ଭଦ୍ରକ: ଭଦ୍ରକ ଜିଲ୍ଲା ଧାମରା ନିକଟସ୍ଥ ଅବଦୁଲ କଲାମ ଦ୍ୱୀପରୁ ଗୁରୁବାର ଅଗ୍ନି-୫ର ରାତ୍ରୀକାଳୀନ ପରୀକ୍ଷଣ ସଫଳ ହୋଇଛି । ସଂଧ୍ୟା ୫ଟା ୪୫ମିନିଟରେ ଏହାର ପରୀକ୍ଷଣ ସଫଳତାର ସହ ହୋଇଛି । ବ୍ରହ୍ମାସ୍ତ୍ର କୁହାଯାଉଥିବା ଅଗ୍ନି-୫ କ୍ଷେପଣାସ୍ତ୍ରର ସଫଳ ପରୀକ୍ଷଣ ପୂର୍ବରୁ ଅନେକ ଥର ହୋଇସାରିଛି ।
୨୦୧୨ ଏପ୍ରିଲ ୧୯ରେ ଏହାର ପ୍ରଥମ ପରୀକ୍ଷା କରାଯାଇଥିଲା । ଏହା ପରଠୁ ଅନେକ ଥର ଅଗ୍ନି ୫ର ସଫଳ ପରୀକ୍ଷଣ ହୋଇଛି । ଏହା ହେଉଛି ଅନ୍ତଃମହାଦେଶୀୟ ବାଲାଷ୍ଟିକ କ୍ଷେପଣାସ୍ତ୍ର । ୫୦୦୦ରୁ ୫,୫୦୦ କି.ମି. ରେଞ୍ଜ ଭିତରେ ଶତ୍ରୁର ମିସାଇଲକୁ ଧ୍ୱଂସ କରିବାର କ୍ଷମତା ଏହି କ୍ଷେପଣାସ୍ତ୍ର ରଖିଛି । ଏହାର ରେଞ୍ଜ ୮ ହଜାର କିଲୋମିଟର ଯାଏଁ ବୋଲି କିଛି ରିପୋର୍ଟରେ ଦାବି କରାଯାଉଛି।
wp:html/wp:html#DRDO has successfully conducted a night firing of an intercontinental nuclear capable ballistic missile #Agni5 tested for the first time at full operational range of 5,500km from #Odisha#NewIndia 🔥🔥☄️☄️🇮🇳🇮🇳 pic.twitter.com/Iq3BHdrMKd
— manju🇮🇳 (@justtweettz) December 15, 2022
ଏହା ଅଗ୍ନି ସିରିଜ୍ର ସବୁଠୁ ଶକ୍ତିଶାଳୀ ଭର୍ସନ। ଘଣ୍ଟାକୁ ପ୍ରାୟ ୩୦ ହଜାର କି.ମି. ବେଗରେ ଗତି କରିପାରୁଥିବା ଏହି କ୍ଷେପଣାସ୍ତ୍ର ୩ ସ୍ତରୀୟ ଇଞ୍ଜିନ ବିଶିଷ୍ଟ। ଏହି କ୍ଷେପଣାସ୍ତ୍ର ଉଭୟ ଅଣୁ ଓ ପରମାଣୁ ଯୁଦ୍ଧାସ୍ତ୍ର ଧାରଣ କରିପାରିବ। ଏହାର ଓଜନ ୫୦ ହଜାର କି.ଗ୍ରା.। ଏହାର ଚଉଡା ୨ ମିଟର ହୋଇଥିବା ବେଳେ ଉଚ୍ଚତା ୧୭. ୫ ମିଟର । ଏହା ନିକଟରେ ୧୩୬୦ କେଜି ଓଜନର ହତିଆର ନେବାର କ୍ଷମତା ରହିଛି । ଅଗ୍ନି-୫ ମିଶାଇଲ ଚୀନର ଯେକୌଣସି ସ୍ଥାନକୁ ଟାର୍ଗେଟ କରିପାରିବ ।
ଭାରତ ମହାସାଗରରେ ଥିବା ଚୀନର ଗୁପ୍ତଚର ଜାହାଜ ଉଆନ ଓ୍ବାଙ୍ଗ-୫ ଗତ ନଭେମ୍ବର ମାସରୁ ଭାରତ ମହାସାଗରରେ ରହିଥିଲା। ଗତ ମଙ୍ଗଳବାର ଏହି ଗୁପ୍ତଚର ଜାହାଜ ଭାରତ ମହାସଗରରୁ ପଛକୁ ହଟିଥିଲା। ଏଥିଯୋଗୁଁ ନଭେମ୍ୱରରେ ହେବାକୁ ଥିବା ପରୀକ୍ଷଣକୁ ସ୍ଥଗିତ ରଖାଯାଇଥିଲା। ଏବେ ଏହାର ସଫଳ ପରୀକ୍ଷଣ ହୋଇଛି।