ ଭାବେ ଆମେରିକାରେ ରହୁଛନ୍ତି ।
{"id":124465}![](https://www.prameyanews7.com/wp-content/uploads/2019/06/12354q.jpg)
୨୦୧୦-୧୭ ମଧ୍ୟରେ ଆମେରିକାରେ ନେପାଳୀଙ୍କ ସଂଖ୍ୟା ସବୁଠାରୁ ଅଧିକ ବୃଦ୍ଧି ପାଇ ୨୦୬.୬ ପ୍ରତିଶତ ରହିଥିଲା । ସେହିଭଳି ଭୁଟାନରୁ ୩୮ ପ୍ରତିଶତ, ୩୩ ପ୍ରତିଶତ ପାକିସ୍ତାନୀ, ୨୬ ପ୍ରତିଶତ ବାଂଲାଦେଶୀ ଏବଂ ୧୫ ପ୍ରତିଶତ ଶ୍ରୀଲଙ୍କାଲୋକ ସଂଖ୍ୟା ବୃଦ୍ଧି ପାଇଛି ।
{"id":124466}![](https://www.prameyanews7.com/wp-content/uploads/2019/06/456401598-700x420.jpg)
ବର୍ତ୍ତମାନର ଜନଗଣନା ସର୍ଭେ ଅନୁଯାୟୀ, ୨୦୧୬ରେ ଆମେରିକା ନିର୍ବାଚନରେ ଏସୀୟ ଦେଶର ୪୯.୯ ପ୍ରତିଶତ ଲୋକ ମତଦାନ କରିଥିଲେ । ଦକ୍ଷିଣ ଏସୀୟ ଦେଶର ଭୋଟରଙ୍କ ସଂଖ୍ୟା ଥିଲା ପାଖାପାଖି ୫୦ ଲକ୍ଷ । ଏମାନଙ୍କ ମଧ୍ୟରୁ ୧୫ ଲକ୍ଷ ଭାରତୀୟ ଥିଲେ । ୨ ଲକ୍ଷ ୨୨ ହଜାର ୨୫୨ ପାକିସ୍ତାନୀ ଭୋଟର ଥିଲେ ଏବଂ ୬୯,୮୨୫ ବାଂଲାଦେଶୀ ଭୋଟର ଥିଲେ ।
{"id":124468,"width":584,"height":387}![](https://www.prameyanews7.com/wp-content/uploads/2019/06/images-40.jpg)
ରିପୋର୍ଟ ଅନୁଯାୟୀ, ଦକ୍ଷିଣ ଏସୀୟ ଦେଶର ୧୦ ପ୍ରତିଶତ ଲୋକ ଅତ୍ୟନ୍ତ ଗରିବ ଜୀବନଯାପନ କରିଥାନ୍ତି । ଏମାନଙ୍କ ମଧ୍ୟରୁ ୧୫.୮ ପ୍ରତିଶତ ଅଛନ୍ତି ପାକିସ୍ତାନୀ, ୨୩.୯ ପ୍ରତିଶତ ନେପାଳୀ, ୨୪.୨ ପ୍ରତିଶତ ବାଂଲାଦେଶୀ ଏବଂ ୩୩.୩ ପ୍ରତିଶତ ଭୁଟାନବାସୀ । ବାଂଲାଦେଶ ଓ ଭୁଟାନର ଲୋକ ଆମେରିକାରେ ସବୁଠାରୁ ଅଧିକ ଗରିବ ଜୀବନଯାପନ କରୁଛନ୍ତି ।
{"id":124470}![](https://www.prameyanews7.com/wp-content/uploads/2019/06/pulwama-1.jpg)
ଆମେରିକାରେ ଶରଣ ନେଇଥିବା ଦକ୍ଷିଣ ଏସୀୟ ଦେଶର ଲୋକଙ୍କ ସଂଖ୍ୟା ଗତ ୧୦ ମଧ୍ୟରେ ସବୁଠାରୁ ଅଧିକ ବୃଦ୍ଧି ପାଇଛି । ୨୦୧୭ ମସିହା ପରେ ୩୦୧୩ ଏସୀୟ ଦେଶର ଲୋକଙ୍କୁ ବନ୍ଦୀ କରାଯାଇଥିଲା । ୨୦୧୪ ଅକ୍ଟୋବର ମାସରୁ ୨୦୧୮ ଏପ୍ରିଲ ମାସ ମଧ୍ୟରେ ବର୍ଡ଼ର ପୋଲିସ ଏସୀୟ ଦେଶର ୧୭ ହଜାର ୧୧୯ ଲୋକଙ୍କୁ ଗିରଫ କରିଥିଲା ।