Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସିନ୍ଧେକେଲା ଥାନା ଆଇଆଇସି ଗିରଫ, ୨୫ ହଜାର ଲାଞ୍ଚ ନେଉଥିବା ବେଳେ ଧରିଥିଲା ଭିଜିଲାନ୍ସ
  • ||
  • ଧର୍ମଗଡ: ଭାରସାମ୍ୟ ହରାଇ ଗଛରେ ପିଟିଲା ମିନିଟ୍ରକ, ଦୁର୍ଘଟଣାରେ ଜଣେ ମୃତ
  • ||
  • ଜାଡ଼ରେ ଥରୁଛି ରାଜ୍ୟ, କୋରାପୁଟରେ ତଳକୁ ଖସିଲା ପାରଦ
  • ||
  • ମୋହନା: ଗୋଷ୍ଠୀ କେନ୍ଦ୍ର ପଛପଟେ ପଡ଼ିଛି କୁଢ଼ କୁଢ଼ ଔଷଧ, ବୈଧତା ଥାଇ ବି ଫୋପାଡିଦେଲେ
  • ||
  • ପାଟଣା ରେଞ୍ଜରେ ଘୁରି ବୁଲୁଛନ୍ତି ହାତୀପଲ, ଧାନ ଫସଲ ନଷ୍ଟ ସହ ଖାଇଗଲେ ଶହ ଶହ ଧାନ ବିଡା
  • ||
  • ନିଶ୍ଚିତକୋଇଲି: ବିଳମ୍ବିତ ରାତିରେ ମାତିଲେ ଡକାୟତ, ଚୋରି କରିବାକୁ ଆସି ନେଇଗଲେ ଜୀବନ
  • ||

ଇଡେନ୍‌ ଟେଷ୍ଟରେ ଭାରତର ଦମଦାର ବିଜୟ- ବାଂଲାଦେଶକୁ ଇନିଂସ୍‌ ଓ ୪୬ ରନ୍‌ରେ ପରାସ୍ତ କଲା ବିରାଟ ବାହିନୀ

24/11/2019 at 6:08 PM

କୋଲକାତା ୨୪।୧୧ –  ଇଡେନ୍‌ ଟେଷ୍ଟରେ ଭାରତର ଦମଦାର ବିଜୟ । ବାଂଲାଦେଶକୁ ଇନିଂସ୍‌ ଓ ୪୬ ରନ୍‌ରେ ପରାସ୍ତକରି ୩ ଦିନ ମଧ୍ୟରେ ପିଙ୍କ୍ ଟେଷ୍ଟକୁ କରାୟତ କରିନେଇଛି ବିରାଟ ସେନା । ଏହି ପ୍ରଥମ ଡେ ଆଣ୍ଡ ନାଇଟ୍ ଟେଷ୍ଟ ବିଜୟ ସହ ଭାରତ ୨-୦ ରେ ସିରିଜ୍‌ କବଜା କରିନେଇଛି ।

ଇଡେନ୍‌ରେ ଧୂଳି ଚାଟିଲା ବାଂଲାଦେଶ । ୨ ଦିନ ଗୋଟିଏ ଓଳି ପୂର୍ବରୁ ହିଁ ପିଙ୍କ ଟେଷ୍ଟକୁ କବଜା କରିନେଲା ଭାରତ । ପ୍ରଥମ ଡେ ନାଇଟ୍ ଟେଷ୍ଟରେ ବାଂଲାଦେଶକୁ ଇନିଂସ ଓ ୪୬ ରନ୍‌ରେ ପରାସ୍ତ କରିଛି ବିରାଟ ସେନା । ଗତକାଲିର ଅସମାପ୍ତ ୬ ୱିକେଟ୍‌ରେ ୧୫୨ ରନ୍‌ରୁ ବାଂଲାଦେଶ ଆଜି ଖେଳ ଆରମ୍ଭ କରିଥିଲା ।

ସେହି ୧୫୨ ରନ୍‌ରେ ସପ୍ତମ, ୧୮୪ ରନ୍‌ରେ ଅଷ୍ଟମ ଓ ୧୯୫ ରନ୍‌ରେ ନବମ ୱିକେଟ୍‌ ହରାଇ ଥିଲା । ଗତକାଲି ରିଟାର୍ଡ ହଟ୍‌ ମହମ୍ମଦଉଲ୍ଲା ଆଉ ବ୍ୟାଟିଂ ପାଇଁ ଆସିନଥିଲେ । ଦ୍ବିତୀୟ ଇନିଂସ୍‌ରେ ଉମେଶ ଯାଦବ ୫ଟି, ଇଶାନ୍ତ ଶର୍ମା ୪ ଟି ୱିକେଟ୍‌ ନେଇଥିଲେ । ଅର୍ଥାତ୍ ପୂରା ଟେଷ୍ଟରେ ଭାରତୀୟ ସିମରଙ୍କ ଦବ୍‌ଦବା ଦେଖିବାକୁ ମିଳିଥିଲା । ସମସ୍ତ ୧୯ ୱିକେଟ୍‌ ପେସ୍‌ ବୋଲର ବାଣ୍ଟି ନେଇଥିଲେ ।

ପ୍ରଥମ ଇନିଂସ୍‌ରେ ମାତ୍ର ୧୦୬ ରନ୍‌ରେ ଅଲ୍‌ଆଉଟ୍ ହୋଇଥିଲା ବାଂଲାଦେଶ । ଭାରତ ତାର ପ୍ରଥମ ଇନିଂସ୍‌ରେ କ୍ୟାପଟେନ୍ କୋହଲିଙ୍କ ୧୩୬ ରନ୍, ପୂଜାରାଙ୍କ ୫୫, ରାହାଣେଙ୍କ ୫୧, ରୋହିତଙ୍କ ୨୧ ରନ୍ ସହାୟତାରେ ୯ ୱିକେଟ୍‌ ହରାଇ ୩୪୭ ରନ୍ କରିବା ପରେ ପାଳି ଘୋଷଣା କରିଥିଲା ।

ଦ୍ବିତୀୟ ଇନିଂସ୍‌ରେ ବାଂଲାଦେଶ ୧୯୫ ରନ୍‌ର ଅଲଆଉଟ୍ ହୋଇଯାଇଥିଲା । ବାଂଲାଦେଶ ପକ୍ଷରୁ ମୁସଫିକର ରହିମ୍‌ ସର୍ବାଧିକ ୭୪, ମହମ୍ମଦ ଉଲ୍ଲା ୩୯ ଓ ଅଲ ଅମିନ୍ ହୋସେନ୍‌ ୨୧ ରନ୍ କରିବାକୁ ସକ୍ଷମ ହୋଇଥିଲେ ।

ଇଶାନ୍ତ ଶର୍ମା ପ୍ଲେୟାର ଅଫଦି ମ୍ୟାନ୍‌ ଓ ସିରିଜ୍‌ ହୋଇଥିଲେ ।ଏହି ବିଜୟ ସହ ଭାରତ ୨ ଟିକିଆ ସିରିଜ୍‌କୁ ୨-୦ ରେ କ୍ଲିନ୍ ସୁଇପ୍ କରିଛି । ପ୍ରଥମ ଟେଷ୍ଟକୁ ବି ଇନିଂସ୍‌ ୧୩୦ ରନ୍‌ରେ ଜିତିଥିଲା ଭାରତ ।  

ଭାରତର କ୍ରିକେଟ୍‌ ଇତିହାସରେ କୋଲକାତା ଟେଷ୍ଟ ସ୍ବର୍ଣ୍ଣାକ୍ଷରରେ ଲିପିବଦ୍ଧ ରହିବ । ଭାରତ-ବାଂଲାଦେଶ ମଧ୍ୟରେ ଏହା ପ୍ରଥମ ଡେ ଆଣ୍ଡ ନାଇଟ୍‌ ଟେଷ୍ଟ ଥିବା ବେଳେ ପିଙ୍କ ବଲ୍‌ରେ ଖେଳାଯାଇଥିଲା । ପୂରା ଷ୍ଟାଡିଅମ୍‌ ସହ କୋଲକାତା ସହରକୁ ଗୋଲାପି ରଙ୍ଗରେ ସଜାଇ ଦିଆଯାଇଥିଲା । ପୂରା ସହର ପାଲଟି ଥିଲା ପିଙ୍କ ସିଟି  ।

   Related Posts