scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

IND vs NZ: ନ୍ୟୁଜ୍‌ଲାଣ୍ଡକୁ ବଡ଼ ଝଟ୍‌କା, କେଏନ୍‌ ୱିଲିୟମ୍‌ସନ୍‌ଙ୍କ ପରେ ସିରିଜ୍‌ରୁ ବାଦ୍‌ ପଡ଼ିଲେ ଏହି ଖେଳାଳି

17/11/2021 at 2:07 PM

ନୂଆଦିଲ୍ଲୀ, ୧୭/୧୧: ବୁଧବାର ୩ ମ୍ୟାଚ୍‌ ବିଶିଷ୍ଟ ଭାରତ ବିପକ୍ଷ ନ୍ୟୁଜିଲାଣ୍ଡ ଟି-୨୦ ସିରିଜ୍‌ ଆରମ୍ଭ ହେବାକୁ ଯାଉଛି । ହେଲେ ଏହା ପୂର୍ବରୁ ନ୍ୟୁଜିଲାଣ୍ଡ ଦଳକୁ ବଡ଼ ଝଟ୍‌କା ଲାଗିଛି । ଅଧିନାୟକ କେଏନ୍‌ ୱିଲିୟମ୍‌ସନ୍‌ଙ୍କ ପରେ ବର୍ତ୍ତମାନ ସ୍ପିଡ୍‌ ବୋଲର କାଇଲ୍‌ ଜେମିସନ୍‌ ମଧ୍ୟ ସିରିଜ୍‌ରୁ ବାଦ୍‌ ପଡ଼ିଛନ୍ତି । ଦୁଇ ଦଳ ମଧ୍ୟରେ ଆଜି ସନ୍ଧ୍ୟାରେ ପ୍ରଥମ ମ୍ୟାଚ୍‌ ଖେଳାଯିବ । ଜେମିସନ୍ ଟେଷ୍ଟ୍‌ ସିରିଜ୍‌ ପାଇଁ ନିଜେ ଏହି ସିରିଜ୍‌ରୁ ହଟିବାକୁ ନିଷ୍ପତ୍ତି ନେଇଛନ୍ତି । ନ୍ୟୁଜିଲାଣ୍ଡ କୋଚ୍‌ ଗାରେ ଷ୍ଟିଡ ଏନେଇ ସୂଚନା ଦେଇଛନ୍ତି ।

ଟି-୨୦ ସିରିଜ୍‌ ପରେ ନ୍ୟୁଜିଲାଣ୍ଡ ଦୁଇ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ୍ ଭାରତ ବିପକ୍ଷରେ ଖେଳିବ । ଷ୍ଟିଡ୍‌ ଏକ ବୟାନରେ କହିଛନ୍ତି ଯେ, ଆମେ କେଏନ୍‌ ୱିଲିୟମ୍‌ ସନ୍‌ ଏବଂ ଜେମିସନ୍‌ଙ୍କ ସହିତ ଆଲୋଚନା କରିବା ପରେ ନିଷ୍ପତ୍ତି ନେଇଛୁ ଯେ, ଏହି ଦୁଇ ଖେଳାଳିଙ୍କୁ ଏବେ ବିଶ୍ରାମ ଦିଆଯିବ । ଅର୍ଥାତ ଚଳିତ ସିରିଜ୍‌ରେ ସେ ଖେଳିବେ ନାହିଁ । ସେମାନେ ଟେଷ୍ଟ ସିରିଜ୍‌ ପାଇଁ ଅଭ୍ୟାସ କରିବେ । ଏଥି ସହିତ ସେ କହିଛନ୍ତି ଯେ, ଟେଷ୍ଟ ଖେଳିବାକୁ ଥିବା ଖେଳାଳିଙ୍କ ମଧ୍ୟରୁ କିଛି ଖେଳାଳି ଟି-୨୦ରେ ଭାଗ ନେଉନାହାନ୍ତି ।

ପାଞ୍ଚ ଦିନରେ ତିନିଟି ଟି-୨୦ ମ୍ୟାଚ୍ ଅନୁଷ୍ଠିତ ହେବା ଏବଂ ତିନୋଟି ଭିନ୍ନ ସହରକୁ ଯାତ୍ରା କରିବା ସହିତ ଏକ ସନ୍ତୁଳନ ରକ୍ଷା କରିବାର ଅଛି । ଏହା ବହୁତ ବ୍ୟସ୍ତ କାର୍ଯ୍ୟସୂଚୀ । ଜାମିସନଙ୍କ ପୂର୍ବରୁ ଅଧିନାୟକ କେନ୍ ୱିଲିୟମସନ ମଧ୍ୟ ଟି-୨୦ ସିରିଜରୁ ଓହରି ଯାଇଛନ୍ତି । ସେ କହିଛନ୍ତି ଯେ, ଟେଷ୍ଟ ସିରିଜ ପାଇଁ ନିଜକୁ ପ୍ରସ୍ତୁତ କରିବା ପାଇଁ ସେ ଏହି ସିରିଜରୁ ବାହାର ଯିବାକୁ ନିଷ୍ପତ୍ତି ନେଇଛନ୍ତି।

   Related Posts