କୋଲକାତା: କେନ୍ଦ୍ର ସଡ଼କ ପରିବହନ ଏବଂ ରାଜମାର୍ଗ ମନ୍ତ୍ରୀ ନିତିନ ଗଡକରୀ ଗୁରୁବାର ପଶ୍ଚିମବଙ୍ଗର ସିଲିଗୁଡିରେ ଏକ କାର୍ଯ୍ୟକ୍ରମ ସମୟରେ ହଠାତ ଅସୁସ୍ଥ ହୋଇଯାଇଥିଲେ । ତତ୍କାଳରେ ତାଙ୍କୁ ଗୋଟିଏ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କର ପ୍ରାଥମିକ ଚିକିତ୍ସା କରାଇଥିଲେ। କେନ୍ଦ୍ରମନ୍ତ୍ରୀ ଗଡକରୀ ବର୍ତ୍ତମାନ ପଶ୍ଚିମବଙ୍ଗ ଗସ୍ତରେ ଅଛନ୍ତି । ଏଠାରେ ଅନେକ ପ୍ରକଳ୍ପର ଶିଳାନ୍ୟାସ କରିଛନ୍ତି ।
ପଶ୍ଚିମବଙ୍ଗ ବିଜେପି ବିଧାୟକ ନୀରଜ ଜିମ୍ପା କହିଛନ୍ତି, ନିତିନ ଗଡକରୀଙ୍କ ସ୍ୱାସ୍ଥ୍ୟ ହଠାତ ଖରାପ ହୋଇଥିଲା । କାର୍ଯ୍ୟକ୍ରମ ଶେଷ ହେବା ପରେ ତାଙ୍କ ସ୍ୱାସ୍ଥ୍ୟ ଠିକ ଲାଗୁ ନଥିବା କେନ୍ଦ୍ରମନ୍ତ୍ରୀ କହିଥିଲେ । ଡାକ୍ତରୀ ଟିମ ତାଙ୍କ ଚିକିତ୍ସା କରାଇଥିଲେ । ପରେ ସେ ନିଜ ଗାଡିରେ ବସି ଚାଲିଯାଇଥିଲେ।
ଅଧିକାରୀଙ୍କ ସୂଚନା ଅନୁସାରେ, ସ୍ୱାସ୍ଥ୍ୟ ଖରାପ ହେବା ପରେ କେନ୍ଦ୍ରମନ୍ତ୍ରୀ ଗଡକାରୀ ଡାର୍ଜଲିଂ ସାଂସଦ ରାଜୁ ବିସ୍ତାଙ୍କ ସହ ତାଙ୍କ ବାସଭବନକୁ ଯାଇଥିଲେ। ସାଂସଦ ବିସ୍ତା ମଧ୍ୟ କାର୍ଯ୍ୟକ୍ରମରେ ଉପସ୍ଥିତ ଥିଲେ।
