ବ୍ରହ୍ମପୁର୧୩|୧: ବ୍ରହ୍ମପୁର ସହରରେ ଛତୁ ଫୁଟିବା ଭଳି ଶିକ୍ଷାନୁଷ୍ଠାନ ଖୋଲିଛି । ଶିକ୍ଷାଦାନ ନାଁରେ ସବୁ ନିୟମ କାନୁନ୍କୁ ଆଖିଠାର ମାରି ଚାଲିଛି ବେପାର । କୁନି କୁନି ପିଲାଙ୍କ ଜୀବନକୁ ବାଜି ଲଗାଇ ରାଜପଥ କଡ଼ରେ ଖୋଲିଛି ଶହ ଶହ ସ୍କୁଲ୍ । ବିନା ଏନଓସିରେ ଚାଲିଛି ଅଧିକାଂଶ ଶିକ୍ଷାନୁଷ୍ଠାନ । ହେଲେ ଗୋଟେ ଅଧେ ଶିକ୍ଷାନୁଷ୍ଠାନ ବିରୋଧରେ ଆକ୍ସନ ନେଇ ଚୁପ୍ ବସିପଡ଼ିଛି ଜିଲ୍ଲା ପ୍ରଶାସନ ।
{"id":73470}ଦକ୍ଷିଣ ଓଡ଼ିଶାରେ ଶିକ୍ଷା ଓ ବ୍ୟବସାୟର ଏନ୍ତୁଡ଼ିଶାଳ କୁହାଯାଉଥିବା ବ୍ରହ୍ମପୁର ସହରରେ ଚାଲିଛି ପ୍ରାୟ ୨୫୦ ବେସରକାରୀ ଶିକ୍ଷାନୁଷ୍ଠାନ । ଶିକ୍ଷାଦାନ ନାଁରେ ସବୁ ନିୟମ କାନୁନ୍କୁ ଆଖି ଠାର ମାରି ବେଧଡ଼କ ଚାଲିଛି ବେପାର । ପ୍ରାୟ ଅଧିକାଂଶ ସ୍କୁଲର ଏନଓସି ନାହିଁ । ସେଥିମଧ୍ୟରୁ ଜାତୀୟ ଓ ରାଜ୍ୟ ରାଜପଥ କଡ଼କୁ ଲାଗି ରହିଛି ଅନେକ ସ୍କୁଲ । ପ୍ରତି ମୁହୂର୍ତ୍ତରେ ଜୀବନକୁ ବାଜି ଲଗାଇ ରାସ୍ତା ପାରି ହେଉଛନ୍ତି କୁନି କୁନି ପିଲା । ହେଲେ ନା’ ଜିଲ୍ଲା ଶିକ୍ଷାଧିକାରୀ ନା’ ଜିଲ୍ଲା ପ୍ରଶାସନ କାହାରି ନିଘା ନାହିଁ । ଏଠି ଛାତ୍ରଛାତ୍ରୀଙ୍କ ଭବିଷ୍ୟତକୁ ନେଇ ଖେଳ ଖେଳାଯାଉଛି । ଏମିତିରେ କେବଳ ଗୋଟେ ଅଧେ ସ୍କୁଲ ବିରୋଧରେ ଅଧପନ୍ତରିଆ ଆକ୍ସନ ନେଇ ଚୁପ୍ ବସିପଡ଼ିଛନ୍ତି ସରକାରୀ ବାବୁମାନେ ।
{"id":73471}ଖାଲି ଏଇ ଗୋଟିଏ ସ୍କୁଲ ନୁହେଁ, ସରକାରଙ୍କ ସବୁ ନିୟମକୁ ବେଖାତିର କରି ବ୍ରହ୍ମପୁର ସହରରେ ଏମିତି ଅନେକ ସ୍କୁଲ, କଲେଜ ଚାଲିଛି । ଯାହାକୁ ଖୋଦ୍ ଜିଲ୍ଲା ଶିକ୍ଷାଧିକାରୀ ବି ସ୍ବିକାର କରୁଛନ୍ତି । ହେଲେ ପଚାରିଲା ବେଳକୁ ମିଳୁଛି ସେଇ ଚିରାଚରିତ ଉତ୍ତର, ଖୁବ୍ ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
{"id":73472}ଯେମିତିକି ଗୋଟେ ବଡ଼ ଦୁର୍ଘଟଣା ନଘଟିଲେ ଆକ୍ସନକୁ ଆସେନି ଆମ ପ୍ରଶାସନ, ସେଇ ନ୍ୟାୟରେ ସବୁ କିଛି ଚାଲିଛି । କାହିଁକି ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ନିଆଯାଇନି ତା’ର ଉତ୍ତର ଦେବା ବଦଳରେ କ୍ୟାମେରା ଆଗରେ ଖୁବ୍ ଶୀଘ୍ରର ଟ୍ୟାଗ୍ ଦେବାକୁ ଜମାରୁ ବି ଭୁଲନ୍ତିନି ଆମର ସରକାରୀ ବାବୁମାନେ । ତେବେ ସେ ଖୁବ୍ ଶୀଘ୍ରଟା କେବେ, ତା ଉପରେ ବି ରହିବ ଆମର ନଜର ।
{"id":73473}![](https://www.prameyanews7.com/wp-content/uploads/2019/01/vlcsnap-2019-01-13-15h30m52s261.jpg)