ନୂଆଦିଲ୍ଲୀ: ପ୍ରାୟ ୪୦ ଦିନରେ ପହଞ୍ଚିଛି ଇସ୍ରାଏଲ-ହମାସ ଯୁଦ୍ଧ। ଅକ୍ଟୋବର ୭ ତାରିଖରୁ ଆରମ୍ଭ ହୋଇଥିବା ଏହି ଯୁଦ୍ଧରେ ୧୨ ହଜାରରୁ ଅଧିକ ପ୍ରାଣ ହରାଇଲେଣି। ଅଲଜାଜିରାଙ୍କ ରିପୋର୍ଟ ଅନୁଯାୟୀ, ସୁରକ୍ଷା ଜୋନ୍ ଭାବେ ପରିଚିତ ଦକ୍ଷିଣ ଗାଜାର ଆକ୍ରମଣକୁ ଜୋରଦାର୍ କରିଛି ଇସ୍ରାଏଲ। ରିପୋର୍ଟ ଅନୁଯାୟୀ, ଉତ୍ତର ଗାଜାର ଲୋକଙ୍କୁ ଏହି ସ୍ଥାନ ଛାଡିବାକୁ ଇସ୍ରାଏଲ ଚେତାବନୀ ଦିଆଯାଇଥିଲା। ଏହା ପରେ ମଧ୍ୟ ଖାନ ୟୁନିସ ଅଞ୍ଚଳରେ କ୍ରମାଗତ ଆକ୍ରମଣ କରାଯାଇଥିଲା, ଏହି କାରଣରୁ ଅନେକ ଲୋକଙ୍କର ମୃତ୍ୟୁ ଘଟିଥିଲା ଏବଂ ଅନେକ ଆହତ ହୋଇଥିଲେ।
ମାନବ ଅଧିକାର କର୍ମୀ କହିଛନ୍ତି ଯେ ଗାଜା ଡାକ୍ତରଖାନା ଉପରେ ଇସ୍ରାଏଲ୍ ଆକ୍ରମଣକୁ ଯୁଦ୍ଧ ଅପରାଧ ଭାବରେ ବିବେଚନା କରାଯିବା ଉଚିତ୍। ଏଥି ସହିତ ପାଲେଷ୍ଟାଇନ ଶରଣାର୍ଥୀମାନଙ୍କ ପାଇଁ କାର୍ଯ୍ୟ କରୁଥିବା ମିଳିତ ଜାତିସଂଘର ଏଜେନ୍ସି କହିଛି ଯେ ଯଦି ବୁଧବାର ସୁଦ୍ଧା ଗାଜାରେ ଇନ୍ଧନ ଅନୁମତି ଦିଆନଯାଏ ତେବେ ଏହାର ଅଭିଯାନ ବନ୍ଦ ହୋଇଯିବ।
ବିବିସି ରିପୋର୍ଟ ଅନୁଯାୟୀ, ଆମେରିକାର ରାଷ୍ଟ୍ରପତି ଜୋ ବାଇଡେନ କହିଛନ୍ତି ଯେ ଗାଜା ସହରର ଯୁଦ୍ଧ ଚାଲିଥିବାରୁ ଅଲ-ଶିଫା ହସ୍ପିଟାଲକୁ ସୁରକ୍ଷା ଦିଆଯାଉ। ବ୍ରିଟେନ୍ ପ୍ରଧାନମନ୍ତ୍ରୀ ଋଷି ସୁନକ ଗାଜାରେ ସାଧାରଣ ନାଗରିକଙ୍କ ସୁରକ୍ଷା ପାଇଁ ଅନୁରୋଧ ବେଳେ ଏପରି ଟିପ୍ପଣୀ ରଖିଛନ୍ତି ବାଇଡେନ୍।
ବିଶ୍ୱ ସ୍ୱାସ୍ଥ୍ୟ ସଂଗଠନ ଚେତାବନୀ ଦେଇଛି ଯେ ଗାଜାର ସବୁଠାରୁ ବଡ ହସ୍ପିଟାଲ ଭିତର ଓ ବାହାରେ ମୃତଦେହ ଗଦା ହୋଇ ପ୍ରାୟ ଏକ ସମାଧିସ୍ଥଳ ପାଲଟିଛି। ଅଲ-ଶିଫା ଭିତରେ ପ୍ରାୟ ୧୭୦ଟି ମୃତଦେହ ପାଇଁ ଏକ କବର ଖୋଳା ଯାଉଛି। ଜାତିସଂଘ କହିଛି ଯେ ବିଦ୍ୟୁତ୍ ସମସ୍ୟା ହେତୁ ଡାୟଲିସିସ୍ ଆବଶ୍ୟକ କରୁଥିବା ୧୦ ହଜାର ଶିଶୁ ଏବଂ ୪୫ କିଡନୀ ରୋଗୀଙ୍କ ସଠିକ୍ ଚିକିତ୍ସା ହୋଇପାରୁନାହିଁ। ଇସ୍ରାଏଲ୍ ସୈନ୍ୟବାହିନୀ କହିଛନ୍ତି ସିଧାସଳଖ ଡାକ୍ତରଖାନାକୁ ଟାର୍ଗେଟ କରୁନାହିଁ।
