କଳାହାଣ୍ଡି ୯|୧୧:  ବେଆଇନ ବାଲି ଚାଲଣ ବେଳେ ୯ଟି ଟ୍ରାକ୍ଟର ଜବତ । କଳାହାଣ୍ଡି ଜିଲ୍ଲା କଲମପୁର କରମେଲ ନଦୀ ପଠାରୁ ବେଆଇନ ବାଲି ଚାଲଣ ବେଳେ ୯ଟି ଟ୍ରାକ୍ଟରକୁ ଜବତ କରିଛନ୍ତି ସ୍ଥାନୀୟ ପୋଲିସ ଓ ତହସିଲ କର୍ମଚାରୀ । ପ୍ରତିଦିନ କଲମପୁର ବ୍ଲକ ହାତୀ ନଦୀର କରମେଳି, ବିରିପୁର, ପାତ୍ରବସା ନଦୀ ଘାଟରୁ ପ୍ରତିଦିନ ଶହ ଶହ ଟ୍ରିପ୍  ବାଲି ଚୋରା ଚାଲାଣ କରାଯାଉଛି । ପ୍ରତିବର୍ଷ ସରକାର ଘାଟ ନିଲାମ ପ୍ରକ୍ରିୟା କରୁଛନ୍ତି କିନ୍ତୁ ମାଫିଆମାନେ ଜାଣି ଶୁଣି ଟେଣ୍ଡର ପ୍ରକ୍ରିୟାରେ ଭାଗ ନେଉ ନାହାଁନ୍ତି । ଫଳରେ ବାଲି ଘାଟ ନିଲାମ ହୋଇ ପାରୁନାହିଁ । ଯାହାର ସୁଯୋଗ ନେଇ ବିନା ରାଜସ୍ବରେ ବାଲି ମାଫିଆ ମାନେ ଶହ ଶହ ଟ୍ରିପ୍  ବାଲି ଚାଲାଣ କରୁଛନ୍ତି ।