ନାଗପୁର ୧୧।୦୨ : କଙ୍ଗାରୁ ଚିତ୍ପଟାଙ୍ଗ । ଯେଉଁ ଅଶ୍ୱିନୀ ଓ ଜାଡେଜାଙ୍କ ବୋଲିଂକୁ ସାମ୍ନା କରିବାକୁ ବିଭିନ୍ନ ଉଦ୍ୟମ କରିଥିଲେ । ଶେଷରେ ସେଇ ଅଶ୍ୱିନୀ ଏବଂ ଜାଡେଜା ପୁରା ଟିମ୍ ଉପରେ ଭାରିପଡିଲେ । ଦୁଇ ସ୍ପିନର ମିଶି ଶିକାର କଲେ କଙ୍ଗାରୁ ଓ୍ୱିକେଟ୍ । ଯାହାଫଳରେ ପୁରା ଟିମ୍ ଉପରେ ଭାରି ପଡିଥିଲା ଭାରତର ସ୍ପିନ ଆଟାକ । ପ୍ରଥମ ଟେଷ୍ଟ ମ୍ୟାଚ୍ରେ ଭ୍ରମଣକାରୀ ଦଳ ଇନିଂସ ପରାଜୟ ବରଣ କରିଛି । ପୁରା ଟିମ୍ ୯୧ ରନ୍ରେ ଅଲ୍ଆଉଟ୍ ହୋଇଛି । ଶେଷରେ ୧୩୨ ରନ୍ରେ ନାଗପୁର ଟେଷ୍ଟ ଜିତିଛି ରୋହିତ ଆଣ୍ଡ କୋ । ୪ଟିକିଆ ସିରିଜ୍ରେ ଭାରତ ୧-୦ରେ ଆଗୁଆ ରହିଛି ।
wp:html/wp:html1ST Test. India Won by an innings and 132 Run(s) https://t.co/SwTGoyHfZx #INDvAUS @mastercardindia
— BCCI (@BCCI) February 11, 2023
ବର୍ଡର-ଗାଭାସ୍କର ସିରିଜ୍ର ପ୍ରଥମ ଟେଷ୍ଟ ମ୍ୟାଚ୍ ନାଗପୁରରେ ଖେଳାଯାଉଥିଲା । ପ୍ରଥମେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା ଅଷ୍ଟ୍ରେଲିଆ । ହେଲେ ପୁରା କଙ୍ଗାରୁ ଟିମ୍ର ପ୍ଲାନ୍ ଫେଲ୍ ମାରିଥିଲା । ପ୍ରଥମ ଇନିଂସରେ ମାତ୍ର ୧୭୭ରନ୍ରେ ଅଲ୍ଆଉଟ୍ ହୋଇଥିଲା ଟିମ୍ । ଏହାପରେ ଭାରତ କରିଥିଲା ଜବରଦସ୍ତ ବ୍ୟାଟିଂ । ୪୦୦ ରନ୍ର ବିଶାଳ ସ୍କୋର କରିଥିଲା । ଆଉ ଅଷ୍ଟ୍ରେଲିଆଠୁ ୨୨୩ ରନ୍ରେ ଆଗୁଆ ରହିଥିଲା । କ୍ରୀଡା ସମୀକ୍ଷାକ ଓ ଫ୍ୟାନ୍ସମାନେ ଭାବୁଥିଲେ ଅଷ୍ଟ୍ରେଲିଆ କମ୍ବ୍ୟାକ୍ କରିବ । ହେଲେ କମ୍ବ୍ୟାକ୍ କରିବା ବଦଳରେ ଆହୁରି ଭୁଶୁଡିଥିଲା ୨ୟ ଇନିଂସ । ଖାସ୍ କରି ସ୍ପିନର ସାଜିଥିଲେ କାଳ ।
ପ୍ରଥମ ଇନିଂସରେ ରବିନ୍ଦ୍ର ଜାଡେଜା ଅଷ୍ଟ୍ରେଲିଆ ବ୍ୟାଟରଙ୍କ ପାଇଁ କାଳ ସାଜିଥିବା ବେଳେ ୨ୟ ଇନିଂସରେ ଅଶ୍ୱିନୀ ସାଜିଥିଲେ ଘାତକ । ଗୋଟିଏ ପରେ ଗୋଟିଏ ବ୍ୟାଟରଙ୍କୁ ଦେଖାଇଥିଲେ ପ୍ୟାଭିଲିୟନ୍ର ରାସ୍ତା । ଅଷ୍ଟ୍ରେଲିଆର କୌଣସି ବ୍ୟାଟର ଆଖିଦୃଶିଆ ସ୍କୋର କରିପାରିନଥିଲେ । ଚାରିଜଣ ବ୍ୟାଟସମ୍ୟାନ୍ ଦୁଇ ଅଙ୍କ ସ୍କୋର କରିଥିବା ବେଳେ ଆଉ କୌଣସି ବ୍ୟାଟର ବ୍ୟକ୍ତିଗତ ଭାବେ ଦୁଇ ଅଙ୍କ ସ୍କୋର କରିପାରିନଥିଲେ । ଯାହାଫଳରେ ପୁରା ୯୧ ରନ୍ରେ ଅଲ୍ଆଉଟ୍ ହୋଇଯାଇଛି ।
ସେପଟେ ବୋଲିଂ ବିଭାଗରେ ଭାରତୀୟ ସ୍ପିନର ନିଜର ଜଲଓ୍ୱା ଦେଖାଇଛନ୍ତି । ବେଶୀ ଘାତକ ସାଜିଛନ୍ତି ଅଶ୍ୱିନୀ-ଜାଡେଜା ଯୋଡି । ୨ୟ ଇନିଂସରେ ଅଶ୍ୱିନୀ ୧୨ ଓଭର ବୋଲିଂ କରି ୫ଟି ଓ୍ୱିକେଟ୍ ନେଇଥିବା ବେଳେ ରବିନ୍ଦ୍ର ଜାଡେଜା ଏବଂ ମହମ୍ମଦ ସାମି ୨ଟି ଲେଖାଏଁ ଓ୍ୱିକେଟ୍ ନେଇଛନ୍ତି । ବାକି ଅକ୍ଷର ପଟେଲ୍ଙ୍କ ଖାତାରେ ଗୋଟିଏ ଓ୍ୱିକେଟ୍ ରହିଛି । ମାତ୍ର ୩ ଦିନରେ ହିଁ ସରିଯାଇଛି ପ୍ରଥମ ମ୍ୟାଚ୍ ।
