ଆଠଗଡ ୨।୧୦: ବାଣ ଭିଡି଼ ୨୫ ବର୍ଷ ପୂର୍ବେ ହରାଇଥିଲେ ହାତ, ଏବେ ବାଣ ଭିଡି଼ ହୋଇଛନ୍ତି ଗିରଫ । ବାଣ ଭିଡ଼ି ଘରେ ରଖିଥିବା ବେଳେ ପୋଲସ ହାତରେ ଧରାପଡିଛନ୍ତି । କଟକ ଜିଲ୍ଲା ପୁରୁଣା ତିଗିରିଆ ଗାଁରେ ଚଢାଉ କରି ଜଣକୁ ଗିରଫ କରିଛି ପୋଲିସ ।
କଟକ ତିଗିରିଆ ଥାନା ପୁରୁଣା ତିଗିରିଆରେ ଦୀର୍ଘ ବର୍ଷ ଧରି ଚାଲିଛି ବେଆଇନ ଚୋରା ବାଣ ତିଆରି । ତିଗିରିଆ ପୋଲିସ ପକ୍ଷରୁ ପୁରୁଣା ତିଗିରିଆ ଗାଁରେ ଚଢାଉ କରି ବିପୁଳ ପରିମାଣର ବାଣ ଜବତ କରିବା ସହ ଅଭିଯୁକ୍ତ ଗିରଫ କରିଛି ପୋଲିସ । ଗିରଫ ଜଣକ ହେଲେ ପୁରୁଣା ତିଗିରିଆର ଶରତ ସ୍ବାଇଁ । ବାଣର ମୂଲ୍ୟ ଆନୁମାନିକ ୨ ଲକ୍ଷ ଟଙ୍କା ହେବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି ।
ଦୀର୍ଘଦିନ ଧରି ଗାଁରେ ଖୁଲମ ଖୁଲା ବେଆଇନ ବାଣ ପ୍ରସ୍ତୁତ ହେଉଥିବା ଅଭିଯୋଗ ହୋଇଥିଲା । ଯାହା ଫଳରେ ବିଭିନ୍ନ ସ୍ଥାନରେ ବାଣ ବିସ୍ଫୋରଣ ପରେ ତିଗିରିଆ ପୋଲିସ ଜୋରଦାର ଚଢାଉ କରିଛି ।
You Can Read:
