ନୂଆଦିଲ୍ଲୀ ୨୮।୧୧ -  ଭାରତୀୟ ସେନାର ଇନଫାଣ୍ଟ୍ରି କମ୍ପାଣ୍ଡ ପକ୍ଷରୁ ମଧ୍ୟପ୍ରଦେଶ ମହୁରେ ସ୍ପାଇକ୍ ଆଣ୍ଟି ଟ୍ୟାଙ୍କ ଗାଇଡେଡ୍ ମିଶାଇଲର ସଫଳ ପରୀକ୍ଷଣ କରାଯାଇଛି । ଏହି ମିଶାଇଲକୁ ଇସ୍ରାଏଲର ରାଫେଲ୍ ଆଡଭାନ୍ସ ଡିଫେନ୍ସ ସିଷ୍ଟମ୍ ବିକାଶ କରିଛି । ଭାରତୀୟ ସେନାର ଆବଶ୍ୟକତାକୁ ନଜରରେ ରଖି ପ୍ରତିରକ୍ଷା ବିଭାଗ ଏହାକୁ ଭାରତୀୟ ସେନା ବାହୀନରେ ସାମିଲ କରିବାକୁ ନିଷ୍ପତ୍ତି ନେଇଥିଲା । ଆଣ୍ଟି ଟ୍ୟାଙ୍କ୍ ଗାଇଡେଡ୍ ମିଶାଇଲର ବିଶେଷତ୍ବ ହେଉଛି , ଯୁଦ୍ଧ କ୍ଷେତ୍ରରେ ଏହି ମିସାଇଲ୍ ଶତ୍ରୁପକ୍ଷର ଯୁଦ୍ଧ ଟ୍ୟାଙ୍କକୁ ସମ୍ପୁର୍ଣ୍ଣ ନଷ୍ଟ କରିପାରିବ । ଅନ୍ୟ ଗାଇଡେଡ୍ ମିଶାଇଲ୍ ଠାରୁ ଏହି ମିଶାଇଲ୍ ଲକ୍ଷଭେଦ କରିବାରେ ଅଧିକ ନିର୍ଭୁଲ କ୍ଷମତା ରିଖିଛି । ଏହାସହ ଏହି ମିଶାଇଲକୁ ସେନା କର୍ମଚାରୀମାନେ କାନ୍ଧରେ ଅତି ସହଜରେ ବୋହି ନେଇପାରିବେ । ଲଢୁଆ ଯୁଦ୍ଧ ବିବାନରେ ମଧ୍ୟ ଏହି ମିଶାଇଲକୁ ବ୍ୟବହାର କରାଯାଇ ଶ୍ରତୁପକ୍ଷକୁ ଟାର୍ଗେଟ୍ କରାଯାଇପାରିବ । ଆଜିର ଏହି ଆଣ୍ଟି ଟ୍ୟାଙ୍କ ଗାଇଡେଡ୍ ମିଶାଇଲ ପରୀକ୍ଷଣ ବେଳେ ସେନା ମୁଖ୍ୟ ବିପିନୀ ରାୱତଙ୍କ ସମତେ ବହୁ ବରିଷ୍ଠ ସେନା ଅଧିକାରୀ ଉପସ୍ଥିତ ଥିଲେ ।...