ନୂଆଦିଲ୍ଲୀ: ଭାରତ-ରୁଷ ଜଏଣ୍ଟ ଭେଞ୍ଚର ବ୍ରହ୍ମୋସ ଏୟରୋସ୍ପେସ୍ ହାଇପରସୋନିକ ମିଶାଇଲ ନିର୍ମାଣ କରିବାରେ ସକ୍ଷମ। ଆସନ୍ତା ପାଞ୍ଚରୁ ଛଅ ବର୍ଷରେ ନିଜର ପ୍ରଥମ ହାଇପରସୋନିକ ମିଶାଇଲ ନିର୍ମାଣ କରିବ । ବ୍ରହ୍ମୋସ ଏୟରୋସ୍ପେସ ପକ୍ଷରୁ ସୋମବାର ଏହି ସୂଚନା ଦିଆଯାଇଛି । ବ୍ରହ୍ମୋସ ଏୟରୋସ୍ପେସର ସିଇଓ ଏବଂ ଏମଡି ଅତୁଲ ରାଣେ କହିଛନ୍ତି, ‘ବ୍ରହ୍ମୋସ ଏୟରୋସ୍ପେସ୍ ହାଇପରସୋନିକ ମିଶାଇଲ ନିର୍ମାଣ କରିବାରେ ସକ୍ଷମ ଅଟେ । ଆସନ୍ତା ୫ରୁ୬ ବର୍ଷରେ ନିଜର ହାଇପରସୋନିକ ମିଶାଇଲ ହାସଲ କରିବ’।

ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ବ୍ରହ୍ମୋସ ଏୟରୋସ୍ପେସ ସୋମବାର ରୌପ୍ୟ ଜୟନ୍ତୀ ବର୍ଷ ସମାରୋହ (୨୦୨୨-୨୦୨୩)ର ଆରମ୍ଭ କରିଛି। ଭାରତର ସବୁଠୁ ସଫଳ ଏବଂ ଅତ୍ୟାଧୁନିକ ସୈନ୍ୟ ସହଭାଗୀତା କାର୍ଯ୍ୟକ୍ରମର ଏକ ଅସାଧାରଣ ଯାତ୍ରାକୁ ଚିତ୍ରଣ କରିବା ପାଇଁ ଏହି ଆୟୋଜନ କରାଯାଇଛି।

ଅପରାଜୟ ବ୍ରହ୍ମୋସର ପ୍ରଥମ ସୁପରସୋନିକ୍ ଆରମ୍ଭର ୨୧ ଗୌରବଶାଳୀ ବର୍ଷକୁ ଚିତ୍ରଣ କରିବା ପାଇଁ ଜୁନ ୧୨ରୁ ଆରମ୍ଭ ହୋଇଥିବା ରୌପ୍ୟ ଜୟନ୍ତୀ ବର୍ଷ ସମାରୋହ ୨୦୨୩ ଫେବ୍ରୁଆରୀ ୧୨ ବ୍ରହ୍ମୋସ ପ୍ରତିଷ୍ଠା ଦିବସରେ ଶେଷ ହେବ।

ଏଥିରେ ଦୁନିଆର ସର୍ବଶ୍ରେଷ୍ଠ ସୁପରସୋନିକ କ୍ରୁଜ ମିଶାଇଲ ପ୍ରଣାଳୀର ପରିଚାଳନା କରୁଥିବା ଭାରତୀୟ ସଶସ୍ତ୍ର ବଳର ଯୋଗଦାନ ଏବଂ ବ୍ୟବସାୟକୁ ସ୍ୱୀକାର କରିବା ପାଇଁ ଏକ ୟୁଜର ଇଣ୍ଟରଆକ୍ସନ ମିଟିଂ ଆୟୋଜନ କରାଯିବ। ମିଶାଇଲ ପ୍ରଯୁକ୍ତି କ୍ଷେତ୍ରର ଯୁବ ପ୍ରତିଭାଙ୍କୁ ଆକର୍ଷିତ କରିବା ପାଇଁ ମିଶାଇଲ ଏବଂ ଏୟରୋସ୍ପେସ୍ କ୍ଷେତ୍ରରେ ଅତ୍ୟାଧୁନିକ ପ୍ରଯୁକ୍ତିର ପ୍ରୟୋଗ ଉପରେ ରାଷ୍ଟ୍ରୀୟ ସ୍ତରରେ ପ୍ରତିଯୋଗୀତାର ଆୟୋଜନ କରାଯିବ।