ରାଉରକେଲା: ବିର୍ସା ମୁଣ୍ଡା ଷ୍ଟାଡିୟମରେ ଖେଳାଯାଇଥିବା କ୍ଲାସିଫିକେସନ ମୁକାବିଲାରେ ଭାରତ ବିପୁଳ ବିଜୟ ହାସଲ କରିଛି। କ୍ରସ୍ ଓଭର ମୁକାବିଲାରେ ଝୁଣ୍ଟିଥିବା ଭାରତୀୟ ଦଳ ଆଜି ମ୍ୟାଚ୍‌ରେ ଜାପାନକୁ ୮-୦ ଗୋଲ୍‌ରେ ପରାସ୍ତ କରିଛି। ବିଜୟ ସହ ଭାରତ ଏଫଆଇଏଚ୍ ପୁରୁଷ ହକି ବିଶ୍ଵ କପ୍‌ ଅଭିଯାନ ସମାପ୍ତ କରିଛି। ଏହି ଏକତରଫା ମୁକାବିଲାରେ ଭାରତ ପକ୍ଷରୁ ଅଭିଷେକ ଏବଂ ହରମନପ୍ରୀତ ସିଂ ଦୁଇଟି ଗୋଲ୍ ଦେଇଥିବା ବେଳେ ମନ୍ଦୀପ ସିଂ, ପ୍ରସାଦ ବିବେକ ସାଗର, ମନପ୍ରୀତ ସିଂ ଏବଂ ସୁଖଜିତ ସିଂ ଗୋଟିଏ ଲେଖାଏଁ ଗୋଲ୍ ଦେଇଥିଲେ।

India finishes it off in style as they beat Japan. Here are some moments from the game.

🇯🇵JPN 0-8 IND🇮🇳#IndiaKaGame #HockeyIndia #HWC2023 #StarsBecomeLegends #HockeyWorldCup #INDvsJAP @CMO_Odisha @sports_odisha @IndiaSports @Media_SAI pic.twitter.com/Vrw4iZrfQj

— Hockey India (@TheHockeyIndia) January 26, 2023

ମ୍ୟାଚ୍‌ର ପ୍ରଥମ ଦୁଇଟି କ୍ଵାର୍ଟର ଗୋଲ୍ ଶୂନ୍ୟ ରହିଥିଲା। ଅନେକ ସୁଯୋଗ ସୃଷ୍ଟି ହୋଇଥିଲେ ହେଁ ଭାରତ ଗୋଲ୍ ଦେବାରେ ବିଫଳ ହୋଇଥିଲା। ଦ୍ଵିତୀୟ କ୍ଵାର୍ଟର ସୁଦ୍ଧା ମ୍ୟାଚ୍ ୦-୦ରେ ରହିଥିଲା। ତେବେ  ତୃତୀୟ କ୍ଵାର୍ଟରରେ ଭାରତ ଲୟକୁ ଫେରିଥିଲା ଏବଂ ଆକ୍ରମଣାତ୍ମକ ଖେଳ ଦେଖାଇଥିଲା। ଏହା ପରେ ଭାରତ ଜାପାନ ଉପରେ ଗୋଲ୍ ବର୍ଷା କରିଥିଲା। ତୃତୀୟ କ୍ଵାର୍ଟରରେ ଭାରତ ୫ଟି ଗୋଲ୍ ଦେଇଥିବା ବେଳେ ଶେଷ କ୍ଵାର୍ଟରରେ ଆଉ ୩ଟି ଗୋଲ୍ ଦେଇଥିଲା। ମ୍ୟାଚ୍‌ର ଦ୍ଵିତୀୟାର୍ଦ୍ଧରେ ଭାରତ ସଂପୂର୍ଣ୍ଣ ପ୍ରାଧ୍ୟାନ୍ୟ ବିସ୍ତାର କରିଥିଲା। ଆଉ ମ୍ୟାଚ୍‌କୁ ଶେଷରେ ୮-୦ରେ ଜିତି ନେଇଛି ଦଳ।

ଏହି ଏକତରଫା ମୁକାବିଲାରେ ଭାରତ ପକ୍ଷରୁ ଅଭିଷେକ(୩୫ମ, ୪୩ମ ମିନିଟ୍‌) ଏବଂ ହରମନପ୍ରୀତ ସିଂ(୪୫ମ, ୫୮ମ ମିନିଟ୍‌) ଦୁଇଟି ଗୋଲ୍ ଦେଇଥିବା ବେଳେ ମନ୍ଦୀପ ସିଂ(୩୨ମ ମିନିଟ୍), ପ୍ରସାଦ ବିବେକ ସାଗର(୩୯ମ ମିନିଟ୍), ମନପ୍ରୀତ ସିଂ(୫୮ମ ମିନିଟ୍) ଏବଂ ସୁଖଜିତ ସିଂ(୫୯ମ ମିନିଟ୍) ଗୋଟିଏ ଲେଖାଏଁ ଗୋଲ୍ ଦେଇ ଭାରତକୁ ବିପୁଳ ବିଜୟ ଦେଇଛନ୍ତି।