ରାଜକୋଟ ଟେଷ୍ଟରେ ୱେଷ୍ଟଇଣ୍ଡିଜକୁ ୨୭୨ ରନ ଏବଂ ଗୋଟିଏ ଇନିଂସରେ ହରାଇଲା ଭାରତ
Published By : Prameya-News7 Bureau | October 06, 2018 IST
![](https://api-news7.prameyanews7.com/prameya/document/media/2/2018/10/india_fbsport_647_112116125717.jpg)
ରାଜକୋଟ ୬/୧୦ : ୱେଷ୍ଟଇଣ୍ଡିଜକୁ ଗୋଟିଏ ଇନିଂସ ଏବଂ ୨୭୨ ରନରେ ଭାରତ ବିଜୟୀ ହୋଇଛି | ରାଜକୋଟଠାରେ ଚାଲିଥିବା ଦୁଇ ଦେଶ ମଧ୍ୟରେ ପ୍ରଥମ ଟେଷ୍ଟରେ ଭାରତ ପ୍ରଥମ ଇନିଂସରେ ପ୍ରଥମେ ବ୍ୟାଟିଂ କରି ୫୪୯ ରନରେ ବିଶାଳ ସ୍କୋର ଠିଆ କରିଥିଲା | ପ୍ରଥମ ଇନିଂସରେ ୧୮୧ ରନରେ ୱେଷ୍ଟଇଣ୍ଡିଜର ସମସ୍ତ ଖେଳାଳୀ ଆଉଟ ହୋଇଯାଇଥିଲେ | ଫଲୋଅନ କାରଣରୁ ୱେଷ୍ଟଇଣ୍ଡିଜ ପୁଣି ବ୍ୟାଟିଂ କରିଥିଲା | ଆଜି ତୃତୀୟ ଦିନରେ ମାତ୍ର ୧୯୬ ରନ କରି ୱେଷ୍ଟଇଣ୍ଡିଜର ସମସ୍ତ ଖେଳାଳୀ ଆଉଟ ହୋଇଥିଲେ | ଫଳରେ ଭାରତକୁ ଏକ ବଡ ବିଜୟ ମିଳିଛି |
ପ୍ରଥମ ଇନିଂସରେ ଭାରତୀୟ ଦଳର ୩ଜଣ ଖେଳାଳୀ ଶତକ କରିଥିଲେ | ଅଧିନାୟକ ବିରାଟ କୋହଲି ୧୩୯ ରନ କରିଥିବା ବେଳେ ରବୀନ୍ଦ୍ର ଜାଡେଜା ତାଙ୍କ କ୍ୟାରିୟରର ପ୍ରଥମ ଶତକ କରିଥିଲେ | ସେହିଭଳି ପ୍ରଥମ ଟେଷ୍ଟ ମ୍ୟାଚରେ ଖେଳିଥିବା ପୃଥ୍ୱୀ ସା ମଧ୍ୟ ଶତକ କରି ରେକର୍ଡ କରିଥିଲେ | ପୂଜାରା ମଧ୍ୟ ଧୂଆଁଧାର ୮୬ ରନ କରିଥିଲେ |
[gallery ids="47794"]
ଅପରପକ୍ଷରେ ଭାରତୀୟ ବୋଲରମାନେ କମାଲ ଦେଖାଇଥିଲେ | ପ୍ରଥମ ଇନିଂସରେ କେଦାର ଯାଦବ ୫ଟି ଉଇକେଟ ନେଇଥିବା ବେଳେ ରବୀନ୍ଦ୍ର ଜାଡେଜା ୩ଟି ଉଇକେଟ ହାସଲ କରିଥିଲେ | ଆର.ଅଶ୍ୱିନୀ ମଧ୍ୟ ଦୁଇଟି ଉଇକେଟ ହାସଲ କରିଥିଲେ | ଦ୍ୱିତୀୟ ଇନିଂସରେ ମହମ୍ମଦ ସାମୀଙ୍କୁ ୨ଟି ଉଇକେଟ ମିଳିଥିଲା | ଆର ଅଶ୍ୱିନୀ ଏହି ମ୍ୟାଚରେ ସର୍ବାଧିକ ୪ଟି ଉଇକେଟ ହାସଲ କରିଥିଲେ | ୟୁବେନ୍ଦ୍ର ଯାଦବ, ରବୀନ୍ଦ୍ର ଜାଡେଜା ଏବଂ କେଦାର ଯାଦବଙ୍କୁ ଗୋଟିଏ ଲେଖାଏଁ ଉଇକେଟ ମିଳିଥିଲା |