ନୂଆଦିଲ୍ଲୀ: ଖଲିସ୍ତାନୀ ଅତଙ୍କୀ ହରଦୀପ ସିଂହ ନିଜ୍ଜର ହତ୍ୟାକୁ କାନାଡ଼ା ପକ୍ଷରୁ ଭାରତ ଉପରେ ଲାଗିଥିବା ଅଭିଯୋଗକୁ ଖଣ୍ଡନ କରିଛି ବିଦେଶ ମନ୍ତ୍ରାଳୟ । କାନାଡ଼ା ଅଭିଯୋଗରେ କୌଣସି ସତ୍ୟତା ନାହିଁ ବୋଲି ବିଦେଶ ମନ୍ତ୍ରାଳୟ ଏକ ବୟାନ ଜାରି କରି କହିଛି । ଭାରତ କହିଛ, ଏଭଳି ଅଭିଯୋଗ କରି କାନାଡ଼ା ଖଲିସ୍ତାନ ଆତଙ୍କୀ ଓ କଟ୍ଟରପନ୍ଥୀମାନଙ୍କ ଠାରୁ ଧ୍ୟାନ ହଟାଇବାକୁ ଚେଷ୍ଟା କରୁଛି । କାନାଡ଼ା ସରକାର ଲମ୍ବା ସମୟ ଧରି ଆତଙ୍କୀଙ୍କୁ ଶରଣ ଦେଇ ଭାରତ କ୍ଷେତ୍ରୀୟ ଏକତା ଏବଂ ଅଖଣ୍ଡତା ପାଇଁ ବିପଦ ବଢ଼ାଉଛି ।

କାନାଡ଼ା ବିଦେଶ ମନ୍ତ୍ରୀ ଜଷ୍ଟିନ୍ ଟ୍ରୁଡୋଙ୍କ ଲଗାଇଥିବା ଅଭିଯୋଗକୁ ସିଧା ସିଧା ଖଣ୍ଡନ କରିଛି ଭାରତୀୟ ବିଦେଶ ମନ୍ତ୍ରାଳୟ । ଜଷ୍ଟିନ୍ ଟ୍ରୁଡୋ କାନାଡ଼ା ସଂସଦରେ ଖଲିସ୍ତାନୀ ଅତଙ୍କୀ ହରଦୀପ ସିଂହ ନିଜ୍ଜର ହତ୍ୟାକୁ ନେଇ ଭାରତ ସହିତ ଯୋଡ଼ିଥିଲେ ।  ଏହା ସହିତ ମେଲାନୀ ଜାଁଲି ବୟାନଙ୍କୁ ମଧ୍ୟ ଆଲୋଚନା କରାଯାଇଥିଲା । ବିଦେଶ ମନ୍ତ୍ରାଳୟ କହିଛି, ଭାରତ ଏକ ମଜବୁତ ଲୋକତାନ୍ତ୍ରିକ ଦେଶ । ଯେଉଁଠାରେ ଆଇନ କାନୁନ ପ୍ରତି ସମସ୍ତେ ପ୍ରତିବଦ୍ଧିତ । ଖଲିସ୍ତାନୀ ଆତଙ୍କୀ ଓ ସମର୍ଥକଙ୍କ ଗତିବିଧି ସହିତ ଜଡ଼ିତ ମାମଲାରେ କାନାଡ଼ା ସରକାର ଲମ୍ବା ସମୟ ଧରି କିଛି ଆକ୍ସନ ନେଇ ନପାରିବା ଭାରତ ବିପଦ ଓ ଚିନ୍ତାଜନକ ବିଷୟ ବୋଲି କୁହାଯାଇଛି ।

ହରଦୀପ ସିଂହ ନିଜ୍ଜର ମାମଲାରେ କାନାଡ଼ା ନେତାଙ୍କୁ ମଧ୍ୟ ଭାରତ ଘେରିଛି । କାନାଡ଼ାର ଅଧିକାଂଶ ନେତା ଏହି ଖଲିସ୍ତାନୀ ଆତଙ୍କୀଙ୍କ ପାଇଁ କୁମ୍ଭୀର କାନ୍ଦଣା କାନ୍ଦୁଛନ୍ତି । ଭାରତ ପାଇଁ ଶତ୍ରୁ ପାଲଟିଥିଲା ଖଲିସ୍ତାନୀଙ୍କୁ ଖୋଲାଖୋଲି ଭାବେ ସମର୍ଥନ କରୁଛନ୍ତି । କାନାଡ଼ାରେ ଯେଉଁଭଳି ହତ୍ୟା, ମାନବ ତସ୍କରୀ ଏବଂ ସଂଗଠିତ ଅପରାଧ କରାଯାଉଛି, ଏହା କୌଣସି ନୂଆ କଥା ନୁହେଁ ।  ତେଣୁ ଭାରତ ବିରୋଧ ଖଲିସ୍ତାନୀ ଆତଙ୍କୀ ଜାରି ରଖିଥିବା ଗତିବିଧି ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଭାରତ ପକ୍ଷରୁ କୁହାଯାଇଛି ।