ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମିଶନ୍‌ ଶକ୍ତିକୁ ନେଇ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ବଢ଼ିଲା ଋଣ ପରିମାଣ
  • ||

ଆତଙ୍କବାଦୀ ଆକ୍ରମଣରେ ୧୧ ଶିଖ୍ ମୃତ, ତୀବ୍ର ନିନ୍ଦା କଲା ଭାରତ

25/03/2020 at 3:18 PM

କାବୁଲ, ୨୫|୦୩: ଆଫଗାନିସ୍ତାନର ରାଜଧାନୀ କାବୁଲରେ ବସବାସ କରୁଥିବା ଶିଖଙ୍କର ଏକ ଜନ ବସତିରେ ବୁଧବାର ଆତଙ୍କବାଦୀ ଆକ୍ରମଣ ହୋଇଛି । ଏଥିରେ ୧୧ ଜଣ ପ୍ରାଣ ହରାଇଛନ୍ତି । ତେବେ ଭାରତ ପକ୍ଷରୁ ଏହି ଘଟଣାକୁ ତୀବ୍ର ନିନ୍ଦା କରାଯାଇଛି ।

ଭାରତୀୟ ବୈଦେଶିକ ମନ୍ତ୍ରାଳୟ ଏହି ଆକ୍ରମଣକୁ କାପୁରୁଷତାର ପରିଚୟ ବୋଲି କହିଛଛି । ଏହି ଆକ୍ରମଣରେ ପ୍ରଭାବିତ ହୋଇଥିବା ହିନ୍ଦୁ ଓ ଶିଖ ପରିବାରକୁ ସମସ୍ତ ପ୍ରକାର ସାହାଯ୍ୟ ସହଯୋଗ ଯେଗାଇବାକୁ ଭାରତ ସରକାର ପ୍ରସ୍ତୁତ ବୋଲି ମନ୍ତ୍ରାଳୟ କହିଛି । ଏହି ଆକ୍ରମଣ ପଛରେ ଆଇଏସଆଇଏସର ହାତ ଥିବା ଜଣାପଡିଛି ।

ବୈଦେଶିକ ମନ୍ତ୍ରାଳୟ କହିଛି ଯେ, ଭାରତ ସରକାର ଆତଙ୍କବାଦୀ କାର୍ଯ୍ୟକଳାପକୁ ପ୍ରୋତ୍ସାହନ କିମ୍ବା ସମର୍ଥନ କରନ୍ତି ନାହିଁ । ଆକ୍ରମଣରେ ପ୍ରାଣ ହରାଇଥିବା ପରିବାରକୁ ସରକାର ସମବେଦନା ଜଣାଇବା ସହ ଆହତଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି । କେନ୍ଦ୍ରମନ୍ତ୍ରୀ ହରଦୀପ୍ ସିଂ ପୁରୀ ମଧ୍ୟ ଆକ୍ରମଣକୁ ତୀବ୍ର ନିନ୍ଦା କରିଛନ୍ତି ।

ସୂଚନାଯୋଗ୍ୟ, ବୁଧବାର ଆଫଗାନ ସମୟ ସକାଳ ୭ଟା ୪୫ରେ ଏକ ଧର୍ମଶାଳାରେ ବିସ୍ଫୋରଣ ହୋଇଥିଲା । ଏଠାରେ ହିନ୍ଦୁ ଓ ଶିଖ ସମୁଦାୟ ପୂଜା କରୁଥିଲେ । ସେହି ସମୟରେ ଜଣେ ଆତଙ୍କବାଦୀ ଆତ୍ମଘାତୀ ବିସ୍ଫୋରଣ କରିଥିଲା ।

   Related Posts