ନୂଆଦିଲ୍ଲୀ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ବିଜେଟ୍ ଉପସ୍ଥାପନ କରିଛନ୍ତି । ନିଜର ବଜେଟ୍ ଭାଷଣାରେ ଅର୍ଥମନ୍ତ୍ରୀ ଶିକ୍ଷା, ରୋଜଗାର ଏବଂ ଦକ୍ଷତା ବିକାଶ ଉପରେ ଅନେକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି । ଅର୍ଥମନ୍ତ୍ରୀ କହିଛନ୍ତି ୭୪୦ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ପାଇଁ ଆସନ୍ତା ତିନି ବର୍ଷରେ ୩୮,୦୦୦ ଶିକ୍ଷକ ଏବଂ ସହାୟକଙ୍କୁ ନିଯୁକ୍ତି ଦିଆଯାଇଛି । ଏହି ସ୍କୁଲ ଗୁଡିକ ଜରିଆରେ ୩.୫ ଲକ୍ଷ ଆଦିବାସୀ ଛାତ୍ରଛାତ୍ରୀଙ୍କୁ ଶିକ୍ଷା ପ୍ରଦାନ କରାଯାଉଛି । ଏହାଛଡା ଶିଶୁ ଏବଂ କିଶୋରଙ୍କ ପାଇଁ ନ୍ୟାସନାଲ ଡିଜିଟାଲ ଲାଇବ୍ରେରୀର ପ୍ରତିଷ୍ଠା ନେଇ ଘୋଷଣା କରିଛନ୍ତି ।

ବଜେଟର ଘୋଷଣା

• ସରକାରଙ୍କ ଦ୍ୱାରା ୨୦୧୪ରୁ ବର୍ତ୍ତମାନ ସୁଦ୍ଧା ୧୫୭ଟି ମେଡିକାଲ କଲେଜ ପ୍ରତିଷ୍ଠା କରାଯାଇଛି ଏହାସହ 175 ନୂଆ ନର୍ସିଂ କଲେଜ ପ୍ରତିଷ୍ଠା କରାଯିବ ।
• ମେଡିକାଲ ଶିକ୍ଷାରେ ମଲ୍ଟି-ଡିସିପ୍ଲିନରୀ ଅଧ୍ୟୟନ ପାଇଁ ଉପକରଣର ବ୍ୟବସ୍ଥା କରାଯିବ ।
• ଶିକ୍ଷକ ପ୍ରଶିକ୍ଷଣ ପାଇଁ ଆସନ୍ତା ବର୍ଷ ସୁଦ୍ଧା ଆଧୁନିକ ଶିକ୍ଷକ ଟ୍ରେନିଂ ସେଣ୍ଟର ଖୋଲାଯିବ ।
• ଦେଶର ଶୀର୍ଷ ଶିକ୍ଷାନୁଷ୍ଠାନରେ ତିନିଟି ଏକ୍ସିଲେନ୍ସି ଫର ଆର୍ଟିଫିସିଆଲ ଇଣ୍ଟେଲିଜେନ୍ସି ସେଣ୍ଟର ଖୋଲାଯିବ ।
• ଦେଶର ୭୪୦ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟରେ ୩୮ ହଜାର ଶିକ୍ଷକ ଏବଂ ସହାୟକଙ୍କୁ ନିଯୁକ୍ତି ଦିଆଯିବ ।
• ଶିଶୁ ଏବଂ କିଶୋରଙ୍କ ପାଇଁ ନ୍ୟାୟନାଲ ଡିଜିଟାଲ ଲାଇବ୍ରେରୀ ପ୍ରତିଷ୍ଠା କରାଯିବ ।
• ଆସନ୍ତା ତିନି ବର୍ଷରେ ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନା ୪.୦ର ଆରମ୍ଭ କରାଯିବ ।
• ୟୁନିଫାଇଡ୍ ଡିଜିଟାଲ ଇଣ୍ଡିଆ ପ୍ଲାଟଫର୍ମର ପ୍ରତିଷ୍ଠା ସହ ଦକ୍ଷତା ବିକାଶକୁ ଗତି ମିଳିବ ।
• ନ୍ୟାସନାଲ ଆପ୍ରେଣ୍ଟିସଶିପ ଟ୍ରେନିଂ ଯୋଜନା ଆରମ୍ଭ କରାଯିବ ।
• ଆର୍ଥିକ ବର୍ଷ ୨୦୨୩-୨୪ରେ ସରକାର ଆଦିବାସୀଙ୍କ ପାଇଁ ବିଶେଷ ସ୍କୁଲ ପାଇଁ ୧୫ ହଜାର କୋଟି ଟଙ୍କାର ପ୍ରାବଧାନ ରହିଛି ।
• ସିଭିଲ ସେବକ ଏବଂ ସରକାରୀ କର୍ମଚାରୀଙ୍କ ମଧ୍ୟରେ କୌଶଳ ବିକାଶର ବଢାଇବା ପାଇଁ ଅନଲାଇନ ଟ୍ରେନିଂ କାର୍ଯ୍ୟକ୍ରମ ଆରମ୍ଭ କରାଯିବ ।