କେଜ୍ରିୱାଲଙ୍କ ସହ ହୋଟେଲରେ ହୋଇଥିଲା ବୈଠକ, ୫୦ କୋଟି ଟଙ୍କା ଦେଇଥିଲି: ସୁକେଶ ଚନ୍ଦ୍ରଶେଖର

Published By : Prameya-News7 Bureau | November 05, 2022 IST

ନୂଆଦିଲ୍ଲୀ: ଦିଲ୍ଲୀର ମଣ୍ଡୋଲୀ ଜେଲରେ ବନ୍ଦୀ ମହାଠକ ସୁକେଶ ଚନ୍ଦ୍ରଶେଖର ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ବିରୋଧରେ ଗୁରୁତର ଅଭିଯୋଗ ଆଣିବା ପରେ ଏବେ ଆଉ ଏକ ଲେଟର ବୋମା ଫୁଟାଇଛି । ଏଥରେ ସିଧା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଛି ସୁକେଶ । ନିଜ ଚିଠିରେ ଅନେକ ବଡ଼ ଏବଂ ଚାଞ୍ଚଲ୍ୟକର ଖୁଲାସା କରିଛି ।

ଗୁଜରାଟ, ହିମାଚଳ ଏବଂ ଏମସିଡି ନିର୍ବାଚନ ଠିକ ପୂର୍ବରୁ ଗଣମାଧ୍ୟମକୁ ଲେଖିଥିବା ଚାରି ପୃଷ୍ଠାର ଚିଠିରେ କେଜ୍ରିୱାଲଙ୍କ ଉପରେ ୫୦ କୋଟି ଟଙ୍କା ନେବାର ଅଭିଯୋଗ ଆଣିଛି । ଏହାସହ ରାଜ୍ୟସଭା ଆସନ ଅଫର୍ ଦିଆଯାଇଥିବା ଦାବି କରିଛି ।

wp:html /wp:html

ସୁକେଶ ନିଜ ଚିଠିରେ କେଜ୍ରିୱାଲଙ୍କୁ ସିଧା ପ୍ରଶ୍ନ କରିଛି ଯେ ଯଦି ମୁଁ ଦେଶର ସବୁଠୁ ବଡ଼ ଠକ ତେବେ ଆପଣ ମୋ ପରି ଜଣେ ଠକରୁ ରାଜ୍ୟସଭା ଆସନ ଅଫର ଦେଇ ୫୦ କୋଟି ଟଙ୍କା କାହିଁକି ନେଲେ ? ସିଏମ କେଜ୍ରିୱାଲ ଏବଂ ସତ୍ୟେନ୍ଦ୍ର ଜୈନଙ୍କ ବିରୋଧରେ ଲେଖିଥିବା ପ୍ରଥମ ଚିଠିରେ ତିହାଡ ଜେଲ ପ୍ରଶାସନ ତାଙ୍କୁ ଧମକ ଦେଉଥିବା ସୁକେଶ ଅଭିଯୋଗ ଆଣିଥିଲା । ଏହାସହ ସେମାନଙ୍କ ପ୍ରଶାସନକୁ ଡରୁନଥିବା କହିଥିଲା ।

ପୂର୍ବ ଚିଠିରେ ସୁକେଶ ଲେଖିଥିଲା, ‘ମୁଁ ‘ଆପ୍’ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ବିରୋଧରେ ନିଜର ଅଭିଯୋଗକୁ ସତ ପ୍ରମାଣିତ କରିବା ପାଇଁ ସମସ୍ତ ପ୍ରମାଣ ଦେବାକୁ ପ୍ରସ୍ତୁତ ଅଛି । ମୁଁ କୋର୍ଟ ଏବଂ ନ୍ୟାୟମୂର୍ତ୍ତିଙ୍କ ନିକଟରେ ଧାରା ୧୬୪ରେ ବୟାନ ରେକର୍ଡ କରାଇବାକୁ ପ୍ରସ୍ତୁତ ଅଛି । ଯେମିତି ବି ସତ ବାହାରକୁ ଆସିବାକୁ ପଡିବ, ମୁଁ ଏବେ ଏହାକୁ ମୋ ଭିତରେ ରଖିପାରୁ ନାହିଁ । ମୋତେ ହଇରାଣ କରାଯାଉଛି । ତଥାକଥିତ ଭଦ୍ର ସରକାରର ପର୍ଦ୍ଦାଫାସ କରାଯିବା ଦରକାର’।  

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.