ନୂଆଦିଲ୍ଲୀ: ବଦଳିବ ଭାରତୀୟ କ୍ରିକେଟ୍ ଦଳର କିଟ୍ ସ୍ପୋନସର। ନୂତନ ବର୍ଷରେ ପୋଷାକର ବ୍ରାଣ୍ଡ ‘କିଲର’ ଭାରତୀୟ କ୍ରିକେଟ୍ ଦଳର କିଟ୍ ସ୍ପୋନସର ବା ପ୍ରାୟୋଜକ ସାଜିଥିଲା। ଏମପିଏଲର ଜାଗା ନେଇଥିଲା କିଲର। ତେବେ ଏହାର କିଛି ସପ୍ତାହ ପରେ ଭାରତୀୟ ଜର୍ସିର ସ୍ପୋନସରକୁ ନେଇ ଆସିଛି ବଡ ଖବର। କୁହାଯାଉଛି ପ୍ରସିଦ୍ଧ ବ୍ରାଣ୍ଡ ଆଦିଦାସ ‘କିଲର’ର ସ୍ଥାନ ନେବ। ଏ ନେଇ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ(ବିସିସିଆଇ) ଆଦିଦାସ ସହ ମୋଟା ଅଙ୍କର ଚୁକ୍ତିନାମା କରିଛି। ଉଲ୍ଲେଖନୀୟ ଆଦିଦାସ୍ କମ୍ପାନି କ୍ରୀଡା ସାମଗ୍ରୀ ନିର୍ମାଣ ପାଇଁ ସମଗ୍ର ଦୁନିଆରେ ଚର୍ଚ୍ଚିତ।
ରିପୋର୍ଟ ଅନୁଯାୟୀ, ଆଦିଦାସ ଚଳିତ ବର୍ଷ ଜୁନରୁ କିଲରର ସ୍ଥାନ ନେବ। ଏଥିପାଇଁ ବିସିସିଆଇ ଏବଂ ଆଦିଦାସ ମଧ୍ୟରେ ପାଞ୍ଚ ବର୍ଷିଆ ଚୁକ୍ତିନାମା ହୋଇଛି। ବିସିସିଆଇର ଜନୈକ ଅଧିକାରୀ କହିଛନ୍ତି, ଏହି ସଂକ୍ରାନ୍ତିୟ ପ୍ରକ୍ରିୟାକୁ ଚୂଡାନ୍ତ ରୂପ ଦିଆଯାଉଛି। ଉଲ୍ଲେଖଯୋଗ୍ୟ, ଅଧିନାୟକ ରୋହିତ ଶର୍ମା ଏବଂ ଋଷଭ ପନ୍ତ ପରି କ୍ରିକେଟ୍ର ଆଦିଦାସର ବ୍ରାଣ୍ଡ ଆମ୍ବାସଡର ଅଛନ୍ତି। ଏହି କମ୍ପାନି ଆଇପିଏଲରେ ମୁମ୍ବାଇ ଇଣ୍ଡିଆନ୍ସ ଏବଂ ଇଂଲଣ୍ଡ ପରି ଦଳର କିଟ୍ ସ୍ପୋନସର ରହି ସାରିଛି।
wp:heading {"level":4}ଏ ଖବର ପଢନ୍ତୁ- ଏହି ଦୁଇ ଦଳ ମଧ୍ୟରେ ଖେଳା ଯାଇପାରେ WTCର ଫାଇନାଲ୍ ମ୍ୟାଚ୍, ସଙ୍କେତ ଦେଲା ICC
/wp:headingକିଲର ସେତେ ଅଧିକ ଲୋକପ୍ରିୟ ବ୍ରାଣ୍ଡ ନୁହେଁ। ଏହା ସତ୍ତ୍ଵେ ବି ଭାରତୀୟ କ୍ରିକେଟ୍ ଦଳର କିଟ୍ ସ୍ପୋନସର ହେବା ନେଇ ପ୍ରଶ୍ନ ଉଠୁଥିଲା। ପୁଣି ଏମପିଏଲ ନିକଟରେ ୨୦୨୩ ଡିସେମ୍ବର ପର୍ଯ୍ୟନ୍ତ କିଟ୍ ସ୍ପୋନସର ହେବାର ଅଧିକାର ଥିଲା। କିନ୍ତୁ ଏହି ସଂସ୍ଥା ନିଜର ଚୁକ୍ତିନାମା ସଂପୂର୍ଣ୍ଣ କରିନଥିଲା। କିଲର ଏବଂ ଏମପିଏଲ ପୂର୍ବରୁ ନାଇକି ଭାରତୀୟ କ୍ରିକେଟ୍ ଦଳର କିଟ୍ ସ୍ପୋନସର ଥିଲା। ନାଇକି ୧୪ ବର୍ଷ କିଟ୍ ସ୍ପୋନସର ରହିବା ପରେ ୨୦୨୦ରେ ନିଜର ଚୁକ୍ତିନାମା ସମାପ୍ତ କରିଥିଲା। ନାଇକି ସହିତ ଚୁକ୍ତି ସରିବା ପରଠୁ ବିସିସିଆଇ ଏକ ପ୍ରସିଦ୍ଧ କିଟ୍ ସ୍ପୋନସରଙ୍କ ସନ୍ଧାନରେ ଥିଲା, ଯାହା ଏବେ ପୂରା ହେବାକୁ ଯାଉଛି।
