ଭୁବନେଶ୍ଵର: ନୂଆ ବର୍ଷରେ ନୂଆ ପୋଲିସ ମୁଖିଆ ପାଇବ ରାଜ୍ୟ । ଡିସେମ୍ବରରେ ଶେଷ ହେଉଛି ପୋଲିସ ଡିଜି ସୁନୀଲ ବଂଶଲଙ୍କ କାର୍ଯ୍ୟକାଳ । ତାଙ୍କ ପରେ କିଏ ହେବ ଓଡ଼ିଶାର ନୂଆ ପୋଲିସ ଡିଜି ତାକୁ ନେଇ ପାଓ୍ବାର କରିଡରରେ ଜୋରଦାର ଚର୍ଚ୍ଚା । ନିୟମ ଅନୁସାରେ ଡିଜି ପଦବୀ ପାଇଁ ୭ଜଣ ଆଇପିଏସ୍ ଅଫିସରଙ୍କ ନାଁ ସୁପାରିଶ କରିଛନ୍ତି ରାଜ୍ୟ ସରକାର ।
ନୂଆ ବର୍ଷରେ ନୂଆ ପୋଲିସ ଡିଜି । ଡିସେମ୍ବର ୩୧ ରେ ଶେଷ ହେବାକୁ ଯାଉଛି ପୋଲିସ ଡିଜି ସୁନୀଲ ବଂଶଲଙ୍କ କାର୍ଯ୍ୟକାଳ । ତାଙ୍କ ପରେ ନୂଆ ପୋଲିସ ଡିଜି କିଏ ହେବ ତାକୁ ନେଇ ପାୱାର କରିଡ଼ରରେ ଜୋରଦାର ଚର୍ଚ୍ଚା । କେନ୍ଦ୍ର ସରକାରଙ୍କ ନିୟମ ଅନୁସାରେ ରାଜ୍ୟ ସରକାର ନୂଆ ପୋଲିସ ଡିଜିଙ୍କ ପାଇଁ ୭ ଜଣଙ୍କ ନାଁ ସୁପାରିଶ କରିଛନ୍ତି । ବି ରାଧୀକା , ଏ. ଏମ. ପ୍ରସାଦ, ୱାଇ.ବି ଖୁରାନିଆ, ଏସ ଏମ ନରଓ୍ବଣେ,ଅରୁଣ ରାୟ, ଅରୁଣ ଷଡ଼ଙ୍ଗୀ ଓ ସୁଧାଂଶୁ ଷଡ଼ଙ୍ଗୀଙ୍କ ନାଁ କେନ୍ଦ୍ରକୁ ସୁପାରିଶ କରିଛନ୍ତି ରାଜ୍ୟ ସରକାର ।
wp:heading {"level":4}ଅଧିକ ପଢନ୍ତୁ- ଘର ଓ ଜାଗା ବିକ୍ରି ନାଁରେ ଠକେଇ ଅଭିଯୋଗ, ଅଭିଯୁକ୍ତ ମା’-ପୁଅ ଗିରଫ
/wp:headingବି.ରାଧୀକା ହେଉଛନ୍ତି ୧୯୮୯ର ବ୍ୟାଚର ଆଇପିଏସ୍ ଅଫିସର । ଏବେ ସେ କେନ୍ଦ୍ରୀୟ ଡେପୁଟେସନରେ ଅଛନ୍ତି । ସ୍ବତନ୍ତ ସଶନ୍ତ୍ର ବଳର ଅତିରିକ୍ତ ଡିଜି ଅଛନ୍ତି । ଏ ଏମ ପ୍ରସାଦ ମଧ୍ୟ ୧୯୮୯ ବ୍ୟାଚର ଆଇପିଏସ ଅଫିସର । ଏବେ ସେ ଜେଲ ଡିଜି ଭାବେ କାର୍ଯ୍ୟରତ ଅଛନ୍ତି । ଓ୍ବାବି ଖୁରାନିଆ ହେଉଛନ୍ତି ୧୯୯୦ ବ୍ୟାଚର ଆଇପିଏସ ଅଫିସର । ଏବେ ସେ ବିଏସଏଫର ଇଷ୍ଟର୍ଣ୍ଣ କମାଣ୍ଡର ଅତିରିକ୍ତ ଡିଜି ଦାୟିତ୍ବରେ ଅଛନ୍ତି। ଏସ ଏମ ନରଓ୍ବଣେ ହେଉଛନ୍ତି ୧୯୮୯ ବ୍ୟାଚର ଆଇପିଏସ ଅଫିସର । ଏବେ ସେ ଗୃହ ବିଭାଗର ଓଏସଡି ଭାବେ କାର୍ଯ୍ୟରତ ଅଛନ୍ତି । ଅରୁଣ ରାୟ ହେଉଛନ୍ତି ୧୯୮୮ ବ୍ୟାଚର ଆଇପିଏସ ଅଫିସର । ସେ ଏବେ ପ୍ରିଣ୍ଟିଂ ଓ ପବ୍ଲିକେସନ ବିଭାଗର ନିର୍ଦେଶକ ଭାବେ କାମ କରୁଛନ୍ତି। ଅରୁଣ ଷଡଙ୍ଗୀ ହେଉଛନ୍ତି ୧୯୯୦ ବ୍ୟାଚର ଆପିଏସ ଅପିସର । ସେ ଏବେ ବିଜୁ ପଟ୍ଟନାୟକ ପୋଲିସ ଟ୍ରେନିଂ ଏକାଡେମୀର ନିର୍ଦେଶକ ଭାବେ କାମ କରୁଛନ୍ତି। ସୁଧାଂଶୁ ଷଡ଼ଙ୍ଗୀ ହେଉଛନ୍ତି ୧୯୯୦ ବ୍ୟାଚର ଆଇପିଏସ ଅଫିସର । ସେ ଏବେ ଅଗ୍ନିଶମ ଓ ହୋମ ଗାର୍ଡ ବିଭାଗର ଡିଜି ଅଛନ୍ତି ।
ଆସନ୍ତା ଡିସେମ୍ବର ପ୍ରଥମ ସପ୍ତାହରେ କେନ୍ଦ୍ର ସରକାରଙ୍କ ଦ୍ବାରା ଗଠିତ ପ୍ୟାନେଲ ସହିତ ମୁଖ୍ୟଶାସନ ସଚିବ , ଗୃହ ସଚିବ ଏବଂ ଡିଜିଙ୍କ ବୈଠକ ବସିବ । ଏହା ପରେ ଏହି ୭ ଜଣଙ୍କ ଭିତରୁ କେନ୍ଦ୍ର ସରକାର ଡିଜି ପଦବୀ ପାଇଁ ତିନି ଜଣଙ୍କ ନାମ ସୁପାରିଶ କରିବେ । ସେହି ତିନି ଜଣଙ୍କ ଭିତରୁ ରାଜ୍ୟ ସରକାର ଜଣଙ୍କୁ ଓଡ଼ିଶାର ପୋଲିସ ଡିଜି ଭାବେ ମନୋନୀତ କରିବେ ।
