ନୂଆଦିଲ୍ଲୀ ୦୨/୧୨: ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ର କାର୍ଯ୍ୟସୂଚୀ ଏବଂ ଭେନ୍ୟୁ ନେଇ ହଟୁନି ସସ୍ପେନ୍ସ । ଏହି ଟୁର୍ନାମେଣ୍ଟର ଆୟୋଜକ ସ୍ଥାନ ପାଇଥିଲା ପାକିସ୍ତାନ । କିନ୍ତୁ ସୁରକ୍ଷା ଦୃଷ୍ଟିରୁ ଭାରତୀୟ କ୍ରିକେଟ୍ ଦଳ ପଡୋଶୀ ଦେଶକୁ ଯିବନି । ଭାରତ ସରକାର ଭାରତୀୟ କ୍ରିକେଟ୍ ଦଳକୁ ପାକିସ୍ତାନ ଯିବାକୁ ଅନୁମତି ଦେଇନାହାଁନ୍ତି । ଏହି କାରଣରୁ ପାକିସ୍ତାନ ମାଟିରେ ଏହି ସମଗ୍ର ଟୁର୍ଣ୍ଣାମେଣ୍ଟ ଆୟୋଜନ କରିବା ଅସମ୍ଭବ ।
ବର୍ତ୍ତମାନ ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) 'ହାଇବ୍ରିଡ୍ ମଡେଲ୍' ଅଧୀନରେ ଏହି ଟୁର୍ଣ୍ଣାମେଣ୍ଟ ଆୟୋଜନ କରିବାକୁ ଚାହୁଁଛି । କାର୍ଯ୍ୟନିର୍ବାହୀ ବୋର୍ଡ ବୈଠକରେ ଆଇସିସି ସ୍ପଷ୍ଟ ଭାବେ ମୋହସିନ୍ ନାକଭିଙ୍କୁ କହିଛି ଯେ ପାକିସ୍ତାନ କ୍ରିକେଟ୍ ବୋର୍ଡ (ପିସିବି) 'ହାଇବ୍ରିଡ୍ ମଡେଲ୍' ଗ୍ରହଣ କରିବା ଉଚିତ କିମ୍ବା ଟୁର୍ଣ୍ଣାମେଣ୍ଟରୁ ବାହାରିବା ପାଇଁ ପ୍ରସ୍ତୁତ ହେବା ଉଚିତ୍ ।
PCB ମୁଖ୍ୟ ନକଭି 'ହାଇବ୍ରିଡ୍ ମଡେଲ୍' ପାଇଁ ରାଜି, କିନ୍ତୁ କିଛି ସର୍ତ୍ତ ସହିତ । PCB ର ସବୁଠାରୁ ବଡ ସର୍ତ୍ତ ହେଉଛି ଆଇସିସି ଏହାର ରାଜସ୍ୱରେ ପାକିସ୍ତାନର ଅଂଶ ୫.୭୫ ପ୍ରତିଶତରୁ ବୃଦ୍ଧି କରିବା ଉଚିତ୍ । ଏହା ଗୋଟିଏ ସର୍ତ୍ତ ଯାହା ପୁରା ଖେଳକୁ ଖରାପ କରିପାରେ ।
ଆଇସିସି ବର୍ତ୍ତମାନର ରାଜସ୍ୱ ମଡେଲ୍ (୨୦୨୪-୨୭) ଅଧୀନରେ ବାର୍ଷିକ ୬୦୦ ମିଲିୟନ୍ ଡଲାର୍ (ପ୍ରାୟ ୫୦୭୩ କୋଟି ଟଙ୍କା) ବଣ୍ଟନ କରୁଛି ।
ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଆଇସିସିର ଏହି ରାଜସ୍ୱରେ ସର୍ବାଧିକ ୩୮.୫୦% (ବାର୍ଷିକ ପ୍ରାୟ ୧୯୫୩ କୋଟି ଟଙ୍କା) ଅଂଶ ଗ୍ରହଣ କରୁଛି । ଯେତେବେଳେ କି ସଂପୃକ୍ତ ଦେଶଗୁଡ଼ିକର ଅଂଶ ୧୧.୧୯ ପ୍ରତିଶତ । ଇଂଲଣ୍ଡ, ଅଷ୍ଟ୍ରେଲିଆ ଏବଂ ପାକିସ୍ଥାନ ପ୍ରତିବର୍ଷ ଯଥାକ୍ରମେ ୬.୮୨%, ୬.୨୫% ଏବଂ ୫.୭୫% ଅଂଶ ଗ୍ରହଣ କରୁଛନ୍ତି । ଯଦି ଦେଖାଯାଏ, ପ୍ରତିବର୍ଷ ପାକିସ୍ତାନର ଅଂଶକୁ ପ୍ରାୟ ୨୯୧ କୋଟି ଟଙ୍କା ଆସୁଛି ।
ପାକିସ୍ତାନ ପାଇଥିବା ଅଂଶ ପାଇଁ ସେ ସବୁବେଳେ ଅସନ୍ତୋଷ ଥାଏ । ପାକିସ୍ତାନ ତୁଳନାରେ ଭାରତ ୭ ଗୁଣ ଅଧିକ ଟଙ୍କା ପାଇଛି, ଯାହା ସମ୍ପୂର୍ଣ୍ଣ ନ୍ୟାୟପୂର୍ଣ୍ଣ । କ୍ରିକେଟ୍ ପାଇଁ ଭାରତ ହେଉଛି ସବୁଠାରୁ ବଡ ବଜାର ଏବଂ ଆଇସିସିର ରାଜସ୍ୱରେ ଏହାର ଅବଦାନ ବହୁତ ଅଧିକ । ଏଭଳି ପରିସ୍ଥିତିରେ, ଆଇସିସିର ବର୍ତ୍ତମାନର ରାଜସ୍ୱ ମଡେଲ୍ ବହୁ ପରିମାଣରେ ସଠିକ୍ ଅଟେ ।
PCB ବର୍ତ୍ତମାନ ଚାହୁଁଛି ଯେ ଆଇସିସିର ରାଜସ୍ୱରେ ଏହାର ଅଂଶ ୫.୭୫ ପ୍ରତିଶତରୁ ବୃଦ୍ଧି କରାଯାଉ । ଯାହା ବର୍ତ୍ତମାନ ସମ୍ଭବ ନୁହେଁ । ଯଦି ପିସିବି ରାଜସ୍ୱ ଅଂଶ ବଢାଇବାରେ ଜିଦ୍ ଧରିଥାଏ, ତେବେ ଆଇସିସି ପାକିସ୍ତାନ ବିନା ଚାମ୍ପିଅନ୍ସ ଟ୍ରଫି ଆୟୋଜନ କରିପାରିବ । ଅବଶ୍ୟ, ଏହା ଆଇସିସିର ପ୍ରତିଷ୍ଠାକୁ କ୍ଷତି ପହଞ୍ଚାଇପାରେ ଏବଂ ଆର୍ଥିକ କ୍ଷତି ମଧ୍ୟ କରିପାରେ ।
