ଜୋହାନର୍ସବର୍ଗ ୧୦।୦୨: ରବିବାର ଦିନ ଦକ୍ଷିଣ ଆଫ୍ରିକାରେ ୧୯ବର୍ଷରୁ କମ୍ ବିଶ୍ବକପ୍ କ୍ରିକେଟ ମ୍ୟାଚ୍ର ଫାଇନାଲ ଶେଷ ହୋଇଛି । ଫାଇନାଲ ମୁକାବିଲାରେ ଭାରତକୁ ବାଂଲାଦେଶ ୩ଓ୍ବିକେଟରେ ପରାସ୍ତ କରି ଚମ୍ପିଆନ୍ ହୋଇଛି । ତେବେ ଚମ୍ପିଆନ୍ ହେବା ଖୁସିକୁ ନିଜ ନିୟନ୍ତ୍ରଣରେ ରଖିପାରନ୍ତି ନାହିଁ ବାଂଲାଦେଶୀ ଖେଳାଳି । ଫିଲ୍ଡି ଓ ବ୍ୟାଟିଂ ସମୟରେ ବାଂଲାଦେଶୀ ଖେଳାଳିମାନେ ଆକ୍ରମଣାତ୍ମକ ମନୋଭାବ ଦେଖାଇଥିଲା । ବିଭିନ୍ନ ସମୟରେ ଭାରତୀୟ ଖେଳାଳିଙ୍କ ନିକଟକୁ ଆସି ଗାଲିଗୁଲଜ କରିଥିବାର ଅଭିଯୋଗ ହୋଇଛି ।
ଫାଇନାଲରେ ବିଜୟ ପରେ ଜଣେ ବାଂଲାଦେଶୀ ଖେଳାଳି ଆସି ଜଣେ ଭାରତୀୟ ଖେଳାଳିଙ୍କ ସାମ୍ନାରେ ଛିଡା ହୋଇଯାଇଥିଲା । କିନ୍ତୁ ଭାରତୀୟ ଖେଳାଳି ତାଙ୍କ ହାତରେ ଆଡେଇ ଦେଇଥିଲେ । ଏହାକୁ ନେଇ ଉଭୟଙ୍କ ମଧ୍ୟରେ ଯୁକ୍ତିତର୍କ ଦେଖାଦେଇଥିଲା , ପରେ ଫିଲ୍ଡ ଅମ୍ପାୟାର ପହଞ୍ଚି ଉଭୟଙ୍କୁ ଶାନ୍ତ କରିଦେଇଥିଲେ ।
କ୍ରିକେଟ ଏକ ଜେଣ୍ଟେଲ ମ୍ୟାନଙ୍କ ଖେଳ ବୋଲି କୁହାଯାଇଥାଏ । କିନ୍ତୁ ବାଂଲାଦେଶୀ ଖେଳାଳିଙ୍କୁ ଦେଖିଲା ଏହା ଲାଗେନାହିଁ ଯେ, କ୍ରିକେଟ ଏକ ଜେଣ୍ଟେଲ ମ୍ୟାନ୍ର ଖେଳ ବୋଲି । ଫାଇନାଲ୍ ମୁକାବିଲାରେ ବାରମ୍ବାର ବାଂଲାଦେଶୀ ବୋଲରମାନ ପ୍ରତ୍ୟେକ ବଲ୍ ପରେ ଆସି ଭାରତୀୟ ବ୍ୟାଟସମ୍ୟାନଙ୍କୁ କିଛି କହୁଥିବା ଦେଖିବାକୁ ମିଳିଥିଲା ।
ସେହିପରି ଫିଲ୍ଡି କରୁଥିବା ସମୟରେ ବାଂଲାଦେଶୀ ଖେଳାଳାମାନେ ଅନେକ ସମୟରେ ଆକ୍ରମଣାତ୍ମକ ମନୋଭାବ ଦେଖାଇଥିଲେ । ବାଂଲାଦେଶୀ ଖେଳାଳିମାନ ଭାରତୀୟ ଖେଳାଳିଙ୍କ ସମ୍ମୁଖକୁ ଯାଇ, ଗାଳିଗୁଳଜ କରିଥବା ମଧ୍ୟ ଜଣାପଡ଼ିଛି । ଶେଷରେ ନିଜ ଖେଳାଳିମାନଙ୍କର ଏପରି ଭାବନା ଦେଖି ବାଂଲାଦେଶ ଦଳ ଅଧିନାୟକ ଆକବର ଅଲି ଶେଷରେ କ୍ଷମା ମାଗିଥିଲେ ।
ସେ ନିଜର ଦଳର ଖେଳାଳିଙ୍କ ବ୍ୟବହାର ପାଇଁ ଅବଶୋଷ କରୁଛନ୍ତି ବୋଲି କହିଥିଲେ । ମ୍ୟାଚ୍ ସମୟରେ ଯାହା ହୋଇଛି ତାହା ଦୁର୍ଭାଗ୍ୟଜନକ । ଶେଷରେ ମ୍ୟାଚ୍ରେ ମୋ ଟିମ୍ର ଖେଳାଳି ଯାହା ବି କରିଛନ୍ତି ତାହା ନିନ୍ଦନୀୟ ବୋଲି କହିଛନ୍ତି ।
