ଅହମ୍ମଦାବାଦ, ୧୮/୧୧: ରବିବାର ଭାରତ-ଅଷ୍ଟ୍ରେଲିଆ ମଧ୍ୟରେ ଫାଇନାଲ ଫାଇଟ୍ । ସୁପର ସନଡେ’ ହେବ ସୁପର ଫାଇଟ୍ । ମ୍ୟାଚକୁ ନେଇ ସାରା ଦେଶରେ ଉତ୍ସବ । ଟିମ୍ ଇଣ୍ଡିଆ ମ୍ୟାଚ୍ ଜିତିବା ନେଇ ସବୁଠି ପୂଜାର୍ଚ୍ଚନା ଚାଲିଛି । ଏପଟେ ମ୍ୟାଚକୁ ନେଇ ବେଟିଂ ଇଣ୍ଡଷ୍ଟ୍ରୀ ଚଳଚଞ୍ଚଳ ହୋଇଛି । ଟାଇଟଲ ଲଢେଇ ପାଇଁ ଜୋରଦାର ବେଟିଂ ଚାଲିଛି । ମ୍ୟାଚ୍ ପଛରେ ପାଖାପାଖି ୭୦,୦୦୦ କୋଟି ଟଙ୍କାର ଅର୍ଥ ଲଗାଯାଇଛି । ଏହି ମ୍ୟାଚ୍ ସବୁ ପୁରୁଣା ବେଟିଂ ରେକର୍ଡ ଭାଙ୍ଗିବ ବୋଲି ଅନୁମାନ କରାଯାଉଛି । ୫୦୦ରୁ ଉଦ୍ଧ୍ୱର୍ ବେଟିଂ ୱେବସାଇଟ୍ ଫାଇନାଲ୍ ମ୍ୟାଚ୍ ପାଇଁ ବେଟ୍ ଆହ୍ୱାନ କରିଛନ୍ତି । ଭାରତ ପକ୍ଷରେ ସର୍ବାଧିକ ଅର୍ଥ ଲାଗିଛି ।
ବେଟର୍ଙ୍କ ନଜରରେ ଭାରତ ଚାମ୍ପିଅନ୍ ହେବ । ମ୍ୟାଚ୍ ଆରମ୍ଭରୁ ଶେଷ ପର୍ଯ୍ୟନ୍ତ ଭାରତର ଆଧିପତ୍ୟ ରହିବ । ମ୍ୟାଚ୍ରେ ଛୋଟ ସ୍କୋର ସଂଗୃହୀତ ହେବ ବୋଲି ବେଟରମାନେ ଅନୁମାନ କରୁଛନ୍ତି । ପ୍ରଥମେ ବ୍ୟାଟିଂ କରୁଥିବା ଦଳ ୨୫୦ରୁ ୩୦୦ ମଧ୍ୟରେ ସ୍କୋର ସଂଗ୍ରହ କରିବ ବୋଲି ସର୍ବାଧିକ ବେଟର ଅନୁମାନ ଲଗାଇଛନ୍ତି । ୩୦୦ରୁ ୪୦୦ ସ୍କୋର ପାଇଁ ମଧ୍ୟ ବେଟିଂ ଲାଗିଛି । କିଛି ବେଟରଙ୍କ ଅନୁମାନ ଅନୁଯାୟୀ, ପ୍ରଥମ ଇନିଂସ ସ୍କୋର ୪୦୦ ଅତିକ୍ରମ କରିବ । ବେଟିଂ ମିଟର ଅନୁଯାୟୀ ଭାରତ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେବ ।
wp:embed {"url":"https://www.prameyanews7.com/left-handers-austalian-batsmen-attack-in-indian-bowler/","type":"wp-embed","providerNameSlug":"prameya-news-7"}ଟୁର୍ଣ୍ଣାମେଣ୍ଟ ସାରା ବିରାଟ କୋହଲିଙ୍କ ରାଜୁତି ଜାରି ରହିଥିଲେ ହେଁ ବେଟ୍ରମାନେ ଫାଇନାଲ୍ ମ୍ୟାଚ୍ ପାଇଁ ରୋହିତ ଶର୍ମା ଓ ସୂର୍ଯ୍ୟକୁମାର ଯାଦବଙ୍କ ଉପରେ ସର୍ବାଧିକ ଅର୍ଥ ଲଗାଇଛନ୍ତି । ମହମ୍ମଦ ସାମି ୨୩ଟି ୱିକେଟ୍ ଅକ୍ତିଆର କରିସାରିଥିଲେ ହେଁ ବେଟରମାନେ ଫାଇନାଲ୍ ମ୍ୟାଚ୍ ପାଇଁ ମହମ୍ମଦ ସିରାଜ ଓ ଯଶପ୍ରୀତ ବୁମରାଙ୍କ ପଛରେ ଅର୍ଥ ଲଗାଇଛନ୍ତି । ଗତ ଭାରତ- ପାକିସ୍ତାନ ମ୍ୟାଚ୍ରେ ୪୦,୦୦୦କୋଟି ଟଙ୍କାର ବେଟିଂ ହୋଇଥିଲା ।
