ମୁମ୍ବାଇ: ଚତୁର୍ଥ ମ୍ୟାଚ୍ ଜିତି ଟି-୨୦ ସିରିଜ୍ କବଜା କଲା ଟିମ୍ ଇଣ୍ଡିଆ । ଅଧିନାୟକ ଶୁବମନ୍ ଗିଲ୍ ଓ ଯଶସ୍ରୀ ଜୟସ୍ବାଲଙ୍କ ଦୁର୍ଦ୍ଦଶ ବ୍ୟାଟିଂ ବଳରେ ୧୦ ଓ୍ବିକେଟରେ ଜିମ୍ବାଓ୍ବେ ଟିମକୁ ମାତ୍ ଦେଇଛି ଭାରତୀୟ ଦଳ । ୫ଟି ମ୍ୟାଚ୍ ବିଶିଷ୍ଟ ଟି-୨୦ ଶୃଙ୍ଖଳାରେ ୩-୧ରେ ଆଗରେ ରହିଛି ଟିମ୍ ଇଣ୍ଡିଆ । ତେବେ ରବିବାର ହରାରେ ସ୍ପୋର୍ଟ୍ସ କ୍ଲକରେ ଖେଳାଯିବ ଅନ୍ତିମ ମୁକାବିଲା । ଅପରାହ୍ଣ ସାଢ଼େ ୪ଟାରେ ପୁଣି ଥରେ ମୁହାଁମୁହିଁ ହେବେ ସିକନ୍ଦର ବାହିନୀ ଓ ଶୁବମନ ସେନା ।
ପ୍ରଥମ ଟି-୨୦ ମ୍ୟାଚରେ ଜିମ୍ବାଓ୍ବେ ଟିମ୍ ଭାରତୀୟ ଦଳକୁ ଚକମା ଦେଇଥିଲେ । ପ୍ରଥମ ମ୍ୟାଚକୁ ଜିତି ନେଇଥିଲା ଦଳ । ହେଲେ ଦ୍ବିତୀୟ ମୁକାବିଲାରେ କମ୍ବ୍ୟାକ୍ କରିଥିଲା ଶୁବମନ ସେନା । ଏହା ପରେ ଲଗାତାର ତିନେଟି ମ୍ୟାଚ୍ ସିରିଜ୍ କବଜା କରିଛି ଟିମ୍ ଇଣ୍ଡିଆ । ଆଜି ଅନ୍ତିମ ମ୍ୟାଚ୍ ଖେଳାଯିବ । ମ୍ୟାଚ୍ ଜିତି ଶୃଙ୍ଖଳାକୁ ୪-୧ କରିବାକୁ ଚେଷ୍ଟା କରିବ ଭାରତୀୟ ଦଳ । ସେପଟେ ଜିମ୍ବାଓ୍ବେ ଟିମ୍ ଏହି ମ୍ୟାଚକୁ ଜିତି ସମ୍ମାନ ରକ୍ଷା କରିବାକୁ ଚେଷ୍ଟା କରିବ । ଆଜିର ମ୍ୟାଚରେ ଟିମ୍ ଇଣ୍ଡିଆର ଚୂଡ଼ାନ୍ତ ଏକାଦଶରେ ବଡ଼ ପରିବର୍ତ୍ତନ ହୋଇପାରେ । ଯୁବ ଖେଳାଳିଙ୍କୁ ସୁଯୋଗ ମିଳିପାରେ ବୋଲି କୁହାଯାଉଛି । ଏହି ଶୃଙ୍ଖଳାରେ ଅଭିଷେକ୍ ଶର୍ମା, ରିଆନ୍ ପରାଗ୍, ତୁଷାର ଦେଶପାଣ୍ଡେ, ଧ୍ରୁବ ଜୁରେଲ୍ ଏବଂ ସାଇ ସୁଦର୍ଶନ ଡେବୁଟାଣ୍ଟ ଭାବେ ଖେଳୁଛନ୍ତି ।
ଭାରତୀୟ ସମ୍ଭାବ୍ୟ ଦଳ; ଶୁବମ୍ୟାନ୍ ଗିଲ (ଅଧିନାୟକ), ଯଶସ୍ୱୀ ଜୈସୱାଲ, ଅଭିଷେକ ଶର୍ମା, ରିୟାନ୍ ପାରାଗ, ଶିବମ୍ ଦୁବେ, ସଞ୍ଜୁ ସାମସନ୍ (ଓ୍ବିକେଟ୍ କିପର), ରିଙ୍କୁ ସିଂହ, ୱାଶିଂଟନ୍ ସୁନ୍ଦର, ରବି ବିଷ୍ଣୋୟୀ, ତୁଷାର ଦେଶପାଣ୍ଡେ, ମୁକେଶ କୁମାର..
ଜିମ୍ବାଓ୍ବେ ସମ୍ଭାବ୍ୟ ଦଳ; ୱେସଲି ମାଡେଭେର୍, ତାଡିୱାନାଶେ ମାରୁମାନି / ନିରୀହ କାୟା, ବ୍ରାଏନ୍ ବେନେଟ୍ଟ, ସିକନ୍ଦର ରଜା (ଅଧିନାୟକ), ଡିଅନ୍ ମାୟର୍ସ, ଜୋନାଥନ୍ କ୍ୟାମ୍ପବେଲ, କ୍ଲିଭ ମାଡାଣ୍ଡେ (ଓ୍ବିକେଟ୍ କିପର), ଫାରାଜ ଆକ୍ରାମ, ରିଚାର୍ଡ ନାଗାରାଭା, ଆଶୀର୍ବାଦ ମୁଜାରାବାନୀ, ତେଣ୍ଡାଇ ଚାଟାରା
