ନୂଆଦିଲ୍ଲୀ: ଭାରତ ସରକାରଙ୍କ ପୁଣି ଥରେ ଡିଜିଟାଲ୍ ଷ୍ଟ୍ରାଇକ୍ । ୨୩୨ ବେନାମୀ ମୋବାଇଲ୍ ଆପ୍ଲିକେସନ୍ ବ୍ୟାନ୍‌ । ବେଟିଂ ଓ ଲୋନ୍ ଆପ୍‌ର ଉପରେ କଟକଣା ଲାଗିଛନ୍ତି ଭାରତ ସରକାର । ଏଥିରେ ୧୩୮ଟି ବେଟିଂ ଏବଂ ୯୪ଟି ଋଣ କାରବାର ଆପ୍ଲିକେସନ ରହିଥିବା ଜଣାପଡ଼ିଛି । ଏହି ଅପ୍ ଗୁ଼ଡ଼ିକ ସହିତ ଚୀନ୍‌ର କନେକସ୍‌ନ ଥିବାରୁ ସରକାର କାର୍ଯ୍ୟାନୁଷ୍ଠାନ ନେଇଛନ୍ତି ।

ସୂଚନା ଅନୁଯାୟୀ, ଏହି ଆପ୍ଲିକେସନ ଗୁଡ଼ିକର ଚୀନ୍ ସହିତ ପ୍ରତ୍ୟକ୍ଷ ବା ପରୋକ୍ଷ ଭାବେ ସମ୍ବଦ୍ଧ ରହିଛି । ଗୃହ ମନ୍ତ୍ରାଳୟ ଏହି ୨୩୨ ଆପ୍‌କୁ ଜରୁରୀକାଳୀନ ସ୍ଥିତିରେ ବ୍ଲକ୍ କରିବାକୁ ଅର୍ଥନୈତିକ ଓ ସୂଚାନ ପ୍ରସାରଣ ମନ୍ତ୍ରଣାଳୟକୁ ନିର୍ଦ୍ଦେଶ ଦେଇଛନ୍ତି । ଆଇଟି ଆକ୍ଟ ୬୯ ଆଧାରରେ ସମସ୍ତ ଆପ୍ଲିକେସନକୁ ବ୍ୟାନ କରାଯାଇଛି । ରାଷ୍ଟ୍ରୀୟ ସୁରକ୍ଷା ଦିଗରେ ଏହି ଆପ୍ ଗୁଡ଼ିକ ବିପଦ ବଢ଼ାଉଥିଲେ ।

ଏହି ଆପ୍ଲିକେସନ ଗୁଡ଼ିକ ସ୍ମାର୍ଟଫୋନରେ ଡାଉନଲୋଡ୍ ପାଇଁ ପ୍ଲେ-ଷ୍ଟୋର ଉପଲବ୍ଧ ନଥିଲେ ମଧ୍ୟ ଥାର୍ଡ ପାର୍ଟି ଲିଙ୍କ୍ ମାଧ୍ୟମରେ ଡାଉନଲୋଡ୍ କରି ହେଉଛି । କୌଣସି ସୋସିଆଲ୍ ମିଡିଆ ସାଇଟ୍‌ରେ ମଧ୍ୟ ଗେମ୍ ଖେଳି ହେଉଛି । ଏହାରି ମାଧ୍ୟମରେ କ୍ରିପ୍ଟୋକରେନ୍ସିରେ ପେମେଣ୍ଟ କରି ହେଉଥିଲା । MIBର ସୂଚନା ମୁତାବକ, ଭାରତରେ ଅଧିକାଂଶ ରାଜ୍ୟରେ ବେଟିଂ ଓ ଗାମ୍ବଲିଂ ବେଆଇନ ଘୋଷଣା କରାଯାଉଛି । ଏଗୁଡ଼ିର ବିଜ୍ଞାପନ ଉପରେ ମଧ୍ୟ ପ୍ରତିବନ୍ଧକ ଲଗାଯାଇଛି ।

ଓଡ଼ିଶା, ତେଲଙ୍ଗାନା ଓ ଉତ୍ତର ପ୍ରଦେଶ ଆଦି ରାଜ୍ୟକୁ ଏହି ଆପ୍ଲିକେସନ୍ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଭାରତୀୟ ଗୁଇନ୍ଦା ଏଜେନ୍ସି କହିଥିଲା । ଏହା ପୂର୍ବରୁ ଗୃହ ମନ୍ତ୍ରଣାଳୟ ୨୮ଟି ଚୀନ୍ ଆପ୍‌କୁ ନେଇ ବିଶ୍ଳେଷଣ କରିଥିଲା । ଏଥିରେ ୯୪ଟି ଆପ୍ଲିକେସନ୍ ଥାର୍ଡ ପାର୍ଟି ଲିଙ୍କ୍ ମାଧ୍ୟମରେ କାମ କରୁଥିବା ଜାଣିବାକୁ ପାଇଥିଲେ ।