ମୁମ୍ବାଇ ୧୮।୦୫ : ଧୋନି ଏବେବି ନମ୍ବର ଓ୍ୱାନ । ଅନ୍ତର୍ଜାତୀୟ କ୍ରିକେଟ୍ରୁ ଧୋନି ଅବସର ନେଇଛନ୍ତି ସତ । ହେଲେ ଏବେବି ତାଙ୍କର ନାଁରେ ରହିଛି ଅନେକ । ଏସବୁ ମଧ୍ୟରୁ ଧୋନିଙ୍କ ରେକର୍ଡ ଥିବା ଏକ ଫଟୋ ସେୟାର କରିଛି ଆଇସିସି । ନିଜ ସୋସିଆଲ ମିଡିଆ ଆକାଉଣ୍ଟରେ ଏକ ଫୋଟ ସେୟାର କରିଛି ଆଇସିସି ।
ଆଇସିସି ସେୟାର କରିଥିବା ଲେଖିଛି ଯେ, ଧୋନି ଏବେବି ନମ୍ବର । ଟି-୨୦ ବିଶ୍ୱକପ୍ରେ ସବୁଠୁ ଅଧିକ ଷ୍ଟମିଂ କରିଥିବା ଓ୍ୱିକେଟ୍ କିପରଙ୍କ ମଧ୍ୟରେ ଟପ୍ରେ ରହିଛନ୍ତି ଧୋନି । ତାଙ୍କ ପଛକୁ ରହିଛନ୍ତି ପାକିସ୍ତାନୀ ଓ୍ୱିକେଟ୍ କିପର ବ୍ୟାଟସମ୍ୟାନ୍ କମରାନ ଆକମଲ୍ । ଧୋନି ୨୦୦୭ରୁ ୨୦୧୬ ପର୍ଯ୍ୟନ୍ତ ଅନୁଷ୍ଠିତ ସମସ୍ତ ଟି-୨୦ ବିଶ୍ୱକପ୍ ଖେଳିଛନ୍ତି । ଯେଉଁଥିରେ ସେ ମୋଟ ୩୨ଟି ଷ୍ଟମ୍ପିଂ କରିଛନ୍ତି । ଯାହାକି ଧୋନିଙ୍କୁ ଏହି ତାଲିକାରେ ଟପ୍ରେ ରଖିଛି । ଆଉ ଧୋନିଙ୍କ ପଛକୁ ରହିଛନ୍ତି କମରାନ୍ ଆକମଲ୍ । ସେ ୨୦୦୭ରୁ ୨୦୧୪ ପର୍ଯ୍ୟନ୍ତ ଟି-୨୦ ବିଶ୍ୱକପ୍ ଟୁର୍ଣ୍ଣାମେଣ୍ଟ ଖେଳିଛନ୍ତି । ଯେଉଁଥିରେ ସେ ମୋଟ ୩୦ଟି ଷ୍ଟମ୍ପିଂ କରିଛନ୍ତି । ସେହିପରି ତୃତୀୟ ସ୍ଥାନରେ ରହିଛନ୍ତି ଓ୍ୱେଷ୍ଟଇଣ୍ଡିଜ୍ ଓ୍ୱିକେଟ୍ କିପର ଦିନେଶ ରାମଦିନ । ସେ ୨୦୦୭ରୁ ୨୦୧୬ ପର୍ଯ୍ୟନ୍ତ ଅନୁଷ୍ଠିତ ଟି-୨୦ ବିଶ୍ୱକପ୍ ଖେଳିଛନ୍ତି । ଯେଉଁଥିରେ ସେ ୨୭ଟି ଶୀକାର କରିଛନ୍ତି । ୪ର୍ଥ ସ୍ଥାନରେ ରହିଛନ୍ତି ଶ୍ରୀଲଙ୍କାର ଓ୍ୱିକେଟ୍ କିପର କୁମାର ସାଙ୍ଗାକାର । ସେ ୨୦୦୭ରୁ ୨୦୧୪ ଯାଏଁ ଟି-୨୦ ବିଶ୍ୱକପ୍ ଖେଳିଛନ୍ତି । ଯେଉଁଥିରେ ୨୬ଟି ଶୀକାର କରିଛନ୍ତି । ବାକି ପଞ୍ଚମ ସ୍ଥାନରେ ରହିଛନ୍ତି ସାଉଥ ଆଫ୍ରିକାର ଓ୍ୱିକେଟ୍ କିପର କ୍ୱିଣ୍ଟନ ଡି କକ୍ । ସେ ୨୦୧୪ରୁ ୨୦୨୨ ଯାଏଁ ଟି-୨୦ ବିଶ୍ୱକପ୍ ଖେଳିଛନ୍ତି । ଯେଉଁଥିରେ ସେ ୨୨ଟି ଷ୍ଟମ୍ପିଂ କରିଛନ୍ତି ।
India legend MS Dhoni holds the record for most dismissals by a wicket-keeper in ICC Men’s T20 World Cups 🙌
— ICC (@ICC) May 18, 2024
More on key #T20WorldCup stats 👉 https://t.co/7lYtUkZBKh pic.twitter.com/kMNVcz6qva
ସୂଚନାଯୋଗ୍ୟ ଯେ, ଅନ୍ତର୍ଜାତୀୟ କ୍ରିକେଟ୍ରୁ ଅବସର ନେଇସାରିଛନ୍ତି ଧୋନି । ଏବେବି କେବଳ ଆଇପିଏଲରେ ଚେନ୍ନାଇ ସୁପର କିଙ୍ଗସ ପାଇଁ ଖେଳୁଛନ୍ତି । ତେବେ ଧୋନି ୯୦ଟି ଟେଷ୍ଟ ମ୍ୟାଚ୍ ଖେଳି ୪୮୭୬ ରନ୍ କରିଥିବା ବେଳେ ୩୫୦ଟି ଦିନିକିଆ ମୁକାବିଲା ଖେଳି ୧୦୭୭୩ ରନ୍ ସଂଗ୍ରହ କରିଛନ୍ତି । ଏହାପରେ ୯୮ଟି ଟି-୨୦ ମ୍ୟାଚ୍ ଖେଳି ୧୬୧୭ ରନ୍ ହାସଲ କରିଛନ୍ତି । ସେହିପରି ଏବେ ସୁଦ୍ଧା ୨୬୩ଟି ଆଇପିଏଲ୍ ମ୍ୟାଚ୍ ଖେଳି ସଂଗ୍ରେହ କରିଛନ୍ତି ୫୨୧୮ ରନ୍ ।