ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ଆଉ ଏକ ଲଘୁଚାପ ! ୮ରୁ ବର୍ଷା ସମ୍ଭାବନା
  • ||
  • ପଦ୍ମପୁର ଉପନିର୍ବାଚନ : ନେତା ବାଛିବେ ଜନତା, ଭୋଟ ଦେବେ ୨ ଲକ୍ଷରୁ ଅଧିକ ଭୋଟର
  • ||

ସେନାର ସନ୍ଧାନୀ କୁକୁର ଆକ୍ସେଲକୁ ମରଣୋତ୍ତର ମିଳିବ ବୀରତା ପୁରସ୍କାର, ଆତଙ୍କୀଙ୍କ ସହ ଏନକାଉଣ୍ଟରେ ହୋଇଥିଲା ସହିଦ

14/08/2022 at 10:52 PM

ନୂଆଦିଲ୍ଲୀ: ଭାରତୀୟ ସେନାର ସନ୍ଧାନୀ କୁକୁର ଆକ୍ସେଲକୁ ମରଣୋତ୍ତର ବୀରତା ପୁରସ୍କାରରେ ସମ୍ମାନିତ କରାଯିବ । ଚଳିତ ବର୍ଷ ସ୍ୱାଧୀନତା ଦିବସରେ ଏହି ବୀରତା ପୁରସ୍କାର ଦିଆଯିବ । ଭାରତୀୟ ସେନା ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ସମୟରେ ଗୁଳି ବାଜି ଆକ୍ସେଲର ମୃତ୍ୟୁ ହୋଇଥିଲା । ଉଲ୍ଲେଖଯୋଗ୍ୟ ଯେ, ୨୯ ରାଷ୍ଟ୍ରୀୟ ରାଇଫଲରେ ଆକ୍ସେଲ ନିୟୋଜିତ ଥିଲା।

ଜୁଲାଇ ୩୦ରେ ଜାମ୍ମୁ କାଶ୍ମୀରରେ ଏକ ଏନକାଉଣ୍ଟର ସମୟରେ ଗୁଳି ବାଜି ଭାରତୀୟ ସେନାର ଏକ ସନ୍ଧାନୀ କୁକୁରର ଆକ୍ସେଲର ମୃତ୍ୟୁ ହୋଇଥିଲା । ବାରାମୁଲାରେ ହୋଇଥିବା ଏନକାଉଣ୍ଟର ସମୟରେ ଆକ୍ସେଲ ୨୯ ଆରଆର ସହ ନିୟୋଜିତ ଥିଲା । ଆକ୍ସେଲ ଶରୀରରେ ପ୍ରାୟ ୧୦ରୁ ଅଧିକ ଆଘାତର ଚିହ୍ନ ଥିଲା ବ୍ୟବଚ୍ଛେଦ ରିପୋର୍ଟରେ ଜଣାପଡିଥିଲା।

ସେନାର ଜଣେ ଅଧିକାରୀ କହିଥିଲେ, ବିଲଡିଂ କ୍ଲିୟରାନ୍ସ ଅପରେସନରେ ଆକ୍ସେଲକୁ ନିୟୋଜିତ କରାଯାଇଥିଲା । ଆକ୍ସେଲ ପ୍ରଥମ ରୁମରେ ପ୍ରବେଶ କରିଥିଲା ଏବଂ ତାହାକୁ ନିୟନ୍ତ୍ରଣକୁ ଅଣାଯାଇଥିଲା । ଏହାପରେ ଦ୍ୱିତୀୟ ରୁମରେ ପ୍ରବେଶ କରିବା ସହ ଫାଏରିଂ ଆରମ୍ଭ ହୋଇଥିଲା । ଗୁଳି ବାଜିବା ପରେ ବି ୧୫ ସେକେଣ୍ଡ ଯାଏଁ ଆକ୍ସେଲ ଶରୀରରେ ହଲଚଲ ଦେଖାଦେଖିବାକୁ ମିଳିଥିଲା, ପରେ ସେ ତଳେ ପଡିଯାଇଥିଲା । ଏହିପରି ଆକ୍ସେଲ ନିଜ ଜୀବନ ବଳିଦାନ ଦେଇ ଅନେକ ସୁରକ୍ଷାକର୍ମୀଙ୍କ ଜୀବନ ବଞ୍ଚାଇଥିଲା।   

   Related Posts