ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ଅଷ୍ଟ୍ରେଲିଆରେ ମହିଳାଙ୍କୁ ହତ୍ୟାକରି ଭାରତୀୟ ବ୍ୟକ୍ତି ଫେରାର, ସୂଚନା ଦେଲେ ମିଳିବ ୧ ମିଲିୟନ୍‌ ଡଲାର୍‌

3/11/2022 at 8:03 PM

ମେଲବର୍ଣ୍ଣ, ୦୩/୧୧: ଜଣେ ଭାରତୀୟ ବ୍ୟକ୍ତିଙ୍କୁ ଧରିବାକୁ ଅଷ୍ଟ୍ରେଲିଆ ପୋଲିସ୍‌ କସରତ୍‌ ଆରମ୍ଭ କରିଛି । ଏହି ବ୍ୟକ୍ତିଙ୍କୁ ଧରାଇଲେ ଏକ ମିଲିୟନ୍‌ ଡଲାର ଅର୍ଥାତ ପାଖାପାଖି ୫ କୋଟିରୁ ଉର୍ଦ୍ଧ୍ୱ ଟଙ୍କାର ପୁରସ୍କାର ଘୋଷଣା କରିଛି ଅଷ୍ଟ୍ରେଲିଆ ପୋଲିସ୍‌ । ଏପରି ଏକ ବଡ଼ ରକମର ପୁରସ୍କାର ଘୋଷଣା ପଛରେ ଏକ ବଡ଼ ଅପରାଧ ମଧ୍ୟ ରହିଛି । ଯାହାର ମୁଖ୍ୟ ଅଭିଯୁକ୍ତ ଜଣେ ଭାରତୀୟ ବୋଲି ଜଣାପଡ଼ିଛି । ଅଷ୍ଟ୍ରେଲିଆର କୁଇନ୍ସ ଲ୍ୟାଣ୍ଡ୍‌ ପୋଲିସ୍‌ ରାଜୱିନ୍ଦର ସିଂହ ନାମକ ଜଣେ ଅଭିଯୁକ୍ତକୁ ଧରିବା ପାଇଁ ଏହି ଘୋଷଣା କରିଛି । ଚାରିବର୍ଷ ପୂର୍ବେ ଅର୍ଥାତ ୨୦୧୮ରେ ସମୁଦ୍ରକୂଳରେ ଜଣେ ଅଷ୍ଟ୍ରେଲୀୟ ମହିଳାଙ୍କୁ ହତ୍ୟା କରିଥିବା ଅଭିଯୋଗ ହେବା ପରେ ରାଜୱିନ୍ଦର ଭାରତକୁ ପଳାଇଆସିଥିଲା ।

ମିଳିଥିବା ସୂଚନା ଅନୁସାରେ, ତୋୟା କୋର୍ଡିଂଲି ନାମକ ଜଣେ ୨୪ ବର୍ଷୀୟ ମହିଳା ପାଳିତ କୁକୁରକୁ ଧରି ୱାଙ୍ଗେଟି ବିଚ୍‌ରେ ବୁଲୁଥିଲେ । ତାଙ୍କୁ ସେହି ସମୟରେ ହତ୍ୟା କରିଯାଇଥିବା ସ୍ଥାନୀୟ ମିଡିଆ ସେଭେନ୍‌ ନ୍ୟୁଜ୍‌ ଡଟ୍‌ କମ୍‌ ଏକ ରିପୋର୍ଟରେ ପ୍ରକାଶ କରିଛି । ରାଜୱିନ୍ଦର ଅଷ୍ଟ୍ରେଲିଆର ଇନିସଫେଲରେ ନର୍ସ ଭାବରେ କାର୍ଯ୍ୟ କରୁଥିଲେ । କୋର୍ଡିଂଲିଙ୍କ ହତ୍ୟା ହେବାର ୨ ଦିନ ପରେ ସେ ଚାକିରୀ ଛାଡ଼ିବା ସହ ସ୍ତ୍ରୀ ଏବଂ ୩ ପିଲାଙ୍କୁ ଛାଡ଼ି ଚାଲିଆସିଥିଲେ ।  

ତେବେ ଏହି ହତ୍ୟାକାଣ୍ଡରେ ରାଜୱିନ୍ଦର ମୁଖ୍ୟ ଅଭିଯୁକ୍ତ ହୋଇଥିବା ଜଣିବାକୁ ପାଇଥିଲା ଅଷ୍ଟ୍ରେଲିଆ ପୋଲିସ୍‌ । ସେ ଫେରାର ଥିବାରୁ ପୋଲିସ୍‌ ତାକୁ ଧରାଇଦେଲେ ୧ ମିଲିୟନ୍‌ ଅଷ୍ଟ୍ରେଲିଆନ୍‌ ଡଲାର୍‌ ଦେବ ବୋଲି ଘୋଷଣା କରିଛି । ତେବେ ଅଭିଯୁକ୍ତର ଶେଷ ଲୋକେସନ୍‌ ଭାରତ ହୋଇଥିବାରୁ ସେଠାରେ ଛାନ୍‌ଭିନ୍‌ ଜାରି ରଖିଥିବା ଅଷ୍ଟ୍ରେଲିଆ ପୋଲିସ୍‌ କହିଛି ।

   Related Posts