ନୂଆଦିଲ୍ଲୀ: ଇସ୍ରାଏଲ୍ ଡିଫେନ୍ସ ଫୋର୍ସେସ୍ ଏକ ନୂଆ ଭିଡିଓ ଜାରି କରିଛି । ଇସ୍ରାଏଲ୍ ଦାବି କରିଛି ଯେ ଭିଡିଓରେ ହମାସ୍ ଆତଙ୍କୀ ଅଛନ୍ତି ଓ ଏମାନେ ଆରପିଜି ଲଞ୍ଚର ନେଇ ଅଲ୍ କୁଦ୍‌ସ ହସ୍ପିଟାଲ ନିକଟରେ ଅଛନ୍ତି । ଉଲ୍ଲେଖଯୋଗ୍ୟ ଯେ ହମାସ୍ ଆତଙ୍କୀ ରୋଗୀଙ୍କୁ ଢାଲ ରୂପେ ବ୍ୟବାହର କରୁଥିବା ଇସ୍ରାଏଲ୍ ଦାବି କରିଆସୁଛି । ଗାଜାର ହସ୍ପିଟାଲ ଉପରେ ବି ହମାସ୍ ଆତଙ୍କୀ ଆକ୍ରମଣ କରୁଥିବା ଇସ୍ରାଏଲ ସନ୍ଦେହ କରୁଛି । ୟୁରୋପିୟନ ୟୁନିୟନ ମଧ୍ୟ ହମାସର ଏହି କୃତ୍ୟକୁ ନିନ୍ଦା କରିସାରିଛି । ଏହାସହ ହସ୍ପିଟାଲ ଓ ସାଧାରଣ ଲୋକଙ୍କୁ ଢାଲ ନକରିବା ପାଇଁ କହିଛି ।

ଆଇଡିଏଫ ଦ୍ୱାରା ସୋସିଆଲ୍ ମିଡିଆ ପ୍ଲାଟଫର୍ମ ଏକ୍ସରେ ଏକ ଭିଡିଓ ସେୟାର କରାଯାଇଛି । ଭିଡିଓ ସହ କ୍ୟାପ୍ସନ ମଧ୍ୟ ଚାଲୁଛି । ଏଥିରେ ହମାସ ଆତଙ୍କୀ ଆରପିଜି ଲଞ୍ଚର ଧର ଅଲ୍ କୁଦ୍‌ସ ହସ୍ପିଟାଲ ଭିତରକୁ ଯାଉଥିବା ନଜର ଆସୁଛି । ହସ୍ପିଟାଲ୍ ଫାଟକ ସାମନାରେ ରହି ଆରପିଜି ଲଞ୍ଚ କରୁଥିବା ଦେଖିବାକୁ ମିଳୁଛି । ଆଇଡିଏଫ ଅନୁସାରେ ଏହି ଆକ୍ରମଣ ଇସ୍ରାଏଲ ସେନା ଉପରେ କରାଯାଉଛି । ପ୍ରାୟ ୨୨ ସେକେଣ୍ଡର ଏହି ଭିଡିଓକୁ ଏକ୍ସରେ ଦେଖିସାରିଛନ୍ତି ।  

What could these Hamas terrorists possibly be doing with an RPG at the Quds Hospital? pic.twitter.com/Ajpnz0Hf4Q

— Israel Defense Forces (@IDF) November 13, 2023

ଅନ୍ୟପଟେ ୟୁରୋପିୟନ ୟୁନିୟନର ୨୭ ଦେଶ ଇସ୍ରାଏଲ ବିରୋଧ ଯୁଦ୍ଧରେ କଥିତ ରୂପେ ହସ୍ପିଟାଲ୍ ଓ ସାଧାରଣ ଲୋକଙ୍କୁ ଢାଲ କରୁଥିବାରୁ ହମାସକୁ ନିନ୍ଦା କରିଛନ୍ତି । ଇୟୁ ବିଦେଶ ମାମଲାର ପ୍ରମୁଖ ଜୋସେଫ ବୋରେଲ ସୋମବାର କହିଛନ୍ତି ଯେ ଏହାସହ ଇସ୍ରାଏଲକୁ ଅଧିକ ସଞ୍ଜମତା ରକ୍ଷା କରୁ ବୋଲି ଇୟୁ ଅପିଲ୍ କରିଥିଲା । ଇୟୁରେ ସାମିଲ ଦେଶଙ୍କ ବିଦେଶ ମନ୍ତ୍ରୀଙ୍କ ବୈଠକରେ ୨୭ ଦେଶ ପକ୍ଷରୁ ଏକ ବୟାନ ଜାରି କରାଯାଇଥିଲା । ବୋରେଲଙ୍କ ଏହି ବୟାନ ଇସ୍ରାଏଲ-ହମାସ ଯୁଦ୍ଧକୁ ନେଇ ଇୟୁ ଦେଶ ମଧ୍ୟରେ ଜାରି ବିରୋଧାଭାଷ ଦୂର କରିବା ପାଇଁ ଏକ ମିଳିତ ବୟାନ ରୂପେ ଆଗତ କରାଯାଇଥିଲା ।

Also Read: ହମାସ୍‌ର ବଢିଲା ଟେନସନ୍‌, ଯୁଦ୍ଧରେ ପ୍ରଥମଥର ପାଇଁ ‘ଆରୋ-୩’ ବ୍ୟବହାର କଲା ଇସ୍ରାଏଲ