ନୂଆଦିଲ୍ଲୀ: ଭାରତୀୟ ନୌସେନା ନିଜର ଶକ୍ତି ବଢାଇବା ପାଇଁ ୨୦୦ରୁ ଅଧିକ ବ୍ରାହ୍ମୋସ ସୁପରସୋନିକ୍ କ୍ରୁଜ୍ ମିଜାଇଲର ଅର୍ଡର ଦେବାକୁ ଯାଉଛି । ଏହି ମିଜାଇଲ୍ସର ମୂଲ୍ୟ ପ୍ରାୟ ୨୦ ହଜାର କୋଟି ଟଙ୍କା । ଇଣ୍ଡିଆ ଟୁଡେର ରିପୋର୍ଟ ଅନୁସାରେ ଭାରତୀୟ ନୌସେନା ଶୀଘ୍ର ଏହି ମିଜାଇଲ୍ସ ଗୁଡିକର ଦେବାକୁ ଯାଉଛି । ପ୍ରତିରକ୍ଷା ମନ୍ତ୍ରାଳୟରେ ଏହା ଉପରେ ରକ୍ଷା ଅଧିଗ୍ରହଣ ପରିଷଦ ବୈଠକରେ ଏହା ଉପରେ ଚର୍ଚ୍ଚା ହୋଇପାରେ ।
ଉଲ୍ଲେଖଯୋଗ୍ୟ ଯେ ଯୁଦ୍ଧପୋତରୁ ଲଞ୍ଚ ହେଇପାରୁ ଥିବା ବ୍ରହ୍ମୋସ ମିଜାଇଲ୍ ୨୦୦୦ କେଜି ୱାରହେଡ୍ ନେଇ ପାରିବ । ଏହି ମିଜାଇଲ୍ ଘଣ୍ଟା ପ୍ରତି ୪୩୨୧ କିଲୋମିଟର ବେଗରେ ଗତି କରିପାରିବ । ଏଥିରେ ଦୁଇଟି ପର୍ଯ୍ୟାର ପ୍ରୋପ୍ଲଶନ ସିଷ୍ଟମ ଲାଗି ରହିଥାଏ । ପ୍ରଥମ ସଲିଡ୍ ଏବଂ ଦ୍ୱିତୀୟ ଲିକ୍ୱିଡ୍ । ଦ୍ୱିତୀୟ ପର୍ଯ୍ୟାୟରେ ରେମଜେଟ୍ ଇଞ୍ଜିନ ରହିଥାଏ । ଯାହା ଏହାକୁ ସୁପରସୋନିକର ଗତି ପ୍ରଦାନ କରିଥାଏ । ଏହାସହ ଇନ୍ଧର ମଧ୍ୟ କମ ଖର୍ଚ୍ଚ ହୋଇଥାଏ । ଶତ୍ରୁର ନଜରରେ ଆସିବା ପରେ ବ୍ରହ୍ମୋସ ମିଜାଇଲ ଆକାଶରେ ହିଁ ନିଜ ମାର୍ଗ ପରିବର୍ତ୍ତନ ରପିବାରେ ସକ୍ଷମ ଅଟେ । ଏହା ଯେକୌଣସି ଟାର୍ଗେଟକୁ ନଷ୍ଟ କରିପାରିବ ।
ନିକଟରେ ଭାରତୀୟ ନୌସେନା ପ୍ରଥମ ଥର ପାଇଁ ଦେଶରେ ନିର୍ମିତ ସୀକର ଏବଂ ବୁଷ୍ଟର ମୁତୟନ ବ୍ରହ୍ମୋସ ମିଜାଇଲର ସଫଳ ପରୀକ୍ଷଣ କରିଥିଲା । ଡିଆରଡିଓ ଏହାର ଡିଜାଇନିଂ କରିଥିଲା । ଦେଶରେ ଏହା ବିକଶିତ ହେବା ଯୋଗୁଁ ଟଙ୍କା ସଂଚୟ ହେବ । କାରଣ ଏହା ପୂର୍ବରୁ ରୁଷରୁ ଏହାକୁ ଆମଦାନୀ କରାଯାଉଥିଲା ।
