ମୁମ୍ବାଇ ୦୬।୦୩: ଶେଷ ହେବାକୁ ଯାଉଛି ଟିମ୍ ଇଣ୍ଡିଆର ମ୍ୟାଚ୍ ଓ୍ବିନରଙ୍କ କ୍ୟାରିଅର । ପ୍ରଥମେ T20, ଏବେ ODIରୁ ବିଦା ହୋଇଛନ୍ତି ଏହି ଷ୍ଟାର ବୋଲିଂ । ଟିମ ଇଣ୍ଡିଆର ଭେଟେରାନ୍ ଫାଷ୍ଟ ବୋଲର ଭୁବନେଶ୍ବର କୁମାରଙ୍କର କ୍ୟାରିୟର ଶେଷ ହେଉଛି ବୋଲି ବିବେଚନା କରାଯାଉଛି । ନିଜର ଧିମା ବୋଲିଂ ସହ ପର୍ଫମାନ୍ସରେ ଲଗାତର ହ୍ରାସ ଦେଖିବାକୁ ମିଳୁଛି । ଯେଉଁ କାରଣରୁ ସମସ୍ତ ମ୍ୟାଚରୁ ବାଦ ପଡୁଛନ୍ତି ଭୁବନେଶ୍ବର କୁମାର ।ନିକଟରେ କିଛି ମ୍ୟାଚରେ ଟିମ୍ ଇଣ୍ଡିଆ ପାଇଁ ପରାଜୟର କାରଣ ପାଲଟିଥିଲେ ଭୁବନେଶ୍ୱର କୁମାର । ଯେଉଁଥିପାଇଁ ଏହି ଷ୍ଟାର ବୋଲରଙ୍କୁ ବାହାରର ରାସ୍ତା ଦେଖାଇଛନ୍ତି ଚୟନକର୍ତ୍ତା ।

ସେହିପରି ୨୧ ଜାନୁଆରୀ ୨୦୨୨ରେ ଦକ୍ଷିଣ ଆଫ୍ରିକା ବିପକ୍ଷରେ ଭୁବନେଶ୍ୱର କୁମାର ତାଙ୍କର ଶେଷ ODI ଖେଳିଥିଲେ । ୨୨ ନଭେମ୍ବର ୨୦୨୨ରେ ନ୍ୟୁଜଲ୍ୟାଣ୍ଡ ବିପକ୍ଷରେ ଟିମ୍ ଇଣ୍ଡିଆ ପାଇଁ ଶେଷ ଟି -20 ମ୍ୟାଚ୍ ଖେଳିଥିଲେ । ବର୍ତ୍ତମାନ ଟିମ ଇଣ୍ଡିଆରେ ମହମ୍ମଦ ସିରାଜ, ଉମ୍ରାନ ମଲିକ, ମହମ୍ମଦ ଶାମି, ଶିବମ ମାଭି, ଶାର୍ଦ୍ଦୁଲ ଠାକୁର, ଜୟଦେବ ଉନାଦକତଙ୍କ ଭଳି ଘାତକ ଦ୍ରୁତ ବୋଲର ODI ଏବଂ ଟି -20ରେ ଦମଦାର ପ୍ରଦର୍ଶନ କରୁଛନ୍ତି । ଏହି ଦ୍ରୁତ ବୋଲର ରହିଥିବା ବେଳେ ଭୁବନେଶ୍ୱର କୁମାରଙ୍କ ଟି -20 ଏବଂ ODIକୁ ଫେରିବା ପ୍ରାୟ ଅସମ୍ଭବ ।

ସୂଚନା ଅନୁଯାୟୀ, ଜାନୁଆରୀ ୨୦୨୩ରେ ଶ୍ରୀଲଙ୍କା  ଏବଂ ନ୍ୟୁଜଲ୍ୟାଣ୍ଡ ବିପକ୍ଷରେ ଖେଳାଯାଇଥିବା ODI ଏବଂ ଟି -20 ସିରିଜରେ ଭୁବନେଶ୍ୱର କୁମାର ସ୍ଥାନ ପାଇନଥିଲେ । ମାର୍ଚ୍ଚ ୧୭ରୁ ଆରମ୍ଭ ହେବାକୁ ଥିବା ଅଷ୍ଟ୍ରେଲିଆ ବିପକ୍ଷ ODI ସିରିଜରେ ମଧ୍ୟ ସୁଯୋଗ ପାଇନାହାନ୍ତି ଭୁବନେଶ୍ୱର କୁମାର ।