suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଧ୍ୟପ୍ରଦେଶ ମୁରୈନାରେ ଦୁର୍ଘଟଣା, ଏୟାରଫୋର୍ସର ସୁଖୋଇ-୩୦ ଓ ମିରାଜ୍-୨୦୦୦ ଫାଇଟର ଜେଟ୍ କ୍ରାସ୍
  • ||
  • ଜେରୁଜେଲମ୍‌ରେ ପ୍ରାର୍ଥନାସ୍ଥଳରେ ଆତଙ୍କୀ ହମଲା, ଗୁଳିମାଡ଼ରେ ୮ମୃତ
  • ||
  • କେନ୍ଦୁଝର: ବୋଲେରୋ ଓ ଅଟୋ ମୁହାଁମୁହିଁ ଧକ୍କା, ୩ ମୃତ ଗୁରୁତର
  • ||

୧୮୮ ରନରେ ଚଟ୍ଟୋଗ୍ରାମ ଟେଷ୍ଟ ଜିତିଲା ଭାରତ, ୧-୦ରେ ଆଗୁଆ ଟିମ୍ ଇଣ୍ଡିଆ

18/12/2022 at 10:34 AM

ନୂଆଦିଲ୍ଳୀ, ୧୮/୧୨: ଚଟ୍ଟୋଗ୍ରାମ ଟେଷ୍ଟ ଜିତିଲା ଭାରତ । ବାଙ୍ଗଲାଦେଶ ଏବଂ ଭାରତ ମଧ୍ୟରେ ଚଟ୍ଟୋଗ୍ରାମରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚ୍‌ ଜିତିଛି ଭାରତ। ଆଉ ୧୮୮ ରନରେ ବାଂଲାଦେଶ ଠାରୁ ବିଜୟୀ ହୋଇଛି ରାହୁଲ ବାହିନୀ ।

ଏହି ମ୍ୟାଚରେ ଭାରତ ପାଇଁ ବ୍ୟାଟର ଚେତେଶ୍ବର ପୂଜାରା ଉତ୍ତମ ପ୍ରଦର୍ଶନ କରିଥିଲେ। ସେ ପ୍ରଥମ ଇନିଙ୍ଗସରେ ୯୦ ଏବଂ ଦ୍ବିତୀୟ ଇନିଙ୍ଗସରେ ଶତକ ଲଗାଇଥିଲେ। ସେହିଭଳି ବୋଲିଂରେ କୂଲଦୀପ ଯାଦବ କମାଲ କରିଛନ୍ତି। କୂଲଦୀପ ପ୍ରଥମ ଇନିଙ୍ଗସରେ ୫ ଏବଂ ଦ୍ବିତୀୟ ଇନିଂସରେ ୩ ଓ୍ବିକେଟ ହାସଲ କରିଥିଲେ।

ବାଂଲାଦେଶକୁ ୫୧୩ ରନ୍‌ର ଟାର୍ଗେଟ୍ ଦେଇଥିଲା ଟିମ୍ ଇଣ୍ଡିଆ । ରବିବାର ପଞ୍ଚମ ଦିନରେ ୨୭୨/୬ରୁ ଖେଳ ଆରମ୍ଭ କରିଥିଲା ବାଂଲାଦେଶ । ହେଲେ ଭାରତୀୟ ବୋଲରଙ୍କ ଘାତକ ବୋଲିଂକୁ ଅଧିକ ସମୟ ଧରି ସାମ୍ନା କରିପାରି ନଥିଲେ ବାଂଲାଦେଶ ବ୍ୟାଟର । ଖେଳ ଆରମ୍ଭରୁ ମହମ୍ମଦ ସିରାଜଙ୍କ ଶିକାର ହୋଇଥିଲେ ମେହଦୀ ହସନ ମିରାଜ । ସେ କେବଳ ୧୩ ରନ୍‌ରେ ଆଉଟ୍ ହୋଇଥିଲେ। ସେହିପରି ସାକିବ୍ ଅଲ୍ ହସନ ୮୪ ରନ୍ କରିଥିଲେ। ହେଲେ କୂଲଦୀପଙ୍କ ସ୍ପିନ୍ ବୋଲିଂଙ୍କୁ ସାମ୍ନା କରି ପାରିନଥିଲେ ସାକିବ । କୂଲଦୀପ ଶିକାର ହୋଇ ପାଭେଲିୟନକୁ ଯାଇଥିଲେ । ପରେ ଏବାଦତ୍ ହୁସୈନଙ୍କୁ ଆଉଟ୍ ମଧ୍ୟ ଆଉଟ୍ କରିଥିଲେ କୂଳଦୀପ । ଶେଷରେ ଅକ୍ଷର ପଟେଲ ତଇଜୁଲ ଇସଲାମଙ୍କ ଓ୍ବକେଟ୍ ନେଇ ବାଙ୍ଗଲାଦେଶକୁ ପରାଜୟ ରାସ୍ତା ଦେଖାଇଥିଲେ। ଅକ୍ଷର ପଟେଲ ଏହି ଇନିଂସରେ ୪ ଓ୍ବିକେଟ୍ ହାସଲ କରିଛନ୍ତି । ବାଂଲାଦେଶ ୧୧୩.୨ ଓଭରରେ ୩୨୪ ରନର କରି ପରାସ୍ତ ହୋଇଛି । ତେବେ ଦ୍ବିତୀୟ ଟେଷ୍ଟ ମ୍ୟାଚ୍ ୨୨ ଡିସେମ୍ବରରେ ଢାକାରେ ଖେଳାଯିବ ।

   Related Posts