ଭଦ୍ରକ ୦୪/୦୨: ଶିକ୍ଷକଙ୍କ ଦରମା ବଢାଇବାକୁ ଲାଞ୍ଚ ନେବାବେଳେ ମୁଖ୍ୟ କିରାଣୀଙ୍କ ଭିଡିଓ ଭିଡ଼ିଓ ଭାଇରାଲ। ଏହି ଭିଡିଓରେ ଶିକ୍ଷକମାନଙ୍କର ଇନକ୍ରିମେଣ୍ଟ ବିଲ୍ ପାସ ପାଇଁ ଟଙ୍କା କିରାଣୀ ଜଣଙ୍କ ଟଙ୍କା ନିଆଯାଉଥିବା କୁହାଯାଇଛି।ଟଙ୍କା ନେଉଥିବା ବ୍ୟକ୍ତିଙ୍କ ପରିଚୟ ଧାମନଗର ନିରାକାର ବାରିକ। ସେ ଭଦ୍ରକ ଜିଲ୍ଲା ଧାମନଗର ବ୍ଲକ୍ ଶିକ୍ଷାଧିକାରୀଙ୍କ କାର୍ଯ୍ୟାଳୟରେ ମୁଖ୍ୟ କିରାଣୀ ଭାବେ କାର୍ଯ୍ୟ କରନ୍ତି।
ଖବର ଅନୁସାରେ, ନିରାକର ଧାମନଗର ବ୍ଲକର ପ୍ରାୟ ୩୦୦ ଏନପିଏସ ଶିକ୍ଷକଙ୍କ ଇନକ୍ରିମେଣ୍ଟ ପାଇଁ ୧୦୦ ଟଙ୍କା ଲେଖାଏଁ ଦାବି କରୁଥିଲେ। ଏହି ଅଭିଯୋଗ ପରେ ମଧ୍ୟ ବିଲ ହୋଇନଥିବା ଜଣାପଡ଼ିଛି। କିନ୍ତୁ ଅନ୍ୟ କିଛି ଶିକ୍ଷକଙ୍କ ଦରମା ପାସ ହୋଇଛି। ଏହି ଭିଡ଼ିଓ ରେ ଦିଆଯାଉଥିବା ଟଙ୍କା ଦରମା ପାସ ପାଇଁ ଦିଆଯାଉଥିବା କୁହାଯାଉଛି।
ଅନ୍ୟପଟେ, ଟଙ୍କା ଦେଇଥିବା ସିଆରସିସି କହିଛନ୍ତି କି, ମୁଁ ଟଙ୍କା ଦେଇଛି, କିନ୍ତୁ ଏ ଭିଡିଓ କିପରି ଭାଇରାଲ ହେଲା ମୁଁ ଜାଣିନି। ଏନେଇ ଜଣେ ଶିକ୍ଷକ ସଂଘର ସଦସ୍ୟ କହିଛନ୍ତି ଯେ, ଟଙ୍କା ନ ଦେଲେ କିଛି ହୁଏ ନାହିଁ। ସମସ୍ତ ବିଲ୍ ପାସ ପାଇଁ ବିଭିନ୍ନ ବିଭିନ୍ନ ରେଟ୍ ମଧ୍ୟ ଧାର୍ଯ୍ୟ କରାଯାଇଛି। ସେପଟେ ଟଙ୍କା ଦେଇଥିବା ଶିକ୍ଷକଙ୍କ ବିଲ୍ ବିଲ୍ ପାସ ହୋଇ ଦରମା ମିଳିଥିବା ବେଳେ ଅନ୍ୟମାନେ ଦରମା ପାଇ ନାହାନ୍ତି। ଏନେଇ ଅନ୍ୟ ଶିକ୍ଷକମାନେ ବ୍ଲକ ଶିକ୍ଷାଧିକାରୀ, ଜିଲ୍ଲା ଶିକ୍ଷାଧିକାରୀ ଓ ଜିଲ୍ଲାପାଳଙ୍କୁ ଭେଟି ଅଭିଯୋଗ କରିଛନ୍ତି। କିନ୍ତୁଏହି ଲାଞ୍ଚ ନେବା ଘଟଣାକୁ ସମ୍ପୃକ୍ତ ମୁଖ୍ୟ କିରାଣୀ ଜଣଙ୍କ ଖଣ୍ଡନ କରିଛନ୍ତି। ଏହା ସହିତ ଶିକ୍ଷକମାନେ ସଠିକ କାଗଜପତ୍ର ଦେଇ ନଥିବାରୁ ଦରମା ବିଲ ହୋଇ ପାରିନାହିଁ ବୋଲି କହିଛନ୍ତି।
