ଆଠଗଡ ୨।୬: କଟକ ଜିଲ୍ଲା ତିଗିରିଆଠାରେ ଦେଓ୍ବାନୀ ଓ ଫୌଜଦାରୀ ଅଦାଲତ ନୂତନ ଗୃହର ଶୁଭାରମ୍ଭ କରିବା ସହ ଆଠଗଡ କୋର୍ଟ ପରିସରରେ ୪ଟି କୋର୍ଟ ରୁମ ବିଶିଷ୍ଟ ନୂତନ କୋର୍ଟ ଗୃହର ଶୁଭ ଶିଳାନ୍ୟାସ କଲେ ହାଇକୋର୍ଟ ମୁଖ୍ୟ ବିଚାରପତି ଡଃ ଏସ୍ ମୁରଲୀଧର । ମୁଖ୍ୟ ବିଚାରପତିଙ୍କ ସହ ଡଃ ଜଷ୍ଟିସ୍ ବି.ଆର. ଷଡଙ୍ଗୀ ଯୋଗଦେଇଥିବା ବେଳେ ଜଷ୍ଟିସ ଏସ୍ ତାଳପତ୍ର ଭିଡିଓ କନଫରେନ୍ସିଂ ଜରିଆରେ ଯୋଡିହୋଇଥିଲେ ।

ଏହି ଅବସରରେ ଆଠଗଡ କୋର୍ଟ ପରିସରରେ ଏକ ସଭାର ଆୟୋଜନ ଅକରାଯାଇଥିଲା । ଏହି ସଭାରେ  ଅତିଥିଙ୍କ ସହ କଟକ ଜିଲ୍ଲା ଦୌରା ଜଜ୍ ସୌମେନ୍ଦ୍ର କୁମାର ରାଜଗୁର, ଆଠଗଡ ବାର୍ ସଭାପତି ଜଗଦାନନ୍ଦ ତ୍ରିପାଠୀ, ସଂପାଦକ ବନବିହାରୀ ସାହୁ ଯୋଗଦେଇଥିଲେ । ଏହି ସଭାରେ ମୁଖ୍ୟ ବିଚାରପତି ନିଜ ଅଭିଭାଷଣରେ ଆଠଗଡ କୋର୍ଟ ରାଜ୍ୟର ସର୍ବପୁରାତନ କୋର୍ଟ ସହ ଏହି କୋର୍ଟର ଭିତ୍ତିଭୂମି ଉନ୍ନତି କରାଯାଇ ରାଜ୍ୟର ଏହା ଏକ ମଡେଲ କୋର୍ଟରେ ପରିଣତ ହେବ । ଏହି  କୋର୍ଟ ଜନସାଧାରଣଙ୍କ ଟଙ୍କାରେ ନିର୍ମାଣ ହେଉଥିବାରୁ ସାଧାରଣ ଜନତା କିଭଳି ଶୀଘ୍ର ନ୍ୟାୟ ପାଇପାରିବେ ସେଥିପ୍ରତି ଦୃଷ୍ଟି ଦେବାପାଇଁ ଓକିଲମାନଙ୍କୁ ପରାମର୍ଶ ଦେଇଥିଲେ ।

ନ୍ୟାୟିକ ବ୍ୟବସ୍ଥାରେ ଯୁବ, ମହିଳା ଆଇନଜିବୀମାନଙ୍କୁ ଯୋଡିବା ସହ ବାର୍ ପକ୍ଷରୁ ସେମାନଙ୍କୁ ପ୍ରଶିକ୍ଷଣ ଦିଆଯାଇ ଆଜିର ସମୟରେ ପେପର ଲେସ୍ କୋର୍ଟ ମାଧ୍ୟମରେ କରିବା ପାଇଁ କହିଥିଲେ । ୮କୋଟିରୁ ଉର୍ଦ୍ଧ୍ବ ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା କୋର୍ଟରେ ୪ଟି କୋର୍ଟ ଗୃହ, ଲାଇବ୍ରେରୀ, ବାର୍ ହଲ୍, କ୍ୟାଣ୍ଟିନର ବ୍ୟବସ୍ଥା ସହ ଏହି ଆଗାମୀ ଦିନରେ ରାଜ୍ୟର ଏକ ମଡେଲ କୋର୍ଟ ହେବ ବୋଲି ବାର୍ ସଭାପତି କହିଛନ୍ତି ।

You Can Read :