oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୮୦ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର : ଭିଜିଲାନ୍ସ ଜାଲରେ IDCO ସହକାରୀ ନିର୍ଦ୍ଦେଶକ, ଏକାସାଙ୍ଗେ ୭ଟି ସ୍ଥାନରେ ଚାଲିଛି ଚଢାଉ
  • ||
  • ମୁମ୍ବାଇ : ଏକତା କପୁରଙ୍କ ବଢିଲା ଅଡୁଆ, ଗିରଫ ୱାରେଣ୍ଟ ଜାରି କଲେ ବିହାର କୋର୍ଟ
  • ||
  • ଭୁବନେଶ୍ୱର : ଗୁରୁବାରଠୁ ରାଜ୍ୟରେ ବର୍ଷା, ୧୪ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଭାରତରେ ପ୍ରଥମ; ବ୍ରହ୍ମପୁତ୍ର ନଦୀ ତଳେ ତିଆରି ହେବ ରାସ୍ତା ଓ ରେଳ ଲାଇନ୍

18/05/2022 at 5:43 PM

ନୂଆଦିଲ୍ଲୀ: ବିଶ୍ୱର ସବୁଠାରୁ ବଡ଼ ଟନେଲ୍‌ ଅଟଳ ଟନେଲ୍‌ ନିର୍ମାଣ କରିବା ପରେ ଏବେ ପ୍ରଥମଥର ପାଇଁ ପାଣି ଭିତରେ ରେଳ ଟନେଲ୍ ନିର୍ମାଣ କରିବାକୁ ଯୋଜନା କରୁଛି ଭାରତ। ଆସାମର ବ୍ରହ୍ମପୁତ୍ର ନଦୀରେ ଏହି ଟନେଲ୍ ନିର୍ମାଣ କରାଯିବ। ଏଥିପାଇଁ ୭ ହଜାର କୋଟି ଟଙ୍କାର ବ୍ୟୟ ଅଟକଳ ହୋଇଛି।  

ଏନେଇ କେନ୍ଦ୍ର ରେଳମନ୍ତ୍ରାଳୟ ଓ ସଡ଼କ ପରିବହନ ମନ୍ତ୍ରାଳୟ ସୂଚନା ଦେଇଛି। ବର୍ଡର ରୋଡ ଅର୍ଗାନାଇଜେସନ(BRO) ସହିତ ମିଶି ଏହି ଯୋଜନା କରାଯାଇଛି ବୋଲି ମନ୍ତ୍ରାଳୟ ସୂଚନା ଦେଇଛି। ସୂଚନା ଅନୁସାରେ ଏହି ପ୍ରୋଜେକ୍ଟରେ ତିନୋଟି ଟନେଲ୍ ତିଆରି କରାଯିବ। ସେଥିମଧ୍ୟରୁ ଗୋଟିଏ ସଡ଼କପଥ, ଗୋଟିଏ ରେଳପଥ ଓ ଅନ୍ୟଟି ଜରୁରୀକାଳୀନ ସେବ ପାଇଁ ରହିବ। ଏହି ତିନୋଟିଯାକ ପଥ କ୍ରସ୍‌ ପେସେଜ୍‌ ଦ୍ୱାରା ସଂଯୋଗ ହୋଇ ରହିବ ବୋଲି ମନ୍ତ୍ରାଳୟ କହିଛି।

ଏହି ଟନେଲ୍ ସମ୍ପର୍କରେ ସୂଚନା ଦେଇ ସରକାର କହିଛନ୍ତି ଯେ ପ୍ରତ୍ୟେକ ଟନେଲ୍ ଲମ୍ବ ୯.୮କିମି ରିହିବ ସହିତ ଅସାମ ଓ ଅରୁଣାଚଳ ପ୍ରଦେଶ ଆଡ଼କୁ ଜମୁରିହାଟ-ସିଲଘାଟ ରେଳପଥ ଓ ସଡ଼କ ପଥ ସହିତ ଜଡ଼ିତ ରହିବ। ଯାତାୟାତ ଓ କାର୍ଯ୍ୟ ଉଭୟ ଉଦ୍ଦେଶ୍ୟରେ ତିଆରି ହେବାକୁ ଥିବା ଏହି ୯ କିମି ବିଶିଷ୍ଟ ଟନେଲ୍‌ ତେଜ୍‌ପୁର ରୋଡ୍‌ ବ୍ରିଜ୍‌ କାଳିଆଭମରା ସହିତ ଲାଗିବ। ଏହି ଟନେଲ୍‌ଗୁଡ଼ିକ ବ୍ରହ୍ମପୁତ୍ରର ଉତ୍ତରଭାଗରେ ଥିବା ଧାଲିଆବିଲ ରେଳଷ୍ଟେସନ୍ ଓ ଦକ୍ଷିଣଭାଗରେ ଥିବା ଜଖଲାବନ୍ଧ ରେଳଷ୍ଟସନ୍‌କୁ ସଂଯୋଗ କରିବ।

ଏହି ଟନେଲ୍ ଉଭୟ ସେନା ଓ ପରିବହନ ପାଇଁ ଆବଶ୍ୟକ ବୋଲି ରେଳମନ୍ତ୍ରାଳୟ କହିଛି। ତେବେ ଏଥିପାଇଁ ଆବଶ୍ୟକଥିବା ପୁଞ୍ଜିକୁ ପୁନଃ ସମୀକ୍ଷା କରାଯିବ । ବିଆର୍‌ଓ ଏହାକୁ ସାବଧାନତାର ସହ ସମୀକ୍ଷା କରିବା ଆବଶ୍ୟକତା ରହିଛି ବୋଲି ମନ୍ତ୍ରାଳୟ କହିଛି।  

ସୂଚନା ଥାଉକି ପୂର୍ବରୁ ଏହି ପ୍ରୋଜେକ୍ଟ ପାଇଁ ୧୨,୮୦୦ କୋଟି ଅଟକଳ କରାଯାଇଥିଲା। ଜାତୀୟ ରାଜପଥ ଭିତ୍ତିପ୍ରସ୍ତର ବିକାଶ ନିଗମ ଲିମିଟେଡ୍‌(NHIDCL) ପକ୍ଷରୁ କେବଳେ ପରିବହନ ପାଇଁ ଦୁଇଟି ଟନେଲ୍ ନିର୍ମାଣ କରିବାକୁ ଏତିକି ଅର୍ଥରାଶି ଲାଗିବ ବୋଲି କୁହାଯାଇଥିଲା।

   Related Posts