ନୂଆଦିଲ୍ଲୀ: ଅରୁଣାଚଳ ପ୍ରଦେଶର ୟାଙ୍ଗସ୍ତ ଅଞ୍ଚଳରେ ସଂଘର୍ଷ ପରେ ସଜାଗ ଭାରତୀୟ ବାୟୁସେନା । ଏଲଏଲସିରେ ଚୀନର ଅବୈଧ ପ୍ରବେଶ ଆଶଙ୍କା ରହିଥିବାରୁ ବାୟୁ ସୀମାକୁ ସିଲ୍ କରାଯାଇଛି । ଅରୁଣାଚଳ ପ୍ରଦେଶରେ ଯୁଦ୍ଧ ବିମାନ ନିୟୋଜିତ କରି ପାଟ୍ରୋଲିଂକୁ ଜୋରଦାର କରାଯାଇଛି ।
ସୂଚନା ଅନୁଯାୟୀ, ଅରୁଣାଚଳରେ ପିଏଲଏର ଉଲ୍ଲଂଘନ ଉଦ୍ୟମକୁ ରୋକିବା ପାଇଁ ବାୟୁସେନା ମୁଖ୍ୟ ଏୟାରଫୋର୍ସକୁ ନିର୍ଦ୍ଦେଶ ଦେଇଛନ୍ତି । ତାଓ୍ବାଙ୍ଗ ସେକ୍ଟରରେ ଯୁଦ୍ଧ ବିମାନକୁ ସକ୍ରିୟ କରିଦିଆଯାଇଛି । ଏଲଏସିରେ ଭାରତୀୟ ଯୁଦ୍ଧ ବିମାନ ପଇଁତରା ମାରୁଛି । ସ୍ଥିତି ଉପରେ ନଜର ରଖି ସଜାଗ ରହିବାକୁ ସେନାକୁ ନିର୍ଦ୍ଦେଶ ଦିଆଯାଇଛି ।