AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡା:୮ ଦିନ ପରେ ବି ନବ ଦାସଙ୍କ ହତ୍ୟା ଘଟଣାରେ ପୋଲିସର ହାତ ଖାଲି
  • ||
  • ଭୂକମ୍ପରେ ଥରିଲା ତୁର୍କୀ, ରିକ୍ଟର ସ୍କେଲରେ ୭.୮ର ତ୍ରୀବତା ରେକର୍ଡ
  • ||

କମାଲ କଲେ ଉମେଶ-ଅଶ୍ୱିନ, ଦ୍ୱିତୀୟ ଟେଷ୍ଟର ପ୍ରଥମ ଇନିଂସରେ ୨୨୭ ରନରେ ସୀମିତ ବାଂଲାଦେଶ

22/12/2022 at 8:33 PM

ଢାକା: ଭାରତ ଏବଂ ବାଂଲାଦେଶ ମଧ୍ୟରେ ଟେଷ୍ଟ ସିରିଜର ଦ୍ୱିତୀୟ ତଥା ଶେଷ ମୁକାବିଲା ଢାକାର ଶେର ଏ ବାଂଲା ଷ୍ଟାଡିୟମରେ ଖେଳାଯାଉଛି । ପ୍ରଥମ ଦିନ ଖେଳ ଶେଷ ପରେ ଟିମ୍ ଇଣ୍ଡିଆ ବାଂଲାଦେଶଠାରୁ ୨୦୮ରନ ପଛରେ ରହିଛି । ଏହି ଟେଷ୍ଟ ମ୍ୟାଚର ପ୍ରଥମ ପାଳିରେ ବାଂଲାଦେଶ ୨୨୭ ରନ କରିଛି । ଏହାର ଜବାବରେ ଟିମ ଇଣ୍ଡିଆ ପ୍ରଥମ ଦିନ ଶେଷ ସୁଦ୍ଧା ବିନା କୌଣସି ୱିକେଟ୍ ହରାଇ ୧୯ ରନ କରିଛି । ଭାରତର ଦୁଇ ଓପନର ରାହୁଲ ଏବଂ ଶୁଭମନ ଗିଲ ଭାରତୀୟ ଇନିଂସକୁ ଆଗକୁ ବଢାଇବେ ।   

ଟସ ଜିତି ପ୍ରଥମେ ବ୍ୟାଟିଂ କରି ବାଂଲାଦେଶ ଭଲ ଆରମ୍ଭ କରିଥିଲା ଏବଂ ପ୍ରଥମ ୱିକେଟ୍ ପାଇଁ ନଜମୁଲ ହସନ ଏବଂ ଜାକିରଙ୍କ ମଧ୍ୟରେ ୩୯ ରନ ଭାଗିଦାରୀ ହୋଇଥିଲା । ୧୨ ବର୍ଷ ପରେ ଟେଷ୍ଟ ମ୍ୟାଚକୁ ଫେରିଥିବା ଜୟଦେବ ଉନାଦକଟ ଭାରତକୁ ପ୍ରଥମ ସଫଳତା ଦେଇଥିଲେ । ଜାକିର ହସନଙ୍କୁ ରାହୁଲଙ୍କ ହାତରେ କ୍ୟାଚ୍ ଆଉଟ୍ କରାଇଥିଲେ । ମୋମିନୁଲ ଏବଂ ଅଧିନାୟକ ସାକିବଙ୍କ ମଧ୍ୟରେ ତୃତୀୟ ୱିକେଟ ପାଇଁ ୪୩ ରନ ଭାଗିଦାରୀ ହୋଇଥିଲା । ସକିବଙ୍କ ୱିକେଟ୍ ନେଇ ଉମେଶ ଯାଦବ ଏହି ଭାଗିଦାରୀକୁ ଭାଙ୍ଗିଥିଲେ । ଏହାପରେ ବାଂଲାଦେଶ ଟିମର ନିୟମିତ ବ୍ୟବଧାନରେ ୱିକେଟ ପଡ଼ି ଚାଲିଥିଲା । ବାଂଲାଦେଶ ପକ୍ଷରୁ ମୋମିନୁଲ ସର୍ବାଧିକ ୮୪ ରନ କରିଥିଲେ । ବାଂଲାଦେଶ ୨୨୭ ରନରେ ସବୁ ୱିକେଟ ହରାଇଥିଲା ।

ଭାରତ ପକ୍ଷରୁ ଉମେଶ ଯାଦବ ଏବଂ ଅଶ୍ୱିନ ୪ଟି ଲେଖାଏଁ ୱିକେଟ୍ ନେଇଥିଲେ । ଜୟଦେବ ଉନାଦକଟଙ୍କୁ ୨ଟି ୱିକେଟ ମିଳିଥିଲା । ଭାରତ ପ୍ରଥମ ଇନିଂସରେ ଆଠ ଓଭରରେ କୌଣସି ୱିକେଟ ନ ହରାଇ ୧୯ ରନ କରିଛି।

   Related Posts